ಬೆಂಗಳೂರು:ಪ್ರೊ ಕಬಡ್ಡಿ 8ನೇ ಆವೃತ್ತಿ ಪೈನಲ್ ಪಂದ್ಯದಲ್ಲಿ ರೋಚಕವಾಗಿ ಗೆಲುವು ದಾಖಲು ಮಾಡುವ ಮೂಲಕ ಡೆಲ್ಲಿ ದಬಾಂಗ್ ಚಾಂಪಿಯನ್ ಆಗಿ ಹೊರಹೊಮ್ಮಿದೆ. ಈ ಮೂಲಕ ಚೊಚ್ಚಲ ಪ್ರಶಸ್ತಿಗೆ ಮುತ್ತಿಕ್ಕಿದೆ. ಬೆಂಗಳೂರಿನ ವೈಟ್ಫೀಲ್ಡ್ನಲ್ಲಿರುವ ಗ್ರ್ಯಾಂಡ್ ಶೆರಟಾನ್ ಹೋಟೆಲ್ನಲ್ಲಿ ಪ್ರಶಸ್ತಿಗಾಗಿ ನಡೆದ ರೋಚಕ ಪಂದ್ಯದಲ್ಲಿ ಪಾಟ್ನಾ ಪೈರೇಟ್ಸ್ ವಿರುದ್ಧ ಡೆಲ್ಲಿ ದಬಾಂಗ್ 37-36 ಅಂಕಗಳಿಂದ ಗೆಲುವು ದಾಖಲು ಮಾಡಿದೆ.
ಪ್ರೊ ಕಬಡ್ಡಿ ಫೈನಲ್: ರೋಚಕ ಹಣಾಹಣಿಯಲ್ಲಿ ಪಾಟ್ನಾ ವಿರುದ್ಧ ಗೆದ್ದು ಚಾಂಪಿಯನ್ ಆದ ಡೆಲ್ಲಿ ದಬಾಂಗ್ - ಪ್ರೊ ಕಬಡ್ಡಿ ಫೈನಲ್ ಪಂದ್ಯ
ಪಾಟ್ನಾ- ದಬಾಂಗ್ ಡೆಲ್ಲಿ ಮಧ್ಯೆ ನಡೆದ ರೋಚಕ ಫೈನಲ್ ಪಂದ್ಯದಲ್ಲಿ ಕೇವಲ 1 ಪಾಯಿಂಟ್ ಅಂತರದಿಂದ ಗೆಲುವು ದಾಖಲು ಮಾಡುವ ಮೂಲಕ ಡೆಲ್ಲಿ ತಂಡ 8ನೇ ಆವೃತ್ತಿ ಪ್ರೊ ಕಬಡ್ಡಿ ಚಾಂಪಿಯನ್ ಆಗಿ ಹೊರಹೊಮ್ಮಿದೆ.
Pro Kabaddi League 2022
ಸೆಮೀಸ್ನಲ್ಲಿ ಯುಪಿ ಯೋಧಾ ವಿರುದ್ಧ ಭರ್ಜರಿ ಗೆಲುವು ದಾಖಲು ಮಾಡುವ ಮೂಲಕ ಪಾಟ್ನಾ ಫೈನಲ್ಗೆ ಪ್ರವೇಶ ಪಡೆದುಕೊಂಡಿತ್ತು. ಮತ್ತೊಂದೆಡೆ ಬೆಂಗಳೂರು ಬುಲ್ಸ್ ವಿರುದ್ಧ ಗೆದ್ದ ದಬಾಂಗ್ ಡೆಲ್ಲಿ ಫೈನಲ್ಗೆ ಎಂಟ್ರಿ ನೀಡಿತ್ತು. ಇಂದು ನಡೆದ ಪಂದ್ಯ ಕೊನೆಯ ಕ್ಷಣದವರೆಗೂ ಉಭಯ ತಂಡಗಳ ನಡುವೆ ರೋಚಕ ಹಣಾಹಣಿಗೆ ಕಾರಣವಾಯಿತು. ಆದರೆ, ಕೊನೆಯ ಕ್ಷಣದಲ್ಲಿ ಡೆಲ್ಲಿ ತಂಡ ಒಂದು ಅಂಕಗಳ ಅಂತರದಿಂದ ಗೆಲುವಿನ ನಗೆ ಬೀರಿದೆ. ಈ ಮೂಲಕ ನಾಲ್ಕನೇ ಬಾರಿಗೆ ಚಾಂಪಿಯನ್ ಆಗುವ ಕನಸು ಕಾಣುತ್ತಿದ್ದ ಪಾಟ್ನಾ ಕನಸು ನುಚ್ಚುನೂರಾಗಿದೆ. ಈ ಹಿಂದೆ 2016, 17 ಹಾಗೂ 18ರಲ್ಲಿ ಪಾಟ್ನಾ ತಂಡ ಚಾಂಪಿಯನ್ ಆಗಿ ಹೊರಹೊಮ್ಮಿತ್ತು. ಈ ಸಲ ದಬಾಂಗ್ ಡೆಲ್ಲಿ ಪ್ರಶಸ್ತಿಗೆ ಮುತ್ತಿಕ್ಕಿದೆ.
ಫೈನಲ್ ಪಂದ್ಯದಲ್ಲಿ ಪಾಟ್ನಾ ತಂಡ 29 ರೈಡ್ ಪಾಯಿಂಟ್ಗಳಿಕೆ ಮಾಡಿದ್ರೆ, ದಬಾಂಗ್ ಡೆಲ್ಲಿ 27 ಪಾಯಿಂಟ್ ಗಳಿಕೆ ಮಾಡಿತು. ಉಳಿದಂತೆ ಉಭಯ ತಂಡಗಳು ಟ್ಯಾಕಲ್ ಮೂಲಕ 4 ಪಾಯಿಂಟ್ ಹಾಗೂ ಆಲೌಟ್ ಮೂಲಕ 2 ಪಾಯಿಂಟ್ಗಳಿಸಿದವು. ಆದರೆ, ದಬಾಂಗ್ ಡೆಲ್ಲಿ ಇತರ 4 ಪಾಯಿಂಟ್ಗಳಿಕೆ ಮಾಡಿದ್ರೆ, ಪಾಟ್ನಾ ಕೇವಲ 1 ಪಾಯಿಂಟ್ಗಳಿಕೆ ಮಾಡಿತು.