ಬೆಂಗಳೂರು: 8ನೇ ಆವೃತ್ತಿ ಪ್ರೋ ಕಬಡ್ಡಿ ಲೀಗ್ನ ಎರಡನೇ ಪಂದ್ಯದಲ್ಲಿ ಗೆಲುವು ಸಾಧಿಸುವ ಮೂಲಕ ಬೆಂಗಳೂರು ಬುಲ್ಸ್ ತಂಡ ಜಯದ ಖಾತೆ ತೆರೆದಿದೆ. ಮೊದಲಾರ್ಧಲ್ಲಿ ಉಭಯ ತಂಡದ ಸ್ಕೋರ್ 25-25 ಆಗಿದ್ರೂ, ದ್ವೀತಿಯಾರ್ಧದಲ್ಲಿ ಬುಲ್ಸ್ ಅಬ್ಬರಿಸಿ ಗೆಲುವಿನ ನಗೆ ಬೀರಿದೆ.
ತಮಿಳ್ ತಲೈವಾಸ್ ವಿರುದ್ಧ ನಡೆದ ರೋಚಕ ಪಂದ್ಯದಲ್ಲಿ 38 - 30 ಅಂಕಗಳಿಂದ ಗೆಲುವು ಸಾಧಿಸಿರುವ ಪವನ್ ಕುಮಾರ್ ನೇತೃತ್ವದ ಬುಲ್ಸ್ ಒಟ್ಟು 19 ರೇಡ್ ಪಾಯಿಂಟ್ ಗಳಿಕೆ ಮಾಡಿದ್ದು, 14 ಟ್ಯಾಕಲ್ ಪಾಯಿಂಟ್ ಗಳಿಕೆ ಮಾಡಿತು. ಇದರ ಜೊತೆಗೆ 4 ಆಲ್ಔಟ್ ಹಾಗೂ ಒಂದು ಹೆಚ್ಚುವರಿ ಪಾಯಿಂಟ್ ಗಳಿಕೆ ಮಾಡಿತು.
ತಮಿಳ್ ತಲೈವಾಸ್ ವಿರುದ್ಧ ಬೆಂಗಳೂರು ಬುಲ್ಸ್ಗೆ ಜಯ ತಂಡದ ಪರ ನಾಯಕ ಪವನ್ ಕುಮಾರ್ 9 ಅಂಕಗಳಿಕೆ ಮಾಡಿದ್ರೆ, ಚಂದ್ರನ್ ರಜಿಂತ್ 7 ಪಾಯಿಂಟ್ಗಳಿಕೆ ಮಾಡಿ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರ ನಿರ್ವಹಿಸಿದರು. ಉದ್ಘಾಟನಾ ಪಂದ್ಯದಲ್ಲಿ ಯು ಮುಂಬಾ ವಿರುದ್ಧ ಸೋಲು ಕಂಡಿದ್ದ ಬೆಂಗಳೂರು ಬುಲ್ಸ್ ತಂಡ ಇಂದಿನ ಪಂದ್ಯದಲ್ಲಿ ಭರ್ಜರಿ ಕಮ್ಬ್ಯಾಕ್ ಮಾಡುವ ಮೂಲಕ ಗೆಲುವಿನ ಖಾತೆ ತೆರೆದಿದೆ. ವಿಶೇಷ ಎಂದರೆ ತಮಿಳ್ ವಿರುದ್ಧ ಬುಲ್ಸ್ ಆಡಿರುವ 9 ಪಂದ್ಯಗಳ ಪೈಕಿ 8ರಲ್ಲಿ ಗೆಲುವು ಸಾಧಿಸಿದೆ.
ಮತ್ತೊಂದು ಪಂದ್ಯದಲ್ಲಿ ಯು ಮುಂಬಾ ವಿರುದ್ಧ ದಬ್ಬಾಂಗ್ ಡೆಲ್ಲಿ ತಂಡ 31-27 ಅಂಕಗಳ ಅಂತರದಿಂದ ಗೆಲುವು ದಾಖಲು ಮಾಡಿದೆ.
