ಹೈದರಾಬಾದ್:ಆರು ವರ್ಷಗಳ ಬಳಿಕ ಭಾರತಕ್ಕೆ ಮರಳಿರುವ ವರ್ಲ್ಡ್ ರೆಸ್ಲಿಂಗ್ ಎಂಟರ್ಟೈನ್ಮೆಂಟ್(WWE) ಸೂಪರ್ ಸ್ಪೆಕ್ಟಾಕಲ್ ಹಣಾಹಣಿ ಇಂದು ಹೈದರಾಬಾದ್‌ನ ಗಚ್ಚಿಬೌಲಿ ಒಳಾಂಗಣ ಕ್ರೀಡಾಂಗಣದಲ್ಲಿ ನಡೆಯಲಿದೆ. ಸೂಪರ್‌ಸ್ಟಾರ್ ಸ್ಪೆಕ್ಟಾಕಲ್ನಲ್ಲಿ ಈ ತಲೆಮಾರಿನ ಜನಪ್ರಿಯ ಸೂಪರ್‌ಸ್ಟಾರ್ ಜಾನ್ ಸೆನಾ ಪಾಲ್ಗೊಳ್ಳುತ್ತಿದ್ದು, ಇದೇ ಮೊದಲ ಬಾರಿಗೆ ಭಾರತದಲ್ಲಿ ಅವರು ಪ್ರದರ್ಶನ ನೀಡಲು ಬಂದಿದ್ದಾರೆ. ಈ ಹಿಂದೆ 2017ರಲ್ಲಿ WWE ಕುಸ್ತಿ ಪಂದ್ಯಾವಳಿ ಭಾರತದಲ್ಲಿ ನಡೆದಿತ್ತು.
ಪಂದ್ಯಾವಳಿಗೂ ಮುನ್ನ ತಮಿಳು ನಟ ಕಾರ್ತಿ ಹಾಗೂ ಸೋನಿ ಪಿಕ್ಚರ್ಸ್ ನೆಟ್‌ವರ್ಕ್ಸ್ ಇಂಡಿಯಾದ ಚೀಫ್ ರೆವಿನ್ಯೂ ಆಫಿಸರ್ ಹಾಗೂ ಇಂಟರ್ನ್ಯಾಷನಲ್ ಬ್ಯುಸಿನೆಸ್ & ಡಿಸ್ಟ್ರಿಬ್ಯೂಷನ್ ಹೆಡ್ ರಾಜೇಶ್ ಕೌಲ್ ಅವರನ್ನು ಹದಿಮೂರು ಬಾರಿಯ WWE ವರ್ಲ್ಡ್ ಚಾಂಪಿಯನ್ ಜಾನ್ ಸೆನಾ ಭೇಟಿಯಾದರು.