ಲಂಡನ್ :ವಿಶ್ವದ ನಂಬರ್ 1 ಶ್ರೇಯಾಂಕದ ನೊವಾಕ್ ಜೋಕೋವಿಕ್‌ರನ್ನು 3ನೇ ಶ್ರೇಯಾಂಕದ ಡೊಮಿನಿಕ್ ಥೀಮ್ ಮತ್ತು 2ನೇ ಶ್ರೇಯಾಂಕದ ರಾಫೆಲ್ ನಡಾಲ್ರನ್ನು 4ನೇ ಶ್ರೇಯಾಂಕದ ಡ್ಯಾನಿಲ್ ಮೆಡ್ವೆಡೆವ್ ಅಚ್ಚರಿಯ ಗೆಲುವು ಸಾಧಿಸಿ ಎಟಿಪಿ ಫೈನಲ್ ಪ್ರವೇಶಿಸಿದ್ದಾರೆ.
ನಡಾಲ್ ಮೊದಲ ಸೆಟ್ ವಶಪಡಿಸಿಕೊಂಡಿದ್ದ ಸಂದರ್ಭದಲ್ಲಿ ಸತತ 71 ಪಂದ್ಯಗಳ ಜಯದ ನಿರೀಕ್ಷೆಯಲ್ಲಿದ್ದರು. ಶನಿವಾರ ನಡೆದ ಪಂದ್ಯದಲ್ಲಿ ನಡಾಲ್ ಮೊದಲ ಸೆಟ್ಅನ್ನು 6-3ರಲ್ಲಿ ಗೆದ್ದು, 2ನೇ ಸೆಟ್ನಲ್ಲಿ 5-4ರಲ್ಲಿ ಮುನ್ನಡೆ ಸಾಧಿಸಿ ಫೈನಲ್ ದಾರಿಯಲ್ಲಿದ್ದರು. ಆದರೆ, ಮಡ್ವೆಡೆವ್ ಅಚ್ಚರಿಯ ರೀತಿ ತಿರುಗಿಬಿದ್ದು 3 ಸರ್ವ್ಗಳನ್ನು ಬ್ರೇಕ್ ಮಾಡಿ 7-6(4)ರಲ್ಲಿ ಸೆಟ್ ಗೆದ್ದು ಸಮಬಲ ಸಾಧಿಸಿದರು.
ನಂತರ ಕೊನೆಯ ಸೆಟ್ನಲ್ಲೂ ಪ್ರಾಬಲ್ಯ ಸಾಧಿಸಿ 6-3ರಲ್ಲಿ ಗೆಲ್ಲುವ ಮೂಲಕ ಫೈನಲ್ ಪ್ರವೇಶಿಸಿದರು. ಮತ್ತೊಂದು ಪಂದ್ಯದಲ್ಲಿ ಡೊಮಿನಿಕ್ ಥೀಮ್ ರೋಚಕ ಕದನದಲ್ಲಿ ಅಗ್ರ ಶ್ರೇಯಾಂಕದ ನೊವಾಕ್ ಜೋಕೊವಿಕ್ರನ್ನು 7-5,7-6(10)7-6 ಸೆಟ್ಗಳ ಅಂತರದಲ್ಲಿ ಮಣಿಸಿ ಫೈನಲ್ ಪ್ರವೇಶಿಸಿದರು. ಮೂರನೇ ಸೆಟ್ನ ಟೈಬ್ರೇಕರ್ನಲ್ಲಿ 0-4ರಲ್ಲಿ ಹಿನ್ನಡೆಯಲ್ಲಿದ್ದ ಥೀಮ್, ಒತ್ತಡವನ್ನು ಮೀರಿ ಕೊನೆಗೂ ಜೋಕೊವಿಕ್ರನ್ನು ಮಣಿಸಿದರು.
ಇಂದು 11:30ಕ್ಕೆ ನಡೆಯಲಿರುವ ಫೈನಲ್ ಪಂದ್ಯದಲ್ಲಿ ಮೆಡ್ವೆಡೆವ್ ಮತ್ತು ಥೀಮ್ ಎದುರಾಗಲಿದ್ದಾರೆ. ಈ ಇಬ್ಬರು ಆಟಗಾರರು 5ನೇ ಬಾರಿಗೆ ಮುಖಾಮುಖಿಯಾಗಲಿದ್ದಾರೆ. ಥೀಮ್ ಯುಎಸ್ ಸೆಮಿಫೈನಲ್ ಸೇರಿದಂತೆ ಮೆಡ್ವೆಡೆವ್ ವಿರುದ್ಧ 3-1ರಲ್ಲಿ ಮುನ್ನಡೆ ಸಾಧಿಸಿದ್ದಾರೆ.
