ಭುವನೇಶ್ವರ (ಒಡಿಶಾ):ಭುವನೇಶ್ವರದ ಕಳಿಂಗ ಕ್ರೀಡಾಂಗಣದಲ್ಲಿ ಭಾನುವಾರ ನಡೆದ ಎಫ್ಐಎಚ್ ಪ್ರೊ ಲೀಗ್ನ 2ನೇ ಪಂದ್ಯದಲ್ಲಿ ಭಾರತದ ಪುರುಷರ ಹಾಕಿ ತಂಡ ನಿರಾಸೆ ಅನುಭವಿಸಿದೆ. ಸ್ಪೇನ್ ವಿರುದ್ಧ 3-2 ಗೋಲುಗಳಿಂದ ಪರಾಜಿತವಾಗಿದೆ.
ಆರಂಭದಿಂದಲೇ ಪಂದ್ಯದ ಮೇಲೆ ಹಿಡಿತ ಸಾಧಿಸಿದ ಸ್ಪೇನ್ ಭಾರತವನ್ನು ಒತ್ತಡಕ್ಕೆ ಸಿಲುಕಿಸಿತು. ಸ್ಪೇನ್ ಆಟಗಾರ ಎಡ್ವರ್ಡ್ ಡಿ ಇಗ್ನಾಸಿಯೊ ಸಿಮೊ 16 ನೇ ನಿಮಿಷದಲ್ಲಿ ಮೊದಲ ಗೋಲು ಗಳಿಸಿ ಶುಭಾರಂಭ ಮಾಡಿದರು. 10 ನಿಮಿಷದ ಬಳಿಕ ಮಾರ್ಕ್ ಮಿರಾಲ್ಲೆಸ್ ಚೆಂಡನ್ನು ಗೋಲು ಪೆಟ್ಟಿಗೆಗೆ ಸೇರಿಸಿದರು. ಇದರಿಂದ ಸ್ಪೇನ್ ಮೊದಲಾರ್ಧದಲ್ಲಿಯೇ 2-0 ಅಂತರ ಪಡೆದುಕೊಂಡಿತು.
ಈ ವೇಳೆ ದಿಟ್ಟ ಹೋರಾಟ ನೀಡಿದ ಭಾರತ ನಾಯಕ ಹರ್ಮನ್‌ಪ್ರೀತ್ ಸಿಂಗ್ ಸಿಂಗ್ರ ಚಾಣಾಕ್ಷತನದ ಆಟಕ್ಕೆ ಕ್ಷಣಾರ್ಧದಲ್ಲೇ (26 ನೇ ನಿಮಿಷ) ಗೋಲು ಬಂದಿತು. ಬಳಿಕ ಅಭಿಷೇಕ್ 54 ನೇ ನಿಮಿಷದಲ್ಲಿ ಸ್ಪೇನ್ ತಡೆಗೋಡೆ ಭೇದಿಸಿ ಗೋಲು ಬಾರಿಸಿದರು. ಪಂದ್ಯ 2-2 ಅಂತರದ ಸಮಬಲದಲ್ಲಿ ಸಾಗಿತು.
ಭಾರತಕ್ಕೆ ಕೊನೆ ನಿಮಿಷದ ಶಾಕ್:ಪಂದ್ಯ ಮುಗಿಯಲು ಇನ್ನು 4 ನಿಮಿಷ ಬಾಕಿ ಇರುವಾಗ ಸ್ಪೇನ್ನ ಮಾರ್ಕ್ ರೆಯ್ನೆ (56 ನೇ ನಿಮಿಷ) ಭಾರತದ ಭದ್ರಕೋಟೆಯನ್ನು ಭೇದಿಸಿ ಗೋಲು ಗಳಿಸಿದರು. ಇದರಿಂದ ತಂಡ 1 ಪಾಯಿಂಟ್ ಮುನ್ನಡೆ ಪಡೆಯಿತು. ಬಳಿಕ ಭಾರತದ ಬಿರುಸಿನ ಆಟವಾಡಿದರೂ ಗೋಲು ಗಳಿಸಲು ಸಾಧ್ಯವಾಗದೇ 3-2 ರಿಂದ ಸೋಲು ಕಂಡಿತು. ಲೀಗ್ನ ಮುಂದಿನ ಪಂದ್ಯ ನವೆಂಬರ್ 4 ರಂದು ನ್ಯೂಜಿಲ್ಯಾಂಡ್ ವಿರುದ್ಧ ನಡೆಯಲಿದೆ.
ಓದಿ:FIFA U 17 Women's World Cup: ಮತ್ತೆ ಪ್ರಶಸ್ತಿ ಮುಡಿಗೇರಿಸಿ ಕೊಂಡ ಸ್ಪೇನ್
