ಸುಝೌ (ಚೀನಾ): ಭಾನುವಾರ ಇಲ್ಲಿ ನಡೆದ ‘ಸಿ’ ಗುಂಪಿನ ಆರಂಭಿಕ ಪಂದ್ಯದಲ್ಲಿ ಚೈನೀಸ್ ತೈಪೆ ವಿರುದ್ಧ 1-4 ಗೋಲುಗಳಿಂದ ಸೋತ ಭಾರತ ನಿರಾಶಾದಾಯಕವಾಗಿ ಸುದೀರ್ಮನ್ ಕಪ್ ಅಭಿಯಾನವನ್ನು ಆರಂಭಿಸಿದೆ. ಮಿಶ್ರ ಡಬಲ್ಸ್ ಪಂದ್ಯ ಟೈನಿಂದ ಆರಂಭವಾಯಿತು, ಅಲ್ಲಿ ಸಾಯಿ ಪ್ರತೀಕ್ ಮತ್ತು ತನಿಶಾ ಕ್ರಾಸ್ಟೊ ಜೋಡಿ ವಿಶ್ವದ 30ನೇ ಶ್ರೇಯಾಂಕದ ಯಾಂಗ್ ಪೊ-ಹ್ಸುವಾನ್ ಮತ್ತು ಹು ಲಿಂಗ್ ಫಾಂಗ್ ವಿರುದ್ಧ 21-18, 24-26, 6-21 ರಿಂದ ಸೋಲನುಭವಿಸಿದರು.
ಭಾರತೀಯರು ಉತ್ತಮವಾಗಿ ಆರಂಭಿಸಿದರು ಮತ್ತು ಮೊದಲ ಗೇಮ್ ಅನ್ನು ಪಡೆದರು ಆದರೆ ಆವೇಗವನ್ನು ಮುಂದುವರಿಸಲು ವಿಫಲರಾದರು. ಅವರು ಎರಡನೇ ಗೇಮ್ ಅನ್ನು 24-26 ಮತ್ತು ನಿರ್ಣಾಯಕ ಗೇಮ್ ಅನ್ನು 6-21 ರಿಂದ ಕಳೆದುಕೊಂಡರು, ಹೀಗಾಗಿ ತೈಪೆ ಆರಂಭಿಕ 1-0 ಮುನ್ನಡೆ ಸಾಧಿಸಿತು.
ಎರಡನೇ ಪಂದ್ಯದಲ್ಲಿ ಭಾರತದ ಅಗ್ರ ಶ್ರೇಯಾಂಕದ ಪುರುಷರ ಸಿಂಗಲ್ಸ್ ಆಟಗಾರ ಎಚ್‌ಎಸ್ ಪ್ರಣಯ್ 21-19, 21-15 ನೇರ ಗೇಮ್‌ಗಳಿಂದ ವಿಶ್ವದ ನಂಬರ್ 5ರ ಚೌ ಟಿಯೆನ್ ಚೆನ್ ವಿರುದ್ಧ ಸೋಲೊಪ್ಪಿಕೊಂಡರು.
ಮೂರನೇ ಪಂದ್ಯದಲ್ಲಿ ಪಿವಿ ಸಿಂಧು ತೈ ತ್ಸು ಯಿಂಗ್ ವಿರುದ್ಧ ಸೆಣಸಿದರು. ತೈಪೆ ಷಟ್ಲರ್ ಮೊದಲ ಗೇಮ್ ಅನ್ನು ಆರಾಮವಾಗಿ ಗೆದ್ದರು. ಎರಡನೇ ಗೇಮ್ನಲ್ಲಿ ಸಿಂಧು ಪ್ರಭಲ ಆಟವನ್ನು ಪ್ರದರ್ಶಸಿದರು. ಇದರಿಂದ ಮೂರನೇ ಸೆಟ್ನಲ್ಲಿ ನಿರಾಸೆಯ ಪ್ರದರ್ಶನ ತೋರಿದರು. ಸಿಂಧು ಅವರನ್ನು 14-21, 21-18, 17-21 ರಿಂದ ಸೋಲಿಸಿ ತೈಪೆ, 3-0 ಅಜೇಯ ಮುನ್ನಡೆಯೊಂದಿಗೆ ಟೈ ಅನ್ನು ಮೀರಿದರು.
