ಬ್ರೇಕ್ ಕೆ ಬಾದ್​.. ಹೋಬರ್ಟ್​ ಇಂಟರ್​ನ್ಯಾಷನಲ್ ಗೆದ್ದ ಸಾನಿಯಾ ಮಿರ್ಜಾ ಜೋಡಿ

ಐದನೇ ಶ್ರೇಯಾಂಕಿತ ಇಂಡೋ - ಉಕ್ರೇನಿಯನ್ ಜೋಡಿ ಸಾನಿಯಾ ಮಿರ್ಜಾ ಮತ್ತು ನಾಡಿಯಾ ಕಿಚೆನೋಕ್ ಹೋಬರ್ಟ್​ ಇಂಟರ್​ನ್ಯಾಷನಲ್​ ಮಹಿಳಾ ಡಬಲ್ಸ್​ ಪ್ರಶಸ್ತಿ ಗೆದ್ದುಕೊಂಡಿದೆ.

ಹೋಬರ್ಟ್: ಎರಡು ವರ್ಷಗಳ ಸುದೀರ್ಘ ಬ್ರೇಕ್​ನ ನಂತರ ಟೆನ್ನಿಸದ್ ಮೈದಾನಕ್ಕೆ ಇಳಿದಿರುವ ಭಾರತೀಯ ಟೆನ್ನಿಸ್ ತಾರೆ ಸಾನಿಯಾ ಮಿರ್ಜಾ ಆಸ್ಟ್ರೇಲಿಯಾದಲ್ಲಿ ನಡೆದ ಹೋಬರ್ಟ್​ ಇಂಟರ್​ನ್ಯಾಷನಲ್​ ಮಹಿಳಾ ಡಬಲ್ಸ್​ನಲ್ಲಿ ಫೈನಲ್‌ ಪಂದ್ಯದಲ್ಲಿ ಉಕ್ರೇನ್ ಆಟಗಾರ್ತಿ ಕಿಚೆನೋಕ್ ಜೊತೆ ಚಾಂಪಿಯನ್ ಪಟ್ಟ ಅಲಂಕರಿಸಿದ್ದಾರೆ.

ಪ್ರಶಸ್ತಿ ಸುತ್ತಿನ ಪಂದ್ಯದಲ್ಲಿ ಚೀನಾದ ಜಾಂಗ್ ಶೂಯಿ ಮತ್ತು ಪೆಂಗ್ ಶೂಯಿ ಜೊತೆ ಕಾದಾಡಿದ ಇಂಡೋ-ಉಕ್ರೇನಿಯನ್ ಜೋಡಿ, ಎದುರಾಳಿ ಆಟಗಾರರು ಮೇಲುಗೈ ಸಾಧಿಸಲು ಅವಕಾಶ ನೀಡದೇ 6-4, 6-4 ಸೆಟ್‌ಗಳಿಂದ ಸೋಲಿಸಿದೆ.

2017ರಲ್ಲಿ ಚೀನಾ ಓಪನ್​ನಲ್ಲಿ ಕೊನೆಯಾದಾಗಿ ಟೆನ್ನಿಸ್​ ಅಂಗಳದಲ್ಲಿ ಕಾಣಿಸಿಕೊಂಡಿದ್ದ 33 ವರ್ಷದ ಸಾನಿಯಾ ಮಿರ್ಜಾ 2 ವರ್ಷಗಳ ನಂತರ ಟೆನ್ನಿಸ್​ ಅಂಗಳಕ್ಕೆ ಕಾಲಿರಿಸಿದ್ದು, ಪ್ರಶಸ್ತಿ ಗೆಲ್ಲುವ ಮೂಲಕ ಕಂಬ್ಯಾಕ್ ಮಾಡಿದ್ದಾರೆ.