ಏಷ್ಯನ್ ಚಾಂಪಿಯನ್​ಶಿಪ್​: ಸೈನಾ,ಸಿಂಧು ಶ್ರೀಕಾಂತ್ ಶುಭಾರಂಭ, ಹೊರಬಿದ್ದ ಲಕ್ಷ್ಯ ಸೇನ್

2 ಬಾರಿಯ ಒಲಿಂಪಿಕ್ ಪದಕ ವಿಜೇತೆ ಸಿಂಧು ಚೈನೀಸ್ ತೈಪೆಯ ಪಾಯ್ ಯು ಪೊ ವಿರುದ್ಧ ಮೊದಲ ಗೇಮ್ ಸೋಲಿನ ಬಳಿಕ ಹೋರಾಟ ಮಾಡಿ ಕೊನೆ 2 ಗೇಮ್ ವಶಪಡಿಸಿಕೊಂಡು 2ನೇ ಸುತ್ತಿಗೆ ಪ್ರವೇಶಿಸಿದರು. ಟೂರ್ನಿಯಲ್ಲಿ 4ನೇ ಶ್ರೇಯಾಂಕ ಪಡೆದಿದ್ದ ಭಾರತೀಯ ಶಟ್ಲರ್​ 18-21, 27-25, 21-9ರಲ್ಲಿ ಮ್ಯಾರಥಾನ್​ ಪಂದ್ಯದಲ್ಲಿ ಕೊನೆಗೂ ಗೆಲುವಿನ ನಗೆ ಬೀರಿದರು. ಈ ಪಂದ್ಯ ಒಂದು ಗಂಟೆ 17 ನಿಮಿಷಗಳ ಕಾಲ ನಡೆಯಿತು.

ಮನಿಲ(ಫಿಲಿಫೈನ್ಸ್): ಒಲಿಂಪಿಕ್ಸ್ ಪದಕ ವಿಜೇತರಾದ ಪಿ.ವಿ.ಸಿಂಧು ಮತ್ತು ಸೈನಾ ನೆಹ್ವಾಲ್ ಬ್ಯಾಡ್ಮಿಂಟನ್ ಏಷ್ಯನ್ ಚಾಂಪಿಯನ್​ಶಿಪ್​ನಲ್ಲಿ ಮೊದಲ ಸುತ್ತಿನಲ್ಲೇ ಕಠಿಣ ಹೋರಾಟ ನಡೆಸಿ ಜಯ ಸಾಧಿಸಿದ್ದಾರೆ. ಆದರೆ ವಿಶ್ವ ಚಾಂಪಿಯನ್​ಶಿಪ್ ಕಂಚಿನ ಪದಕ ವಿಜೇತ ಲಕ್ಷ್ಯ ಸೇನ್ ಮತ್ತು ಬಿ ಸಾಯಿ ಪ್ರಣೀತ್​ ಆರಂಭಿಕ ಸುತ್ತಿನಲ್ಲೇ ಹೊರಬಿದ್ದಿದ್ದಾರೆ.

2 ಬಾರಿಯ ಒಲಿಂಪಿಕ್ ಪದಕ ವಿಜೇತೆ ಸಿಂಧು ಚೈನೀಸ್ ತೈಪೆಯ ಪಾಯ್ ಯು ಪೊ ವಿರುದ್ಧ ಮೊದಲ ಗೇಮ್ ಸೋಲಿನ ಬಳಿಕ ಹೋರಾಟ ಮಾಡಿ ಕೊನೆ 2 ಗೇಮ್ ವಶಪಡಿಸಿಕೊಂಡು 2ನೇ ಸುತ್ತಿಗೆ ಪ್ರವೇಶಿಸಿದರು. ಟೂರ್ನಿಯಲ್ಲಿ 4ನೇ ಶ್ರೇಯಾಂಕ ಪಡೆದಿದ್ದ ಭಾರತೀಯ ಶಟ್ಲರ್​ 18-21, 27-25, 21-9ರಲ್ಲಿ ಮ್ಯಾರತಾನ್​ ಪಂದ್ಯದಲ್ಲಿ ಕೊನೆಗೂ ಗೆಲುವಿನ ನಗೆ ಬೀರಿದರು. ಈ ಪಂದ್ಯ ಒಂದು ಗಂಟೆ 17 ನಿಮಿಷಗಳ ಕಾಲ ನಡೆಯಿತು.

