ಜಗತ್ತಿನ ಅತೀ ವೇಗದ ಮನುಷ್ಯನ ಮಗಳ ಹೆಸರೂ ವಿಭಿನ್ನ!

ಪತ್ನಿ ಕಾಸಿಯಾ ಮೇ ತಿಂಗಳಲ್ಲಿ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದರು. ಬೋಲ್ಟ್​ ಇಲ್ಲಿಯವರೆಗೂ ಮಗಳ ಹೆಸರನ್ನಾಗಲಿ, ಫೋಟೋವನ್ನಾಗಲಿ ಬಹಿರಂಗಪಡಿಸದೆ ಗೌಪ್ಯವಾಗಿರಿಸಿದ್ದರು.

ಕಿಂಗ್​ಸ್ಟನ್​​ :ಒಲಿಂಪಿಕ್ಸ್​ನಲ್ಲಿ 8 ಬಾರಿ ಚಿನ್ನದ ಪದಕ ಗೆದ್ದಿರುವ ವಿಶ್ವದ ಮಿಂಚಿನ ವೇಗದ ಓಟಗಾರ ಉಸೈನ್​ ಬೋಲ್ಟ್​​ ಇದೀಗ ತನ್ನ ಮಗಳ ಹೆಸರನ್ನು ಸಾಮಾಜಿಕ ಜಾಲತಾಣದ ಮೂಲಕ ತಿಳಿಸಿದ್ದಾರೆ.

ತನ್ನ ಸಂಗಾತಿ ಕಾಸಿಯ ಬೆನೆಟ್​​ ಜನ್ಮದಿನವಾದ ಜುಲೈ 7 ರಂದು ಪತ್ನಿಯೊಂದಿಗಿರುವ ಮಗಳ ಫೋಟೋವನ್ನು ಅವರು ಹಂಚಿಕೊಂಡಿದ್ದಾರೆ.

ಇತ್ತೀಚೆಗೆ ತಾನು ಅಪ್ಪನಾದ ಖುಷಿಯ ವಿಷಯವನ್ನು ಸಾಮಾಜಿಕ ಜಾಲತಾಣದ ಮೂಲಕ ಅವರು ಅಭಿಮಾನಿಗಳಿಗೆ ತಿಳಿಸಿದ್ದರು.​ ಇದೀಗ ತನ್ನ ಪ್ರೀತಿಯ ಮಗಳ ಹೆಸರು 'ಒಲಂಪಿಯಾ ಲೈಟ್ನಿಂಗ್ ಬೋಲ್ಟ್'​ ಎಂದು ತಿಳಿಸಿದ್ದಾರೆ.