ಐತಿಹಾಸಿಕ ಚಿನ್ನ ಗೆಲ್ಲುವ ಆಸೆಗೆ ತಣ್ಣೀರೆರಚಿದ ಗಾಯ... ಬೆಳ್ಳಿಗೆ ತೃಪ್ತಿಪಟ್ಟ ದೀಪಕ್​ ಪೂನಿಯಾ

ಭಾರತಕ್ಕೆ ವಿಶ್ವಚಾಂಪಿಯನ್​ಶಿಪ್​ನ 2ನೇ ಚಿನ್ನ ತಂದುಕೊಡುವ ಕನಸು ಕಂಡಿದ್ದ ದೀಪಕ್​ ಪೂನಿಯಾಗೆ ಇಮ್ಮಡಿ ನೋವು ಕಾಣಿಸಿಕೊಂಡ ಹಿನ್ನಲೆ ಫೈನಲ್​ ಪಂದ್ಯದಿಂದ ಹಿಂದೆ ಸರಿದು ಬೆಳ್ಳಿಪದಕಕ್ಕೆ ತೃಪ್ತಿಪಟ್ಟುಕೊಂಡಿದ್ದಾರೆ

ನೂರ್​ಸುಲ್ತಾನ್​: ಭಾರತದ ಪರ 86 ಕೆಜಿ ವಿಭಾಗದ ಫೈನಲ್ ತಲುಪಿದ್ದ 20 ವರ್ಷದ ದೀಪಕ್​ ಪೂನಿಯಾ ಚಿನ್ನ ಗೆಲ್ಲುವ ಆಸೆ ಅವರ ಗಾಯ ತಣ್ಣೀರೆರಚಿದೆ.

ಭಾರತಕ್ಕೆ ವಿಶ್ವಚಾಂಪಿಯನ್​ಶಿಪ್​ನ 2ನೇ ಚಿನ್ನ ತಂದುಕೊಡುವ ಕನಸು ಕಂಡಿದ್ದ ದೀಪಕ್​ ಪೂನಿಯಾಗೆ ಇಮ್ಮಡಿ ನೋವು ಕಾಣಿಸಿಕೊಂಡ ಹಿನ್ನಲೆ ಫೈನಲ್​ ಪಂದ್ಯದಿಂದ ಹಿಂದೆ ಸರಿದು ಬೆಳ್ಳಿಪದಕಕ್ಕೆ ತೃಪ್ತಿಪಟ್ಟುಕೊಂಡಿದ್ದಾರೆ. ಈ ಪಂದ್ಯದಲ್ಲಿ ಇರಾನ್​ನ ಹಜ್ಸನ್​ ಯಜ್ದಾನಿ ಅವರನ್ನು ಎದುರಿಸಬೇಕಿತ್ತು.

ಜೂನಿಯರ್​ ವಿಶ್ವಚಾಂಪಿಯನ್​ ಅಗಿರುವ ದೀಪಕ್​ ಸೆಮಿಫೈನಲ್​ನಲ್ಲಿ ಸ್ವಿಟ್ಜರ್ಲೆಂಡ್‌ನ ಸ್ಟೀಫನ್ ರೀಚ್‌ಮತ್ ಅವರನ್ನು 8-2 ರಲ್ಲಿ ಮಣಿಸಿ ಫೈನಲ್​ ಪ್ರವೇಶಿಸಿದ್ದರು.

ವಿಶ್ವಚಾಂಪಿಯನ್​ಶಿಪ್​ನ 66 ಕೆಜಿ ವಿಭಾಗದಲ್ಲಿ ಸುಶೀಲ್​ ಕುಮಾರ್​ ಮಾತ್ರ ಚಿನ್ನದ ಸಾಧನೆ ಮಾಡಿದ್ದಾರೆ. ಸುಶೀಲ್​ 2010ರ ಮಾಸ್ಕೋ ವಿಶ್ವಚಾಂಪಿಯನ್​ಶಿಪ್​ನಲ್ಲಿ ಚಿನ್ನ ಗೆದ್ದಿದ್ದರು.