ಟೆನ್ನಿಸ್​ ಜಗತ್ತಿಗೆ ಗೆಲುವಿನ ಮೂಲಕ ರಿಎಂಟ್ರಿ ಕೊಟ್ಟ 'ಮೂಗುತಿ ಬೆಡಗಿ'

ಮಂಗಳವಾರ ನಡೆದ ಮಹಿಳೆಯರ ಡಬಲ್ಸ್​ ವಿಭಾಗದ ಪಂದ್ಯದಲ್ಲಿ ಸಾನಿಯಾ ಮಿರ್ಜಾ ಉಕ್ರೇನ್​ನ ನಾಡಿಯಾ ಕಿಚೆನೊಕ್ ಜೊತೆಗೂಡಿ ಜಾರ್ಜಿಯಾದ ಒಕ್ಸಾನಾ ಕಲಾಶ್ನಿಕೋವಾ ಹಾಗೂ ಜಪಾನ್​ ಮಿಯು ಕಟೊ ಅವರನ್ನು 2-6, 6-6(3) ಹಾಗೂ 10-3 ರಲ್ಲಿ ಮಣಿಸಿ ಕ್ವಾರ್ಟರ್​ ಫೈನಲ್​ ಪ್ರವೇಶಿಸಿದ್ದಾರೆ.

ಹೋಬರ್ಟ್​:ಭಾರತದ ಖ್ಯಾತ​​ ಟೆನ್ನಿಸ್​ ಆಟಗಾರ್ತಿ ಸಾನಿಯಾ ಮಿರ್ಜಾ ಟೆನ್ನಿಸ್​ ಜಗತ್ತಿಗೆ ಮರಳಿದ್ದು ಹೋಬರ್ಟ್​ ಇಂಟರ್​ನ್ಯಾಷನಲ್​ ಟೂರ್ನಿಯಲ್ಲಿ ಕ್ವಾರ್ಟರ್​ ಫೈನಲ್​ ಪ್ರವೇಶಿಸುವ ಮೂಲಕ ಎರಡನೇ ಇನ್ನಿಂಗ್ಸ್​ ಆರಂಭಿಸಿದ್ದಾರೆ.

ಮಂಗಳವಾರ ನಡೆದ ಮಹಿಳೆಯರ ಡಬಲ್ಸ್​ ವಿಭಾಗದ ಪಂದ್ಯದಲ್ಲಿ ಸಾನಿಯಾ ಉಕ್ರೇನ್​ನ ನಾಡಿಯಾ ಕಿಚೆನೊಕ್ ಜೊತೆಗೂಡಿ ಜಾರ್ಜಿಯಾದ ಒಕ್ಸಾನಾ ಕಲಾಶ್ನಿಕೋವಾ ಹಾಗೂ ಜಪಾನ್​ ಮಿಯು ಕಟೊ ಅವರನ್ನು 2-6, 6-6(3) ಹಾಗೂ 10-3 ರಲ್ಲಿ ಮಣಿಸಿ ಕ್ವಾರ್ಟರ್​ ಫೈನಲ್​ ಪ್ರವೇಶಿಸಿದ್ದಾರೆ.

2017ರಲ್ಲಿ ಚೀನಾ ಓಪನ್​ನಲ್ಲಿ ಕೊನೆಯಾದಾಗಿ ಟೆನ್ನಿಸ್​ ಅಂಗಳದಲ್ಲಿ ಕಾಣಿಸಿಕೊಂಡಿದ್ದ ಇವರು, ಇದೀಗ 2 ವರ್ಷಗಳ ನಂತರ ಮತ್ತೆ ಟೆನ್ನಿಸ್ ಬ್ಯಾಟ್​ ಹಿಡಿದು ತಮ್ಮ ಶಕ್ತಿ ಇನ್ನೂ ಕುಂದಿಲ್ಲ ಎಂದು ತೋರಿಸಿಕೊಟ್ಟಿದ್ದಾರೆ.

ಕ್ವಾರ್ಟರ್​ ಫೈನಲ್​ನಲ್ಲಿ ಸಾನಿಯಾ ಮಿರ್ಜಾ ಜೋಡಿ ಅಮೆರಿಕದ ವನಿಯಾ ಕಿಂಗ್​ ಮತ್ತು ಕ್ರಿಸ್ಟಿನಾ ರಿಸ್ಟಿನಾ ಮೆಕ್‌ಹೇಲ್ ಅವರನ್ನು ಎದುರಿಸಲಿದೆ.