ಮಿಯಾಮಿ ಓಪನ್.. ಮೊದಲ ಬಾರಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ ನವೋಮಿ ಒಸಾಕ

ವಿಶ್ವದ ನಂಬರ್ ಒನ್ ಶ್ರೇಯಾಂಕಿತೆ ಆಶ್ಲೇ ಬಾರ್ಟಿ, ಸ್ವಿಟೋಲಿನಾ, ಆ್ಯಂಡ್ರೆಸ್ಕು, ಸೆವಾಸ್ಟೋವಾ ಮತ್ತು ಸೋರಿಬ್ಸ್​ ಟಾರ್ಮೊ ಕ್ವಾರ್ಟರ್​ ಫೈನಲ್ ಪ್ರವೇಶಿಸಿರುವ ಸ್ಟಾರ್​ ಆಟಗಾರ್ತಿಯರಾಗಿದ್ದಾರೆ..

ವಾಷಿಂಗ್ಟನ್ :ಆಸ್ಟ್ರೇಲಿಯನ್ ಓಪನ್ ಚಾಂಪಿಯನ್ ಜಪಾನ್​ನ ನವೋಮಿ ಒಸಾಕ ಬಲ್ಜಿಯಂನ ಎಲೈಸ್​ ಮೆರ್ಟೆನ್ಸ್​ರನ್ನು ಮಣಿಸುವ ಮೂಲಕ ಮಿಯಾಮಿ ಓಪನ್​​ನಲ್ಲಿ ಇದೇ ಮೊದಲ ಬಾರಿಗೆ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ್ದಾರೆ.

ಟೂರ್ನಿಯಲ್ಲಿ 2ನೇ ಶ್ರೇಯಾಂಕ ಪಡೆದಿರುವ ಒಸಾಕ 16ನೇ ಶ್ರೇಯಾಂಕಿತೆ ಮೆರ್ಟೆನ್ಸ್​ ವಿರುದ್ಧ 6-3,6-3ರ ನೇರ ಸೆಟ್​ಗಳ ಅಂತರದಲ್ಲಿ ಗೆದ್ದು 8ರಘಟ್ಟಕ್ಕೆ ಪ್ರವೇಶ ಪಡೆದಿದ್ದಾರೆ. ಒಸಾಕ ಈ ಪಂದ್ಯವನ್ನು ಗೆಲ್ಲುವ ಮೂಲಕ ಸತತ 23 ಪಂದ್ಯಗಳ ಗೆಲುವಿನ ಓಟ ಮುಂದುವರಿಸಿಕೊಂಡು ಹೋಗಿದ್ದಾರೆ.

ಮೆರ್ಟೆನ್ಸ್ ವಿರುದ್ಧ ಒಸಾಕಗೆ ಇದು 3ನೇ ಗೆಲುವಾಗಿದೆ. 4 ಪಂದ್ಯಗಳ ಮುಖಾಮುಖಿಯಲ್ಲಿ ಮೊದಲ ಪಂದ್ಯದಲ್ಲಿ ಸೋತಿದ್ದ ಒಸಾಕ ನಂತರದ 3 ಪಂದ್ಯಗಳಲ್ಲಿ ಗೆಲುವು ಪಡೆದಿದ್ದಾರೆ.

ಜಪಾನ್​ ಆಟಗಾರ್ತಿ ತನ್ನ ಮುಂದಿನ ಸುತ್ತಿನಲ್ಲಿ ಗ್ರೀಸ್​ನ ಮರಿಯಾ ಸಕ್ಕರಿ ಅವರನ್ನು ಎದುರಿಸಲಿದ್ದಾರೆ. ಸಕ್ಕರಿ 29ನೇ ಶ್ರೇಯಾಂಕಿತೆ ಅಮೆರಿಕಾದ ಜಸ್ಸಿಕಾ ಪೆಗುಲಾ ಅವರನ್ನು 6-4,2-6,7-6(6)ರಲ್ಲಿ ಮಣಿಸಿ ಕ್ವಾರ್ಟರ್​ ಫೈನಲ್ ಪ್ರವೇಶಿಸಿದ್ದಾರೆ.

ವಿಶ್ವದ ನಂಬರ್ ಒನ್ ಶ್ರೇಯಾಂಕಿತೆ ಆಶ್ಲೇ ಬಾರ್ಟಿ, ಸ್ವಿಟೋಲಿನಾ, ಆ್ಯಂಡ್ರೆಸ್ಕು, ಸೆವಾಸ್ಟೋವಾ ಮತ್ತು ಸೋರಿಬ್ಸ್​ ಟಾರ್ಮೊ ಕ್ವಾರ್ಟರ್​ ಫೈನಲ್ ಪ್ರವೇಶಿಸಿರುವ ಸ್ಟಾರ್​ ಆಟಗಾರ್ತಿಯರಾಗಿದ್ದಾರೆ.

ಇದನ್ನು ಓದಿ:ಟಿ20 ವಿಶ್ವಕಪ್​ನಲ್ಲಿ ಆರಂಭಿಕರಾಗಿ ರೋಹಿತ್-ಧವನ್ ಆಡಿದರೆ ಉತ್ತಮ : ಮಾಜಿ ಸೆಲೆಕ್ಟರ್​