ಲೆಕ್ಸಿಂಗ್ಟನ್: ಅಮೆರಿಕದ ಉದಯೋನ್ಮುಖ ಟೆನ್ನಿಸ್ ಆಟಗಾರ್ತಿ ಕೊಕೊ ಗಫ್ ಟಾಪ್ ಸೀಡ್ ಓಪನ್ನಲ್ಲಿ ಕ್ವಾರ್ಟರ್ ಫೈನಲ್ ಪ್ರವೇಶಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ಟೂರ್ನಿಯಲ್ಲಿ ಎರಡನೇ ಶ್ರೇಯಾಂಕ ಪಡೆದಿದ್ದ ಅರಿನಾ ಸಬಲೆಂಕಾ ಅವರನ್ನು 7-6(2), 4-6, 6-4 ಸೆಟ್ಗಳಿಂದ ಮಣಿಸುವ ಮೂಲಕ ಅನುಭವಿ ಎದುರಾಳಿಯನ್ನು ಮಣಿಸಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದರು. ಈ ಮೂಲಕ ಟಾಪ್ 15ನೇ ಶ್ರೇಯಾಂಕ ಹೊಂದಿರುವ ಆಟಗಾರ್ತಿಯರ ವಿರುದ್ಧ ತಮ್ಮ ಮೂರನೇ ಗೆಲುವು ಸಾಧಿಸಿದ್ದರು.
53ನೇ ಎಟಿಪಿ ಶ್ರೇಯಾಂಕ ಹೊಂದಿರುವ ಗಫ್ 11 ಶ್ರೇಯಾಂಕದ ಸಬಲಂಕಾ ವಿರುದ್ಧ ಅದ್ಭುತ ಪ್ರದರ್ಶನ ತೋರಿದರು. ಮೊದಲ ಸೆಟ್ನಲ್ಲಿ ಗೆಲುವು ಸಾಧಿಸಿದ ಗಫ್ ಎರಡನೇ ಸೆಟ್ನಲ್ಲಿ ಸಬಲಂಕಾ ಅನುಭವಕ್ಕೆ ತಲೆಬಾಗಿದರು. ಆದರೆ ಮೂರನೇ ಸೆಟ್ನಲ್ಲಿ ತಾಳ್ಮೆ ಹಾಗೂ ಚಾಣಾಕ್ಷತನದಿಂದ ಆಡಿ ಕ್ವಾರ್ಟರ್ ಫೈನಲ್ಗೆ ಎಂಟ್ರಿ ಪಡೆದರು.
ಗಫ್ ತನ್ನ ಮುಂದಿನ ಪಂದ್ಯದಲ್ಲಿ ಟೂರ್ನಿಯಲ್ಲಿ 8ನೇ ಶ್ರೇಯಾಂಕ ಪಡೆದಿರುವ ಆನ್ಸ್ ಜಬ್ಯೂರ್ ವಿರುದ್ಧ ಹೋರಾಟ ನಡೆಸಲಿದ್ದಾರೆ. ಇನ್ನು ಇಂದಿನ ಪಂದ್ಯದಲ್ಲಿ ವಿಲಿಯಮ್ಸ್ ಸಹೋದರಿಯರು ಫ್ರೀ ಕ್ವಾರ್ಟರ್ ಫೈನಲ್ನಲ್ಲಿ ಸೆಣಸಾಡಲಿದ್ದಾರೆ.