ಹೈದರಾಬಾದ್:ರಾಹುಲ್ ಚೌದರಿ ಹಾಗೂ ಮಂಜೀತ್ ಚಿಲಾರ್ರ ಅದ್ಭುತ ಪ್ರದರ್ಶನದಿಂದ ತಮಿಳ್ ತಲೈವಾಸ್ 39-26 ಅಂತರದಲ್ಲಿ ತೆಲುಗು ಟೈಟನ್ಸ್ ಭರ್ಜರಿ ಜಯ ಸಾಧಿಸಿದ್ದಾರೆ.
ಕಳೆದ ಬಾರಿ ತೆಲುಗು ಟೈಟಾನ್ಸ್ ವಿರುದ್ಧ ಆಡಿದ್ದ ರಾಹುಲ್ ಚೌದರಿ ಈ ಬಾರಿ ಅದೇ ತಂಡದ ವಿರುದ್ಧ ಭರ್ಜರಿ ಆಟ ಪ್ರದರ್ಶಿಸಿದರು. ಆಲ್ರೌಂಡರ್ ಆಟ ಪ್ರದರ್ಶಿಸಿದ ಚೌದರಿ 12 ಅಂಕ ಪಡೆದು ಪಂದ್ಯದ ಗರಿಷ್ಠ ಅಂಕದ ಪಡೆದ ಆಟಗಾರ ಎನಿಸಿದರು. ಇನ್ನು ಹಿರಿಯ ಆಲ್ರೌಂಡರರರ ಮಂಜೀತ್ ತಮ್ಮ 6 ಡಿಫೆಂಡಿಗ್ ಯತ್ನಿಸಿ 5 ಬಾರಿ ಯಶಸ್ವಿಯಾಗಿ ಎದುರಾಳಿ ರೈಡರ್ಗಳನ್ನು ಔಟ್ ಮಾಡಿದರು.
ಮೊದಲಾರ್ಧದಲ್ಲಿ 20-10 ರಲ್ಲಿ ಮುನ್ನಡೆ ಕಾಯ್ದುಕೊಂಡಿದ್ದ ತಲೈವಾಸ್ ದ್ವಿತೀಯಾರ್ಧದಲ್ಲೂ ತನ್ನ ಅಬ್ಬರವನ್ನು ಮುಂದುವರಿಸಿತು. ತೆಲುಗು ಟೈಟನ್ಸ್ ಕೂಡ ದ್ವಿತೀಯಾರ್ದದಲ್ಲಿ 16 ಅಂಕ ಪಡೆಯುವ ಮೂಲಕ ಉತ್ತಮ ಪೈಪೋಟಿ ನಡೆಸಿತರಾದರೂ ಕೊನೆಗೆ 26-39 ರಲ್ಲಿ ತನ್ನ ಎರಡನೇ ಸೋಲುಕಂಡಿತು.