ವಿಶ್ವ ಆರ್ಚರಿ ಚಾಂಪಿಯನ್‌ಶಿಪ್‌: ಎರಡೂ ವಿಭಾಗದಲ್ಲಿ ಭಾರತಕ್ಕೆ ಬೆಳ್ಳಿ ಪದಕದ ಗರಿ

ಆರಂಭದಲ್ಲಿ ಭಾರತೀಯ ಮಿಶ್ರ ಜೋಡಿ ಅಭಿಷೇಕ್ ವರ್ಮಾ ಹಾಗೂ ಜ್ಯೋತಿ ಸುರೇಖಾ ವೆನ್ನಮ್ 39 - 38 ಪಾಯಿಂಟ್​​ಗಳಿಂದ ಮುನ್ನಡೆ ಸಾಧಿಸಿದ್ದರು. ಆದರೆ, ಅಂತಿಮವಾಗಿ ಭಾರತೀಯರು ನಾಲ್ಕು ಪಾಯಿಂಟ್‌ಗಳ ಅಂತರದಿಂದ (150-154) ಶರಣಾದರು.

ಯಾಂಕ್ಟನ್‌: ಅಮೆರಿಕದ ಯಾಂಕ್ಟನ್‌ನಲ್ಲಿ ನಡೆಯುತ್ತಿರುವ ವಿಶ್ವ ಆರ್ಚರಿ ಚಾಂಪಿಯನ್‌ಶಿಪ್‌ನಲ್ಲಿ ಭಾರತೀಯ ಮಹಿಳಾ ಹಾಗೂ ಮಿಶ್ರ ಜೋಡಿ ಕಾಂಪೌಂಡ್ ಆರ್ಚರಿ ತಂಡಗಳು ಎರಡೂ ಸ್ಪರ್ಧೆಗಳಲ್ಲಿ ಕೊಲಂಬಿಯಾ ವಿರುದ್ಧ ಸೋಲುವ ಮೂಲಕ ಬೆಳ್ಳಿ ಪದಕಕ್ಕೆ ತೃಪ್ತಿ ಪಟ್ಟಿವೆ.

ಆರಂಭದಲ್ಲಿ ಭಾರತೀಯ ಮಿಶ್ರ ಜೋಡಿ ಅಭಿಷೇಕ್ ವರ್ಮಾ ಹಾಗೂ ಜ್ಯೋತಿ ಸುರೇಖಾ ವೆನ್ನಮ್ 39 - 38 ಪಾಯಿಂಟ್​​ಗಳಿಂದ ಮುನ್ನಡೆ ಸಾಧಿಸಿದ್ದರು. ಆದರೆ ಅಂತಿಮವಾಗಿ ಭಾರತೀಯರು ನಾಲ್ಕು ಪಾಯಿಂಟ್‌ಗಳ ಅಂತರದಿಂದ ಎದುರಾಳಿಗಳಿಗೆ (150-154) ಶರಣಾದರು.

ಮತ್ತೊಂದೆಡೆ, ಜ್ಯೋತಿ, ಮುಸ್ಕಾನ್ ಕಿರಾರ್ ಹಾಗೂ ಪ್ರಿಯಾ ಗುರ್ಜರ್ ಅವರನ್ನೊಳಗೊಂಡ ಏಳನೇ ಶ್ರೇಯಾಂಕದ ಮಹಿಳಾ ತಂಡ, ಸಾರಾ ಲೋಪೆಝ್, ಅಲೆಜಾಂಡ್ರಾ ಉಸ್ಕಿಯಾನೊ ಹಾಗೂ ನೋರಾ ವಾಲ್ಡೆಝ್ ಅವರ ವಿರುದ್ಧ ಐದು ಅಂಕಗಳ ಅಂತರದಿಂದ (224-229) ಸೋಲು ಕಂಡಿತು.