ತಮ್ಮ ದೇಶದ ಆಟಗಾರನನ್ನು ಮಣಿಸಿ ಆಸ್ಟ್ರೇಲಿಯನ್ ಓಪನ್​ ಸೆಮಿಫೈನಲ್ ಪ್ರವೇಶಿಸಿದ ಮೆಡ್ವೆಡೆವ್​

ರಷ್ಯನ್ನರ ಕಾದಾಟದಲ್ಲಿ 4ನೇ ಶ್ರೇಯಾಂಕದ ಮೆಡ್ವೆಡೆವ್​​ 7ನೇ ಶ್ರೇಯಾಂಕದ ರುಬೆಲ್​ ವಿರುದ್ಧ 7-5,6-3, 6-2ರ ನೇರ ಸೆಟ್​ಗಳಲ್ಲಿ ಗೆಲುವು ಸಾಧಿಸುವ ಮೂಲಕ ಸೆಮಿಫೈನಲ್​ ಪ್ರವೇಶಿಸಿದರು.

ಮೆಲ್ಬೋರ್ನ್​:ರಷ್ಯಾದ ಸ್ಟಾರ್​ ಡೇನಿಲ್ ಮೆಡ್ವೆಡೆವ್​​ ಆಸ್ಟ್ರೇಲಿಯನ್ ಓಪನ್​ ಕ್ವಾರ್ಟರ್​ ಫೈನಲ್​ನಲ್ಲಿ ತಮ್ಮದೇ ದೇಶದ ಆ್ಯಂಡ್ರೆ ರುಬ್ಲೆವ್​ರನ್ನು ಮಣಿಸಿ ಸೆಮಿಫೈನಲ್ ಪ್ರವೇಶಿಸಿದ್ದಾರೆ.

ರಷ್ಯನ್ನರ ಕಾದಾಟದಲ್ಲಿ 4ನೇ ಶ್ರೇಯಾಂಕದ ಮೆಡ್ವೆಡೆವ್​​ 7ನೇ ಶ್ರೇಯಾಂಕದ ರುಬೆಲ್​ ವಿರುದ್ಧ 7-5,6-3, 6-2ರ ನೇರ ಸೆಟ್​ಗಳಲ್ಲಿ ಸೋಲಿಸುವ ಮೂಲಕ ಸೆಮಿಫೈನಲ್​ ಪ್ರವೇಶಿಸಿದರು.

ಅಲ್ಲದೇ ಕಳೆದ ನವ ನವೆಂಬರ್​ನಿಂದ ಸತತ 19ನೇ ಗೆಲುವು ಸಾಧಿಸಿದರು. ಅವರು ಈ ಮಧ್ಯೆ ಪ್ಯಾರೀಸ್ 1000, ಎಟಿಪಿ ಫೈನಲ್ಸ್​ ಮತ್ತು ಎಟಿಪಿ ಕಪ್​ ಗಳನ್ನು ಗೆದ್ದಿದ್ದಲ್ಲದೇ, ಆಸ್ಟ್ರೇಲಿಯನ್​ ಓಪನ್​ ಸೆಮಿಫೈನಲ್​ ವರೆಗೆ ಸೋಲಿಲ್ಲದ ಸರದಾರನಾಗಿ ಮುನ್ನುಗ್ಗುತ್ತಿದ್ದಾರೆ.

2019ರ ಯುಎಸ್​ ಓಪನ್​ ಫೈನಲ್ ಮತ್ತು 2020ರ ಯುಎಸ್​ ಸೆಮಿಫೈನಲ್​ ಹೊರೆತುಪಡಿಸಿದರೆ, ಇದೇ ಮೊದಲ ಬಾರಿಗೆ ಆಸ್ಟ್ರೇಲಿಯನ್ ಓಪನ್​ನಲ್ಲಿ ಉಪಾಂತ್ಯಕ್ಕೆ ಪ್ರವೇಶಿಸಿದ್ದಾರೆ.

ಮೆಡ್ವೆಡೆವ್​ಸೆಮಿಫೈನಲ್​ನಲ್ಲಿ ಸ್ಟೆಫಾನೋಸ್​ ಸಿಟ್ಸಿಪಾಸ್​ ಮತ್ತು ನಡಾಲ್​ ನಡುವಿನ ಕ್ವಾರ್ಟರ್​ ಫೈನಲ್​ನಲ್ಲಿ ಗೆದ್ದವರ ವಿರುದ್ಧ ಶುಕ್ರವಾರ ಸೆಣಸಾಡಲಿದ್ದಾರೆ.

ಇದನ್ನು ಓದಿ:ಆಸ್ಟ್ರೇಲಿಯನ್ ಓಪನ್ 2021: ವಿಶ್ವದ ನಂಬರ್​ 1 ಆಶ್ಲೇ ಬಾರ್ಟಿಗೆ ಸೋಲುಣಿಸಿದ ಮುಚೋವಾ