ಚೆಲ್ಸಿಯಾ ಕ್ಲಬ್​ ಮಾಲೀಕ ರಷ್ಯಾದ ಬಿಲಿಯನೇರ್ ಆಸ್ತಿ ಬಳಕೆ, ಪ್ರಯಾಣಕ್ಕೆ ಯುಕೆ ನಿರ್ಬಂಧ

ಉಕ್ರೇನ್​ ಮೇಲೆ ರಷ್ಯಾ ಆಕ್ರಮಣ ಮಾಡುತ್ತಿರುವುದನ್ನು ಖಂಡಿಸಿ ಬ್ರಿಟನ್​ ಸರ್ಕಾರ ರಷ್ಯಾದ ಮೇಲೆ ನಿರ್ಬಂಧ ವಿಧಿಸಿರುವುದರ ಜೊತೆಗೆ ರಷ್ಯನ್ ವ್ಯಾಪಾರೋದ್ಯಮಿಗಳ ವಿರುದ್ಧವೂ ಕ್ರಮ ಕೈಗೊಂಡಿದೆ.

ಲಂಡನ್: ಪ್ರೀಮಿಯರ್ ಲೀಗ್ ಫುಟ್ಬಾಲ್‌ ಕ್ಲಬ್ ಚೆಲ್ಸಿಯಾದ ಮಾಲೀಕ ರೋಮನ್ ಅಬ್ರಮೊವಿಚ್ ಸೇರಿದಂತೆ ಸೇರಿದಂತೆ ಏಳು ಶ್ರೀಮಂತ ರಷ್ಯನ್ನರ ಮೇಲೆ ಬ್ರಿಟನ್ ಸರ್ಕಾರ ಪ್ರಯಾಣ ನಿಷೇಧ ಮತ್ತು ದೇಶದಲ್ಲಿರುವ ಅವರ ಆಸ್ತಿ ಬಳಕೆಯನ್ನು ನಿರ್ಬಂಧಿಸಿದೆ.

ಉಕ್ರೇನ್​ ಮೇಲೆ ರಷ್ಯಾ ಆಕ್ರಮಣ ಮಾಡುತ್ತಿರುವುದನ್ನು ಖಂಡಿಸಿ ಬ್ರಿಟನ್​ ಸರ್ಕಾರ ರಷ್ಯಾದ ಮೇಲೆ ನಿರ್ಬಂಧ ವಿಧಿಸಿರುವುದರ ಜೊತೆಗೆ ರಷ್ಯನ್ ವ್ಯಾಪಾರೋದ್ಯಮಿಗಳ ವಿರುದ್ಧವೂ ಕ್ರಮ ಕೈಗೊಳ್ಳುತ್ತಿದೆ.

ಅಬ್ರಮೊವಿಚ್ ಅವರ ಸ್ವತ್ತುಗಳನ್ನು ಫ್ರೀಜ್(ಬಳಕೆ ಮಾಡದಂತೆ ಮತ್ತು ಮಾರಾಟ ಮಾಡದಂತೆ ಕ್ರಮ) ಮಾಡಲಾಗಿದೆ. ಜೊತೆಗೆ, ಅವರು ಯುಕೆಗೆ ಭೇಟಿ ನೀಡುವುದನ್ನೂ ನಿಷೇಧಿಸಲಾಗಿದೆ. ಯುಕೆಯ ಯಾವುದೇ ವ್ಯಕ್ತಿ ಮತ್ತು ವ್ಯವಹಾರಗಳಲ್ಲಿ ವಹಿವಾಟು ನಡೆಸುವುದನ್ನು ನಿರ್ಬಂಧಿಸಲಾಗಿದೆ ಎಂದು ಅಲ್ಲಿನ ಸರ್ಕಾರ ಗುರುವಾರ ಘೋಷಣೆ ಮಾಡಿದೆ.

ರಷ್ಯಾ-ಉಕ್ರೇನ್ ನಡುವೆ ಯುದ್ದ ಆರಂಭವಾದ ಬೆನ್ನಲ್ಲೇ ಪ್ರೀಮಿಯರ್​ ಲೀಗ್​ನಿಂದ ನಿರ್ಬಂಧದ ಬೆದರಿಕೆಯಿಂದಾಗಿ ಚೆಲ್ಸಿಯಾ ಫುಟ್​ಬಾಲ್ ಕ್ಲಬ್​ ಮಾರಾಟ ಮಾಡಲು ಪ್ರಯತ್ನಿಸುತ್ತಿರುವುದಾಗಿ ಅಬ್ರಮೊವಿಚ್ ಕಳೆದ ವಾರ ಹೇಳಿಕೊಂಡಿದ್ದರು. ಇದರ ಬೆನ್ನಲ್ಲೇ ಬ್ರಿಟನ್​ ಸರ್ಕಾರ ಅವರ ಆಸ್ತಿಯನ್ನು ಫ್ರೀಜ್ ಮಾಡುವ ಮೂಲಕ ರಷ್ಯನ್ ಬಿಲಿನೇಯರ್​ಗೆ ಶಾಕ್ ನೀಡಿದೆ.

ಅಬ್ರಮೊವಿಚ್ ಅಲ್ಲದೆ ಯುಕೆ ನಿರ್ಬಂಧಗಳ ಪಟ್ಟಿಯಲ್ಲಿ ಕೈಗಾರಿಕೋದ್ಯಮಿ ಒಲೆಗ್ ಡೆರಿಪಾಸ್ಕಾ ಮತ್ತು ರೋಸ್ನೆಫ್ಟ್ ಮುಖ್ಯ ಕಾರ್ಯನಿರ್ವಾಹಕ ಇಗೊರ್ ಸೆಚಿನ್ ಕೂಡ ಸೇರಿದ್ದಾರೆ.

ಇದನ್ನೂ ಓದಿ:ತಂಡದ ಅಗ್ರ-ಮಧ್ಯಮ ಕ್ರಮಾಂಕದಲ್ಲಿ ಸ್ಫೋಟಕ ಬ್ಯಾಟರ್​ಗಳ ಕೊರತೆ ಸೋಲಿಗೆ ಕಾರಣ: ಮಿಥಾಲಿ ರಾಜ್