ಪ್ರೆಂಚ್​ ಓಪನ್​ನಲ್ಲಿ ಸೋತರೂ ನಂಬರ್​ ಒನ್​ ಸ್ಥಾನ ಉಳಿಸಿಕೊಂಡ ಜಾಕೋವಿಕ್​!

ಪ್ರೆಂಚ್​ ಓಪನ್​ನ ಸೆಮಿಫೈನಲ್​ನಲ್ಲಿ ಸೋತರೂ ಸರ್ಬಿಯಾದ ನೂವಾಕ್​ ಜಾಕೋವಿಕ್ ನಂಬರ್​ ಒನ್​ ಕಾಯ್ದುಕೊಂಡಿದ್ದಾರೆ. ಇವರ ಜೊತೆಗೆ ಟಾಪ್​ 10 ನಲ್ಲಿರುವ ಎಲ್ಲರೂ ತಮ್ಮ ಸ್ಥಾನವನ್ನುಭದ್ರಪಡಿಸಿಕೊಂಡಿದ್ದಾರೆ.

ಬೀಜಿಂಗ್​: ಪ್ರೆಂಚ್​ ಓಪನ್​ನ ಸೆಮಿಫೈನಲ್​ನಲ್ಲಿ ಸೋತರೂ ಸರ್ಬಿಯಾದ ನೋವಾಕ್​ ಜಾಕೋವಿಕ್ ನಂಬರ್​ ಒನ್​ ಸ್ಥಾನ ಉಳಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ.​

ಸೋಮವಾರ ಬಿಡುಗಡೆಯಾದ ಎಟಿಪಿ ಶ್ರೇಯಾಂಕದಲ್ಲಿ ಸರ್ಬಿಯಾದ ನೋವಾಕ್​ ಜಾಕೋವಿಕ್​ ಮೊದಲ ಸ್ಥಾನ ಕಾಯ್ದುಕೊಂಡಿದ್ದಾರೆ. ಎರಡನೇ ಸ್ಥಾನದಲ್ಲಿ ಪ್ರೆಂಚ್​ ಓಪನ್​ ಚಾಂಪಿಯನ್​ ಸ್ಪೇನಿನ ರಾಫೆಲ್​ ನಡಾಲ್​ ಕಾಯ್ದುಕೊಂಡರೆ, ಮೂರನೇ ಸ್ಥಾನದಲ್ಲಿ ರೋಜರ್​ ಫೆಡೆರರ್​ ಮುಂದುವರಿದಿದ್ದಾರೆ.

ನೂತನ ಶ್ರಯಾಂಕದ ಟಾಪ್​ 10ರಲ್ಲಿ ಯಾವುದೇ ಬದಲಾವಣೆಯಾಗಿಲ್ಲ. ಜಾಕೋವಿಕ್​ 12,415 ಅಂಕ ಪಡೆದಿದ್ದರೆ ಮೊದಲ ಸ್ಥಾನದಲ್ಲಿದ್ದರೆ, ಎರಡನೇ ಸ್ಥಾನದಲ್ಲಿರುವ ರಾಫೆಲ್​ 7,945 ಅಂಕ ಪಡೆದಿದ್ದಾರೆ.

ಇತ್ತೀಚೆಗೆ ನಡೆದ ಫ್ರೆಂಚ್​ ಓಪನ್​ನಲ್ಲಿ ರೋಜರ್​ ಫೆಡರರ್​ ಅವರನ್ನು ನಡಾಲ್​​ ಹಾಗೂ ಜಾಕೋವಿಕ್​ರನ್ನು ಆಸ್ಟ್ರಿಯಾದ ಡಾಮಿನಿಕ್‌ ಥೀಮ್‌ ಮಣಿಸಿದ್ದರು. ಫೈನಲ್​ನಲ್ಲಿ ಥೀಮ್​ ನಡಾಲ್​ ವಿರುದ್ಧ ಸೋಲನುಭವಿಸಿದ್ದರು.