ನವದೆಹಲಿ:ಕಾಮನ್‌ವೆಲ್ತ್‌ ಗೇಮ್ಸ್ ಪದಕ ವಿಜೇತ ತೇಜಸ್ವಿನ್ ಶಂಕರ್ ಅವರು, ಅಮೆರಿಕದ ಅರಿಝೋನಾದಲ್ಲಿ ನಡೆಯುತ್ತಿರುವ ಜಿಮ್‌ ಕ್ಲಿಕ್‌ ಶೂಟೌಟ್‌ ಸ್ಪರ್ಧೆಯಲ್ಲಿ ಡೆಕಾಥ್ಲಾನ್ ಬೆಳ್ಳಿ ಗೆದ್ದು ರಾಷ್ಟ್ರೀಯ ದಾಖಲೆ ಮುರಿಯುವ ಸನಿಹಕ್ಕೆ ಬಂದರು. ತೇಜಸ್ವಿನ್ ಅವರು ಬರ್ಮಿಂಗ್ ಹ್ಯಾಮ್ನಲ್ಲಿ 2022ರ ಸಿಡಬ್ಲ್ಯೂಜಿನಲ್ಲಿ ಹೈಜಂಪ್ ನಲ್ಲಿ ಕಂಚು ಗೆದ್ದಿದ್ದರು.
ರಾಷ್ಟ್ರೀಯ ದಾಖಲೆಯನ್ನು ಕಳೆದುಕೊಂಡ ತೇಜಸ್ವಿನ್ :ಸದ್ಯ 10- ಇವೆಂಟ್ ಡೆಕಾಥ್ಲಾನ್ನಲ್ಲಿ ಸ್ಪರ್ಧಿಸಿದ್ದು, ಅವರು 7,648 ಅಂಕಗಳನ್ನು ಗಳಿಸಿದರು. 2011ರಲ್ಲಿ ಭಾರತಿಂದರ್ ಸಿಂಗ್ ಅವರು 7,658 ಅಂಕಗಳನ್ನು ಗಳಿಸಿ, ರಾಷ್ಟ್ರೀಯ ದಾಖಲೆ ನಿರ್ಮಿಸಿದ್ದರು. ಸದ್ಯ ತೇಜಸ್ವಿನ್ ಶಂಕರ್ ಅವರು, ಭಾರತಿಂದರ್ ಸಿಂಗ್ಗಿಂತ 10 ಅಂಕಗಳನ್ನು ಕಡಿಮೆ ಗಳಿಸಿದ್ದಾರೆ. ಇದರಿಂದ ತೇಜಸ್ವಿನ್ ಶಂಕರ್ ರಾಷ್ಟ್ರೀಯ ದಾಖಲೆ ಮುರಿಯಲು ಸಾಧ್ಯವಾಗಲಿಲ್ಲ.
ಇದನ್ನು ಓದಿ:ಟ್ವಿಟರ್ನಲ್ಲಿ ಟ್ರೆಂಡ್ ಆದ ಕಾವ್ಯ ಮಾರನ್: ಸೋತರೂ ಒಡತಿಯ ಸಂಭ್ರಮ ಟಾಪ್
ಯುನೈಟೆಡ್ ಸ್ಟೇಟ್ಸ್ ಟ್ರ್ಯಾಕ್ ಮತ್ತು ಫೀಲ್ಡ್:ಈ ಸ್ಪರ್ಧೆಯು ಅರಿಝೋನಾ ವಿಶ್ವವಿದ್ಯಾಲಯದ ಟಕ್ಸನ್ ಕ್ಯಾಂಪಸ್‌ನಲ್ಲಿ ನಡೆಯಿತು. ಯುನೈಟೆಡ್ ಸ್ಟೇಟ್ಸ್ ಟ್ರ್ಯಾಕ್ ಮತ್ತು ಫೀಲ್ಡ್ (USTAF)ನಿಂದ ಗುರುತಿಸಲ್ಪಟ್ಟಿದೆ. ನೆಬ್ರಸ್ಕಾದ ಸ್ಟೇನ್‌ಫೋರ್ತ್ 10 ಇವೆಂಟ್‌ಗಳಲ್ಲಿ ಎರಡು ದಿನಗಳ ತೀವ್ರ ಪೈಪೋಟಿಯ ನಂತರ ತೇಜಸ್ವಿನ್ ಶಂಕರ್, 7,845 ಅಂಕಗಳೊಂದಿಗೆ ಮೊದಲ ಸ್ಥಾನದಲ್ಲಿದ್ದರು. ಕನ್ಸಾಸ್ ಸ್ಟೇಟ್ ಯೂನಿವರ್ಸಿಟಿಯಲ್ಲಿ ಕಾಲೇಜು ಮುಗಿಸಿ ಪ್ರಸ್ತುತ ಯುಎಸ್ನಲ್ಲಿ ಕೆಲಸ ಮಾಡುತ್ತಿರುವ 24 ವರ್ಷದ ತೇಜಸ್ವಿನ್, ಕ್ರೀಡಾಪಟುವಾಗಿ ಇವೆಂಟ್‌ಗಳಲ್ಲಿ ಸ್ಪರ್ಧಿಸಿದರು. ಅವರು ಎತ್ತರ ಜಿಗಿತ (2.19 ಮೀ) ಮತ್ತು 400 ಮೀ. ಓಟ (48.41 ಸೆಕೆಂಡ್) ವಿಜೇತರಾಗಿದ್ದರು.