ಮಾಂಟ್ರಿಯಲ್ : ಭಾರತದ ರಾಷ್ಟ್ರೀಯ ಉದ್ದೀಪನ ಮದ್ದು ತಡೆ ಸಂಸ್ಥೆ (ನಾಡಾ) ತನ್ನ ಕೆಲಸವನ್ನು ಸರಿಯಾಗಿ ನಿರ್ವಹಿಸುತ್ತಿಲ್ಲ ಎಂಬ ಆರೋಪ ಕೇಳಿ ಬಂದಿತ್ತು. ಈ ಹಿನ್ನಲೆ ವಿಶ್ವ ಉದ್ದೀಪನ ಮದ್ದು ಸೇವನೆ ನಿಗ್ರಹ ಸಂಸ್ಥೆ (ವಾಡಾ) ಸ್ಪಷ್ಟ ಪುರಾವೆಯನ್ನು ಕಂಡು ಹಿಡಿದಿದ್ದು, ತನಿಖೆಯ ವೇಳೆ ಭಾರತದ 70 ಅಥ್ಲೀಟ್‌ಗಳನ್ನು ಒಳಗೊಂಡ 12 ಸಕಾರಾತ್ಮಕ ಪರೀಕ್ಷೆಗಳು ಮತ್ತು 97 ವೈಫಲ್ಯಗಳನ್ನು ಗುರುತಿಸಿದೆ.
ನಾಡಾ ಪರೀಕ್ಷಾ ಕಾರ್ಯಕ್ರಮದ ಅಂಶಗಳು ವಾಡಾ ಕೋಡ್ ಮತ್ತು ಇಂಟರ್ನ್ಯಾಷನಲ್ ಸ್ಟ್ಯಾಂಡರ್ಡ್ ಫಾರ್ ಟೆಸ್ಟಿಂಗ್ ಮತ್ತು ಇನ್ವೆಸ್ಟಿಗೇಷನ್ಸ್ (ಐಎಸ್ಟಿಐ)ಗೆ ಅನುಗುಣವಾಗಿಲ್ಲ ಎಂಬ ಆರೋಪಗಳು ತನಿಖೆಯ ನಂತರ ವಾಡಾ ಸ್ವತಂತ್ರ ಗುಪ್ತಚರ ಮತ್ತು ತನಿಖಾ ಇಲಾಖೆ ಜುಲೈ 18 ರ ಮಂಗಳವಾರ ಈ ಸಂಬಂಧ ವರದಿ ಪ್ರಕಟಿಸಿದೆ. ಆಪರೇಷನ್ ಕರೋಸೆಲ್ ಎಂದು ಕರೆಯಲ್ಪಡುವ ವಾಡಾ ದೀರ್ಘಾವಧಿಯ ತನಿಖೆಯನ್ನು 2018 ರಲ್ಲಿ ಪ್ರಾರಂಭಿಸಲಾಯಿತು. ನಾಡಾ ನೋಂದಾಯಿತ ಪರೀಕ್ಷಾ ಪೂಲ್ (ಆರ್ಟಿಪಿ)ನಲ್ಲಿ ಕೆಲವು ಅಥ್ಲೀಟ್‌ಗಳ ಸಾಕಷ್ಟು ಪರೀಕ್ಷೆಯನ್ನು ನಾಡಾ ನಡೆಸಿಲ್ಲ. ಮತ್ತು ಸೂಕ್ತ ಸ್ಥಳದಲ್ಲಿ ಇರಿಸಲು ವಿಫಲವಾಗಿದೆ ಎಂಬುದಕ್ಕೆ ಪುರಾವೆಗಳನ್ನು ತನ್ನ ವರದಿಯಲ್ಲಿ ವಾಡಾ ಬಹಿರಂಗಪಡಿಸಿದೆ.