ಗಮನಿಸ ಬೇಕಾದ ಅಂಶ ಎಂದರೆ, ಸುದೀರ್ಮನ್ ಕಪ್ನಲ್ಲಿ ಮಹಿಳೆಯರ ಸಿಂಗಲ್ಸ್, ಪುರುಷರ ಸಿಂಗಲ್ಸ್, ಮಿಶ್ರ ಡಬಲ್ಸ್, ಮಹಿಳೆಯರ ಡಬಲ್ಸ್ ಮತ್ತು ಪುರುಷರ ಡಬಲ್ಸ್ ಎಂದು ಐದು ಪಂದ್ಯಗಳು ಒಂದು ದೇಶ ಆಡಲಿದೆ. ಇದರಲ್ಲಿ ಮೂರರಲ್ಲಿ ಗೆದ್ದ ತಂಡವು ಟೈ ಮತ್ತು ಒಂದು ಅಂಕವನ್ನು ಪಡೆಯುತ್ತದೆ.
ನಂತರ, ಪುರುಷರ ಡಬಲ್ಸ್ ಪಂದ್ಯದಲ್ಲಿ ಭಾರತದ ಅಗ್ರ ಶ್ರೇಯಾಂಕದ ಪುರುಷರ ಜೋಡಿ ಸಾತ್ವಿಕ್‌ಸಾಯಿರಾಜ್ ರಾಂಕಿರೆಡ್ಡಿ ಮತ್ತು ಚಿರಾಗ್ ಶೆಟ್ಟಿ ಅವರು ಲೀ ಯಾಂಗ್ ಮತ್ತು ವಾಂಗ್ ಚಿ-ಲಿನ್ ಅವರ ವಿರುದ್ಧ 21-13, 17-21, 21-18 ಅಂತರದಲ್ಲಿ ಸೋಲನುಭವಿಸಿದರು. ಲೀ ಯಾಂಗ್ ಮತ್ತು ವಾಂಗ್ ಚಿ-ಲಿನ್ ಅವರ ಗೆಲುವಿನಿಂದ ತೈಪೆ 4-0ಯ ಮುನ್ನಡೆ ಪಡೆಯಿತು.
ಟೈನ ಕೊನೆಯ ಪಂದ್ಯದಲ್ಲಿ, ಮಹಿಳೆಯರ ಡಬಲ್ಸ್ ಜೋಡಿ ಗಾಯತ್ರಿ ಗೋಪಿಚಂದ್ ಪುಲ್ಲೇಲ ಮತ್ತು ತ್ರಿಶಾ ಜಾಲಿ ಅವರು ಲೀ ಚಿಯಾ ಹ್ಸಿನ್ ಮತ್ತು ಟೆಂಗ್ ಚುನ್ ಹ್ಸುನ್ ವಿರುದ್ಧ 15-21, 21-18, 21-13 ರಿಂದ ಗೆದ್ದು ದಿನದ ಮೊದಲ ಗೆಲುವನ್ನು ಗಳಿಸಿದರು. ಭಾರತವು ತನ್ನ ಎರಡನೇ ಗ್ರೂಪ್ ಸಿ ಟೈನಲ್ಲಿ ಸೋಮವಾರ ಮಲೇಷ್ಯಾವನ್ನು ಎದುರಿಸಲಿದೆ ಮತ್ತು ಬುಧವಾರ ಆಸ್ಟ್ರೇಲಿಯಾವನ್ನು ಎದುರಿಸಲಿದೆ.
ಭಾರತ ಬ್ಯಾಡ್ಮಿಂಟನ್ ತಂಡ ಸುದಿರ್ಮನ್ ಕಪ್ನಲ್ಲಿ ಇದುವರೆಗೆ ಪದಕ ಗೆದ್ದಿಲ್ಲ. 2011 ಮತ್ತು 2017 ರಲ್ಲಿ ಕ್ವಾರ್ಟರ್‌ಫೈನಲ್ ತಲುಪಿರುವುದು ದಾಖಲೆಯಾಗಿದೆ.
ಇದನ್ನೂ ಓದಿ:RR vs RCB: ಮ್ಯಾಕ್ಸ್ವೆಲ್ - ಡು ಪ್ಲೆಸಿಸ್ ಅರ್ಧಶತಕ, ರಾಜಸ್ಥಾನಕ್ಕೆ 172 ರನ್ನ ಸಾಧಾರಣ ಗುರಿ
