ಅಭಿಮಾನಿಗಳಿ ಸಿಹಿ ಸುದ್ದಿ ನೀಡಿದ ಸಾನಿಯಾ ಮಿರ್ಜಾ... ಜನವರಿಯಲ್ಲಿ ಟೆನ್ನಿಸ್​ಗೆ ರೀ ಎಂಟ್ರಿ

2017 ರಿಂದ ಟೆನ್ನಿಸ್​ ಜಗತ್ತಿನಿಂದ ದೂರವಿರುವ ಸಾನಿಯಾ ಮಿರ್ಜಾ ಮುಂದಿನ ವರ್ಷ ಜನವರಿಯಲ್ಲಿ ನಡೆಯುವ ಹೋಬರ್ಟ್​ ಇಂಟರ್​ನ್ಯಾಷನಲ್​     ಟೂರ್ನಿಯಲ್ಲಿ ಉಕ್ರೇನ್​ ಜೊತೆಗಾರ್ತಿ ನಾಡಿಯಾ ಕಿಚೆನೋಕ್ ಜೊತೆಯಾಗಿ ಮತ್ತೆ ಟೆನ್ನಿಸ್​ ಅಂಗಳಕ್ಕೆ ಕಣಕ್ಕಿಳಲಿಯಲಿದ್ದಾರೆ.

ಹೈದರಾಬಾದ್​:ಭಾರತ ಖ್ಯಾತ ಟೆನ್ನಿಸ್​ ತಾರೆ ಸಾನಿಯಾ ಮಿರ್ಜಾ 2 ವರ್ಷದ ಬಳಿಕ ವೃತ್ತಿಪರ ಟೆನ್ನಿಸ್​ ಜಗತ್ತಿಗೆ ಮತ್ತೆ ರೀಎಂಟ್ರಿ ನೀಡಲಿದ್ದಾರೆ.

2017 ರಿಂದ ಟೆನ್ನಿಸ್​ ಜಗತ್ತಿನಿಂದ ದೂರವಿರುವ ಸಾನಿಯಾ ಮಿರ್ಜಾ ಮುಂದಿನ ವರ್ಷ ಜನವರಿಯಲ್ಲಿ ನಡೆಯುವ ಹೋಬರ್ಟ್​ ಇಂಟರ್​ನ್ಯಾಷನಲ್​ ಟೂರ್ನಿಯಲ್ಲಿ ಉಕ್ರೇನ್​ ಜೊತೆಗಾರ್ತಿ ನಾಡಿಯಾ ಕಿಚೆನೋಕ್ ಜೊತೆಯಾಗಿ ಮತ್ತೆ ಟೆನ್ನಿಸ್​ ಅಂಗಳಕ್ಕೆ ಕಣಕ್ಕಿಳಲಿಯಲಿದ್ದಾರೆ.

ನಾನು ಹೋಬರ್ಟ್​ನಲ್ಲಿ ಆಡಲಿದ್ದೇನೆ, ನಂತರ ಆಸ್ಟ್ರೇಲಿಯನ್​ ಓಪನ್​ನಲ್ಲಿ ಆಡಲಿದ್ದೇನೆ. ಮುಂದಿನ ತಿಂಗಳು ಮುಂಬೈನಲ್ಲಿ ನಡೆಯುವ ಐಟಿಎಫ್​ ಮಹಿಳಾ ಟೂರ್ನಿಯಲ್ಲಿ ಆಡಲು ಯೋಜನೇ ರೂಪಿಸಿಕೊಂಡಿದ್ದೇನೆ. ಆದರೆ ಈ ಟೂರ್ನಿ ಬಗ್ಗೆ ಇನ್ನೂ ನನ್ನ ನಿರ್ಧಾರ 50:50 ಇದೆ. ಆದರೆ ಹೋಬರ್ಟ್​ ಹಾಗೂ ಆಸ್ಟ್ರೇಲಿಯನ್​ ಓಪನ್​ ಮಾತ್ರ ಪಕ್ಕ ಎಂದು ಮೂಗುತಿ ಸುಂದರಿ ಮಾಧ್ಯಮಕ್ಕೆ ತಿಳಿಸಿದ್ದಾರೆ.

2010ರಲ್ಲಿ ಪಾಕಿಸ್ತಾನದ ಕ್ರಿಕೆಟಿಗ ಶೋಯಭ್​ ಮಲಿಕ್​ರನ್ನು ಮದುವೆಯಾಗಿದ್ದ ಸಾನಿಯಾ ಮಿರ್ಜಾ 2018 ಅಕ್ಟೋಬರ್​ 30 ರಂದು ಗಂಡುಮಗುವಿಗೆ ಜನ್ಮ ನೀಡಿದ್ದರು. 2017ರಲ್ಲಿ ಚೇನಾ ಓಪನ್​ನಲ್ಲಿ ಕೊನೆಯಾದಾಗಿ ಟೆನ್ನಿಸ್​ ಅಂಗಳದಲ್ಲಿ ಕಾಣಿಸಿಕೊಂಡಿದ್ದ ಸಾನಿಯಾ ಇದೀಗ 2 ವರ್ಷಗಳ ನಂತರ ಮತ್ತೆ ರಾಕೆಟ್​ ಹಿಡಿಯಲು ನಿರ್ಧರಿಸಿದ್ದಾರೆ.

ಸಾಮಿಯಾ ಮಿರ್ಜಾ ಡಬಲ್ಸ್​ ವಿಭಾಗದಲ್ಲಿ ಮೂರು ಗ್ರ್ಯಾಂಡ್​ಸ್ಲಾಮ್​, ಮಿಕ್ಸಡ್​ ಡಬಲ್ಸ್​ನಲ್ಲಿ ಮೂರು ಗ್ರ್ಯಾಂಡ್ಸ್​ಸ್ಲಾಮ್​ ಪ್ರಶಸ್ತಿ ಪಡೆದಿದ್ದಾರೆ.