ನಾಡಾಕ್ಕೆ ಸಂಪನ್ಮೂಲಗಳ ಕೊರತೆಯಿದೆ ಎಂಬುದಕ್ಕೆ ಸ್ಪಷ್ಟ ಪುರಾವೆಗಳಿವೆ ಎಂದು ವಾಡಾ ಗಮನಿಸಿದೆ. 2016 ರಿಂದ, ವಾಡಾ ತನ್ನ ಡೋಪಿಂಗ್-ವಿರೋಧಿ ಕಾರ್ಯಕ್ರಮವನ್ನು ಸುಧಾರಿಸಲು ನಾಡಾದೊಂದಿಗೆ ಕೆಲಸ ಮಾಡುತ್ತಿದೆ. ವಿಶ್ವ ಡೋಪಿಂಗ್ ವಿರೋಧಿ ಕೋಡ್ ಮತ್ತು ಅಂತಾರಾಷ್ಟ್ರೀಯ ಮಾನದಂಡಗಳೊಂದಿಗೆ ಅಸಮಂಜಸತೆ ಪರಿಹರಿಸಲು ವಿವಿಧ ಸರಿಪಡಿಸುವ ಕ್ರಮಗಳನ್ನು ಒದಗಿಸುತ್ತದೆ ಎಂದು ವಾಡಾದ ಗುಪ್ತಚರ ಮತ್ತು ತನಿಖೆ ನಿರ್ದೇಶಕ, ಗುಂಟರ್ ಯಂಗರ್ ಹೇಳಿದ್ದಾರೆ.
ನಮ್ಮ ಗೌಪ್ಯ ಮಾಹಿತಿಯ ವೇದಿಕೆಯಾದ ಸ್ಪೀಕ್ ಅಪ್ ಮೂಲಕ ಬರುವ ಸಲಹೆಗಳಿಗೆ ಸಮಾನಾಂತರವಾಗಿ ಮತ್ತು ಪ್ರತಿಕ್ರಿಯೆಯಾಗಿ, ವಾಡಾದ ಗುಪ್ತಚಾರ ಮತ್ತು ತನಿಖೆ ಆಪರೇಷನ್ ಕರೋಸೆಲ್ ಅನ್ನು ಪ್ರಾರಂಭಿಸಿತು. ಇದು ನಾಡಾದ ಸಂಪನ್ಮೂಲಗಳ ಕೊರತೆ ಸಾಕಷ್ಟು ಮಟ್ಟದ ಪರೀಕ್ಷೆಯನ್ನು ನಡೆಸುತ್ತಿಲ್ಲ ಎಂಬುದಕ್ಕೆ ಸ್ಪಷ್ಟ ಪುರಾವೆಗಳನ್ನು ಬಹಿರಂಗಪಡಿಸಿತು. ನೋಂದಾಯಿತ ಪರೀಕ್ಷಾ ಪೂಲ್‌ನಲ್ಲಿ ಅಥ್ಲೀಟ್‌ಗಳು ಇರುವ ಫೈಲಿಂಗ್‌ಗಳ ತೃಪ್ತಿದಾಯಕ ಮೇಲ್ವಿಚಾರಣೆ ಮತ್ತು ನಿರ್ವಹಣೆಯನ್ನು ಅದು ಹೊಂದಿರಲಿಲ್ಲ. ಆಪರೇಷನ್ ಕರೋಸೆಲ್ ಅನ್ನು ಪ್ರಾರಂಭಿಸಿದಾಗಿನಿಂದ ನಾಡಾ ಸರಿಪಡಿಸುವ ಕ್ರಮಗಳನ್ನು ತೆಗೆದುಕೊಳ್ಳಲು ಮತ್ತು ಅದರ ಸಂಪನ್ಮೂಲಗಳನ್ನು ಬಲಪಡಿಸಲು ಪ್ರಯತ್ನಿಸುತ್ತಿದೆ ಎಂದು ವರದಿ ಹೇಳಿದೆ.