ಶಿಲ್ಪಾ ಶೆಟ್ಟಿ ಪುತ್ರನಿಗೆ ವಿಡಿಯೋ ಸಂದೇಶ ಕಳುಹಿಸಿದ wwe ಸ್ಟಾರ್​ ಜಾನ್​ ಸೀನ

wwe ಸೂಪರ್​ ಸ್ಟಾರ್​ ಜಾನ್​ ಸೀನ ಬಾಲಿವುಡ್​ ನಟಿ ಶಿಲ್ಪಾ ಶೆಟ್ಟಿ ಮಗನ ಕುಸ್ತಿ ಪ್ರೇಮಕ್ಕೆ ಫಿದಾ ಆಗಿದ್ದು, ವಿಡಿಯೋ ಸಂದೇಶ ಕಳುಹಿಸುವ ಮೂಲಕ ವಿಯಾನ್​ ಆಸಕ್ತಿಗೆ ಮತ್ತಷ್ಟು ಸ್ಫೂರ್ತಿ ತುಂಬಿದ್ದಾರೆ.

ಮುಂಬೈ: wwe ಸೂಪರ್​ ಸ್ಟಾರ್​ ಜಾನ್​ ಸೀನ ಬಾಲಿವುಡ್​ ನಟಿ ಶಿಲ್ಪಾ ಶೆಟ್ಟಿ ಮಗನ ಕುಸ್ತಿ ಪ್ರೇಮಕ್ಕೆ ಫಿದಾ ಆಗಿದ್ದು, ವಿಡಿಯೋ ಸಂದೇಶ ಕಳುಹಿಸುವ ಮೂಲಕ ವಿಯಾನ್​ ಆಸಕ್ತಿಗೆ ಮತ್ತಷ್ಟು ಸ್ಫೂರ್ತಿ ತುಂಬಿದ್ದಾರೆ.

ಶಿಲ್ಪಾ ಶೆಟ್ಟಿ ಮಗ ವಿಯಾನ್​ ಡಬ್ಲ್ಯೂಡಬ್ಲ್ಯೂಇನ ಅಭಿಮಾನಿಯಾಗಿದ್ದು, ಈತ 16 ಬಾರಿ ವಿಶ್ವ ಚಾಂಪಿಯನ್​ ಜಾನ್​ ಸೀನರ ದೊಡ್ಡ ಅಭಿಮಾನಿಯಾಗಿದ್ದಾನೆ. ವಿಯಾನ್​ ಕೆಲವು ದಿನಗಳ ಹಿಂದೆ ಜಾನ್​ ಸೀನರ ರೀತಿ ಬಟ್ಟೆ ಧರಿಸಿ ಅವರ ಎಂಟ್ರಿ ಸಾಂಗ್​ಅನ್ನು ಹಾಡಿದ್ದ ವಿಡಿಯೋವನ್ನು ಸಾಮಾಜಿಕ ಜಾಲತಾಣಕ್ಕೆ ಪೋಸ್ಟ್​ ಮಾಡಲಾಗಿತ್ತು. ತದ ನಂತರ ಭಾರತದ ಡಬ್ಲ್ಯೂಡಬ್ಲ್ಯೂಇ ಸಂಸ್ಥೆ ವಿಯಾನ್​ನನ್ನು ಕರೆಸಿ ಸಂದರ್ಶನ ನಡೆಸಿತ್ತು.

ಆ ಸಂದರ್ಶನದಲ್ಲಿ ಡಬ್ಲ್ಯೂಡಬ್ಲ್ಯೂಇ ಕುರಿತು ಮಾತನಾಡಿದ್ದು, ಕಾರ್ಯಕ್ರಮ ಕುರಿತು ಹಲವು ಪ್ರಶ್ನೆಗಳಿಗೆ ಸರಿಯಾಗಿ ಉತ್ತರ ಕೊಟ್ಟು ಶಹಬ್ಬಾಸ್​ಗಿರಿ ಪಡೆದಿದ್ದ. ಈ ಸಂದರ್ಶನ ನೋಡಿರುವ ಜಾನ್​ ಸೀನ ವಿಡಿಯೋ ಸಂದೇಶದ ಮೂಲಕ ಪ್ರತಿಕ್ರಿಯಿಸಿದ್ದು, "ಹಾಯ್​ ವಿಯಾನ್​ ನಾನು ನಿನ್ನ ಸ್ನೇಹಿತ(ಬಡ್ಡಿ) ಜಾನ್​ ಸೀನ. ನಾನು ನಿನ್ನ ವಿಡಿಯೋ ನೋಡಿದ್ದು, ಅದರಲ್ಲಿ ನಿನ್ನ ಮಸಲ್​ ನೋಡಿದ ನಂತರ ಮತ್ತೆ ಜಿಮ್​ಗೆ ಹೋಗಿ ವರ್ಕ್​ಔಟ್​ ಮಾಡಬೇಕೆನಿಸಿದೆ. ನನ್ನ ಸಮಯ ಮುಗಿದೆ, ಈಗ ನಿನ್ನ ಸಮಯ ವಿಯಾನ್​ ಎಂದಿದ್ದಾರೆ.