ಪಾಕಿಸ್ತಾನಕ್ಕೆ ಹೋಗಿ ನಾವು ಆಡುವುದಿಲ್ಲ: ಭಾರತ ಟೆನ್ನಿಸ್ ಫೆಡರೇಷನ್​ನಿಂದ ITFಗೆ ಮನವಿ​

ಭಾರತ ಮತ್ತು ಪಾಕಿಸ್ತಾನಗಳ ನಡುವೆ ರಾಜಕೀಯ ಪರಿಸ್ಥಿತಿ ಹದಗೆಟ್ಟಿರುವ ಈ ಸಂದರ್ಭದಲ್ಲಿ ನಾವು ಪಾಕಿಸ್ತಾನ ಪ್ರವಾಸ ಕೈಗೊಳ್ಳಲು ಸಾಧ್ಯವಿಲ್ಲ ಎಂದು ಎಐಟಿಎ ಅಂತರಾಷ್ಟ್ರೀಯ ಟೆನ್ನಿಸ್​ ಫೆಡರೇಷನ್​ಗೆ ಮನವಿ ಮಾಡಿಕೊಂಡಿದೆ.

ನವದೆಹಲಿ: ಭಾರತ ಮತ್ತು ಪಾಕಿಸ್ತಾನಗಳ ನಡುವೆ ರಾಜಕೀಯ ಪರಿಸ್ಥಿತಿ ಹದಗೆಟ್ಟಿರುವ ಈ ಸಂದರ್ಭದಲ್ಲಿ ನಾವು ಪಾಕಿಸ್ತಾನ ಪ್ರವಾಸ ಕೈಗೊಳ್ಳಲು ಸಾಧ್ಯವಿಲ್ಲ ಎಂದು ಎಐಟಿಎ ಅಂತರಾಷ್ಟ್ರೀಯ ಟೆನ್ನಿಸ್​ ಫೆಡರೇಷನ್​ಗೆ ಮನವಿ ಮಾಡಿಕೊಂಡಿದೆ.

370ನೇ ಯನ್ನು ಕಾಶ್ಮೀರದಲ್ಲಿ ರದ್ದು ಮಾಡಿದ ಮೇಲೆ ಪಾಕಿಸ್ತಾನ ಹಾಗೂ ಭಾರತದ ನಡುವೆ ರಾಜಕೀಯ ಸಂಬಂಧ ತೀರ ಹಳಸಿದೆ. ಹೀಗಿರುವಾಗಿ ಸುಮಾರು 55 ವರ್ಷಗಳ ನಂತರ ಡೇವಿಸ್​ ಕಪ್​ನಲ್ಲಿ ಪಾಲ್ಗೊಳ್ಳಲು ಭಾರತ ತಂಡ ಹೋಗಬೇಕಿದ್ದ ಭಾರತ ತಂಡ ಐಟಿಎಫ್​ಗೆ ಟೂರ್ನಿಯನ್ನು ಸ್ಥಳಾಂತರಿಸಿ ಅಥವಾ ಪಾಕಿಸ್ತಾನದಲ್ಲಿ ನಡೆಯುವುದಾದರೆ ಟೂರ್ನಿಯನ್ನು ಮುಂದೂಡಿ ಎಂದು ಆಲ್​ ಇಂಡಿಯಾ ಟೆನ್ನಿಸ್​ ಫಡೆರೇಷನ್​ ಮನವಿ ಮಾಡಿದೆ.

ಎರಡು ದೇಶಗಳ ಮಧ್ಯೆ ರಾಜಕೀಯ ಕಲಹ ನಡೆಯುತ್ತಿರುವ ಈ ಸಂದರ್ಭದಲ್ಲಿ ಪ್ರವಾಸ ಕೈಗೊಳ್ಳುವುದು ಉತ್ತಮವಲ್ಲ. ಅಲ್ಲಿ ನಾವು ಆಡುವುದಿಲ್ಲ ಎಂದು ಐಟಿಎಫ್​ಗೆ ಎಐಟಿಎ ಮೇಲ್​ ಮೂಲಕ ಮನವಿ ಸಲ್ಲಿಸಿದೆ.

ಈ ಕುರಿತು ಮಾತನಾಡಿರುವ ಕೇಂದ್ರ ಕ್ರೀಡಾ ಸಚಿವಾ ಕಿರಣ್​ ರಿಜಿಜು ಇದು ದ್ವಿಪಕ್ಷೀಯ ಸರಣಿಯಾಗಿದ್ದರೆ ಸರ್ಕಾರ ಪಾಕಿಸ್ತಾನಕ್ಕ ಹೋಗಬೇಕಾ ಅಥವಾ ಬೇಡವಾ ಎಂಬುದನ್ನು ನಿರ್ಧರಿಸಬಹುದಿತ್ತು. ಆದರೆ ಇದು ವಿಶ್ವಮಟ್ಟದ ಟೂರ್ನಿ ಆಗಿರುವುದರಿಂದ ಸರ್ಕಾರ ಮಧ್ಯೆ ಪ್ರವೇಶಿಸುತ್ತಿಲ್ಲ ಎಂದು ತಿಳಿಸಿದ್ದರು.