ಭಾರತೀಯ ಮೂಲದ ಅಬುಧಾಬಿ ಕ್ರಿಕೆಟ್​ ಸ್ಟೇಡಿಯಂ ಮುಖ್ಯ ಕ್ಯುರೇಟರ್ ಮೋಹನ್‌ ಸಿಂಗ್​ ಆತ್ಮಹತ್ಯೆ?

ಮೋಹನ್​ಸಿಂಗ್ ಸಾವಿಗೆ ಅಬುಧಾಬಿ ಕ್ರಿಕೆಟ್​ ಮಂಡಳಿ ಮತ್ತು ಅಂತಾರಾಷ್ಟ್ರೀಯ ಕ್ರಿಕೆಟ್​ ಮಂಡಳಿ ಸಂತಾಪ ಸೂಚಿಸಿದೆ. ಆದರೆ, ಅವರ ಸಾವಿಗೆ ಕಾರಣ ಏನೆಂಬುದನ್ನು ತಿಳಿಸಿಲ್ಲ. ಮೋಹನ್​ ಸಿಂಗ್​ ಅವರು ಪತ್ನಿ ಮತ್ತು ಮಗಳನ್ನು ಅಗಲಿದ್ದಾರೆ.

ಅಬುಧಾಬಿ:ಅಬುಧಾಬಿ ಕ್ರಿಕೆಟ್​ ಸ್ಟೇಡಿಯಂನ ಭಾರತೀಯ ಮುಖ್ಯ ಕ್ಯುರೇಟರ್​ ಮೋಹನ್​ ಸಿಂಗ್​ ಅವರು ತಮ್ಮ ಕೋಣೆಯಲ್ಲಿ ಶವವಾಗಿ ಪತ್ತೆಯಾಗಿದ್ದಾರೆ.

ಭಾನುವಾರ ನಡೆದ ಅಫ್ಘಾನಿಸ್ತಾನ ಮತ್ತು ನ್ಯೂಜಿಲೆಂಡ್​ ವಿರುದ್ಧದ ಪಂದ್ಯದ ಆರಂಭಕ್ಕೂ ಮುನ್ನ ಈ ಘಟನೆ ಬೆಳಕಿಗೆ ಬಂದಿದೆ. ಉತ್ತರಾಖಂಡದ ಮೂಲದ 45 ವರ್ಷದ ಮೋಹನ್​ಸಿಂಗ್ ಅವರು ಮಾನಸಿಕ ಖಿನ್ನತೆಯಿಂದ ಬಳಲುತ್ತಿದ್ದರು. ನ್ಯೂಜಿಲೆಂಡ್​- ಅಫ್ಘಾನಿಸ್ತಾನ ಪಂದ್ಯಕ್ಕೆ ಪಿಚ್​ ಸಿದ್ಧಪಡಿಸಿದ್ದರು. ಬಳಿಕ ಕೋಣೆ ಸೇರಿದ್ದ ಅವರು ನೇಣು ಬಿಗಿದ ಸ್ಥಿತಿಯಲ್ಲಿ ಪತ್ತೆಯಾಗಿದ್ದರು ಎಂದು ಯುಎಇ ಕ್ರಿಕೆಟ್​ ಮೂಲಗಳು ತಿಳಿಸಿವೆ.

ಮೋಹನ್​ಸಿಂಗ್ ಸಾವಿಗೆ ಅಬುಧಾಬಿ ಕ್ರಿಕೆಟ್​ ಮಂಡಳಿ ಮತ್ತು ಅಂತಾರಾಷ್ಟ್ರೀಯ ಕ್ರಿಕೆಟ್​ ಮಂಡಳಿ ಸಂತಾಪ ಸೂಚಿಸಿದೆ. ಆದರೆ, ಅವರ ಸಾವಿಗೆ ಕಾರಣ ಏನೆಂಬುದನ್ನು ತಿಳಿಸಿಲ್ಲ. ಮೋಹನ್​ ಸಿಂಗ್​ ಅವರು ಪತ್ನಿ ಮತ್ತು ಮಗಳನ್ನು ಅಗಲಿದ್ದಾರೆ.

ಅಬುಧಾಬಿ ಕ್ರಿಕೆಟ್​ ಮುಖ್ಯ ಕ್ಯುರೇಟರ್​ ಆಗಿದ್ದ ಮೋಹನ್ ​ಸಿಂಗ್​ ಅವರು ನಿಧನರಾಗಿದ್ದಾರೆ ಎಂದು ಘೋಷಿಸಲು ದು:ಖವಾಗಿದೆ. ಮೋಹನ್​ ಅವರು 15 ವರ್ಷಗಳಿಂದ ಅಬುಧಾಬಿ ಕ್ರಿಕೆಟ್​ ಜತೆ ಇದ್ದಾರೆ. ಗುಣಮಟ್ಟದ ಪಿಚ್​ ತಯಾರಿಸಿ ಪಂದ್ಯಗಳ ಯಶಸ್ಸಿಗೆ ಕಾರಣರಾಗಿದ್ದಾರೆ ಎಂದು ಅಬುಧಾಬಿ ಕ್ರಿಕೆಟ್​ ಸಂಸ್ಥೆ ತಿಳಿಸಿದೆ.