ಅಡಿಲೇಡ್(ಆಸ್ಟ್ರೇಲಿಯಾ) :ಇಲ್ಲಿ ನಡೆಯುತ್ತಿರುವ ಅಡಿಲೇಡ್ ಇಂಟರ್‌ನ್ಯಾಶನಲ್ ಟೆನಿಸ್ ಟೂರ್ನಮೆಂಟ್‌ನಲ್ಲಿ ಭಾರತದ ರೋಹನ್ ಬೋಪಣ್ಣ ಮತ್ತು ರಾಮ್ಕುಮಾರ್ ರಾಮನಾಥನ್ ಜೋಡಿ ಸೆಮಿಫೈನಲ್ಗೆ ಲಗ್ಗೆಯಿಟ್ಟಿದೆ.
ಪುರುಷರ ಈವೆಂಟ್‌ನ ಡಬಲ್ಸ್ ಕ್ವಾರ್ಟರ್‌ಫೈನಲ್‌ನಲ್ಲಿ ಫ್ರೆಂಚ್-ಮೊನೆಗಾಸ್ಕ್ನ ಬೆಂಜಮಿನ್ ಬೊಂಜಿ ಮತ್ತು ಹ್ಯೂಗೊ ನೈಸ್ ಜೋಡಿಯನ್ನು ಬೋಪಣ್ಣ ಮತ್ತು ರಾಮ್ಕುಮಾರ್ 6-1 6-3 ಸೆಟ್‌ಗಳಿಂದ ಮಣಿಸಿ, ಸೆಮಿಫೈನಲ್ ಪ್ರವೇಶಿಸಿದ್ದಾರೆ.
ಸೆಮಿಫೈನಲ್ನಲ್ಲಿ ಬೋಸ್ನಿಯಾ-ಮೆಕ್ಸಿಕನ್ ಜೋಡಿಯಾದ ಟೊಮಿಸ್ಲಾವ್ ಬ್ರಿಕ್ ಮತ್ತು ಸ್ಯಾಂಟಿಯಾಗೊ ಗೊನ್ಜಾಲೆಜ್ ಅವರೊಂದಿಗೆ ಬೋಪಣ್ಣ ಮತ್ತು ರಾಮ್ಕುಮಾರ್ ಸೆಣೆಸಾಡಬೇಕಿದೆ.