ಲಂಡನ್ ಒಲಿಂಪಿಕ್ ಕಂಚಿನ ಪದಕ ವಿಜೇತ ಸೈನಾ ನೆಹ್ವಾಲ್ ದಕ್ಷಿಣ ಕೊರಿಯಅದ ಸಿಮ್ ಯುಜಿನ್ ವಿರುದ್ಧ 21-15,17-21,21-13ರ ಅಂತರದಿಂದ ಗೆಲುವು ಸಾಧಿಸಿದರು. ಸಿಂಧು ಮುಂದಿನ ಪಂದ್ಯದಲ್ಲಿ ಸಿಂಗಪುರ್​​ ಆಟಗಾರ್ತಿ ಯು ಯಾನ್ ಜಸ್ಲಾಯನ್ ಹುಯಿ ವಿರುದ್ಧ, ಸೈನಾ ಚೀನಾದ ಝಿ ಯಿ ವಾಂಗ್ ವಿರುದ್ದ ಕಣಕ್ಕಿಳಿಯಲಿದ್ದಾರೆ.

ಇಂದು ಮಹಿಳೆಯ ಸಿಂಗಲ್ಸ್ ವಿಭಾಗದಲ್ಲಿ ಕಣಕ್ಕಿಳಿದಿದ್ದ 17 ವರ್ಷದ ಮಾಳವಿಕ ಬನ್ಸೂದ್​ ರೋಚಕ ಪಂದ್ಯದಲ್ಲಿ ಸಿಂಗಾಪುರ್​​ನ ಯು ಜಿಯಾ ಮಿನ್ ವಿರುದ್ಧ ಸೋಲು ಕಂಡರು. ಅವರು 9-21, 21-17, 26-24ರಲ್ಲಿ ಕಠಿಣ ಹೋರಾಟ ನಡೆಸಿ ಸೋಲು ಕಂಡರು.

ಪುರುಷರ ವಿಭಾಗದಲ್ಲಿ ಕಿಡಂಬಿ ಶ್ರೀಕಾಂತ್ ,ಮಲೇಷ್ಯಾದ ಜುಂ ಯಂಗ್​ ವಿರುದ್ಧ ​ 22-20,21-15ರ ನೇರ ಗೇಮ್​ಗಳಲ್ಲಿ ಗೆದ್ದು ದ್ವಿತೀಯ ಸುತ್ತು ಪ್ರವೇಶಿಸಿದರು. ಅವರು 2ನೇ ಸುತ್ತಿನಲ್ಲಿ ಚೀನಾದ ವೆಂಗ್​ ಹಾಂಗ್​ ಯಾಂಗ್​ ವಿರುದ್ಧ ಸ್ಪರ್ಧಿಸಲಿದ್ದಾರೆ.

ಆದರೆ 5ನೇ ಶ್ರೇಯಾಂಕಿತ ಲಕ್ಷ್ಯ ಸೇನ್ 21-12, 10-21, 19-21ರಲ್ಲಿ ಚೀನಾದ ಶ್ರೇಯಾಂಕ ರಹಿತ ಲಿ ಶಿ ಫೆಂಗ್​ ವಿರುದ್ಧ, 19ನೇ ಶ್ರೇಯಾಂಕದ ಸಾಯಿ ಪ್ರಣೀತ್​ ಇಂಡೊನೇಷ್ಯಾದ ಜೊನಾಥನ್​ ಕ್ರಿಸ್ಟಿ ವಿರುದ್ಧ 17-21, 13-21ರಲ್ಲಿ ಸೋಲು ಕಂಡು ನಿರಾಶೆಯನುಭವಿಸಿದರು.

ಇದನ್ನೂ ಓದಿ:IPL: ಕೋಟಿಗಟ್ಟಲೆ ಹಣ ಪಡೆದು ಕಳಪೆ ಪ್ರದರ್ಶನ ತೋರುತ್ತಿರುವ ಆಟಗಾರರು ಇವರೇ ನೋಡಿ..