ಪಾಟಲೀಪುತ್ರ: ಇಲ್ಲಿನ ಪಾಟಲೀಪುತ್ರ ಸ್ಪೋರ್ಟ್ಸ್ ಕಾಂಪ್ಲೆಕ್ಸ್ನಲ್ಲಿ ನಡೆದ ಪ್ರೊ ಕಬಡ್ಡಿ ಲೀಗ್ನ ಮತ್ತೊಂದು ಪಂದ್ಯದಲ್ಲಿ ಬೆಂಗಾಲ್ ವಾರಿಯರ್ಸ್ ವಿರುದ್ಧ ಬೆಂಗಳೂರು ಬುಲ್ಸ್ ರೋಚಕ ಗೆಲುವು ದಾಖಲು ಮಾಡಿದೆ.
ಪಂದ್ಯದ ಆರಂಭದಲ್ಲಿ ಹಾಲಿ ಚಾಂಪಿಯನ್ ಬೆಂಗಳೂರು ಬುಲ್ಸ್ ಹಿನ್ನಡೆ ಅನುಭವಿಸಿದರೂ ಪಂದ್ಯದ ಕೊನೆಯಲ್ಲಿ ಅದ್ಭುತ ಕಮ್ಬ್ಯಾಕ್ ಮಾಡುವ ಮೂಲಕ ಕೇವಲ 1 ಅಂಕಗಳ ಗೆಲುವು ದಾಖಲು ಮಾಡಿದೆ.
ಬುಲ್ಸ್ ತಂಡದ ಪರ ಪವನ್ ಅತ್ಯದ್ಭುತ ಆಟ ಪ್ರದರ್ಶಿಸಿದರು. ಇನ್ನು ವಾರಿಯರ್ಸ್ 29 ರೈಡ್ ಪಾಯಿಂಟ್ ಪಡೆದುಕೊಂಡರೆ, ಬುಲ್ಸ್ 31 ಪಾಯಿಂಟ್ಗಳಿಸಿತ್ತು. ಉಳಿದಂತೆ ಬುಲ್ಸ್ ಒಂದು ಸೂಪರ್ ರೈಡ್ ಪಡೆದುಕೊಂಡರೆ ಟ್ಯಾಕಲ್ ಪಾಯಿಂಟ್ನಲ್ಲೂ ಬುಲ್ಸ್ ಎರಡು ಅಂಕ ಹೆಚ್ಚು ಪಡೆದುಕೊಂಡಿತ್ತು. ಹೀಗಾಗಿ ಉಭಯ ತಂಡಗಳು ಕೊನೆಯಲ್ಲಿ 42-43 ಅಂಕ ಪಡೆದುಕೊಂಡವು.
ಬುಲ್ಸ್ ತಂಡದ ಪರ ಪವನ್ ಕುಮಾರ್ 26 ಸಲ ರೈಡ್ ಮಾಡಿ ಮೂರು ಬೂನಸ್ ಸೇರಿದಂತೆ 29 ಅಂಕಗಳಿಕೆ ಮಾಡಿ ತಂಡಕ್ಕೆ ನೀಡಿದರು. ಈ ಗೆಲುವಿನೊಂದಿಗೆ ಬುಲ್ಸ್ ಆಡಿರುವ 4 ಪಂದ್ಯಗಳ ಪೈಕಿ ಮೂರರಲ್ಲಿ ಗೆಲುವು ದಾಖಲು ಮಾಡಿದಂತಾಗಿದೆ.
ಮತ್ತೊಂದು ಪಂದ್ಯದಲ್ಲಿ ಪರ್ದೀಪ್ ನರ್ವಾಲ್ ಮಿಂಚಿನ ಪ್ರದರ್ಶನದ ಹೊರತಾಗಿ ಸಹ ಪಾಟ್ನಾ ಪೈರೇಟ್ಸ್ ವಿರುದ್ಧ ಜೈಪುರ್ ಪಿಂಕ್ ಪ್ಯಾಂಥರ್ಸ್ ಗೆಲುವು ಕಂಡಿದೆ. ಪಾಟ್ನಾ ಪೈರೇಟ್ಸ್ 21 ಅಂಕಗಳಿಸಿದರೆ ಪೈರೇಟ್ಸ್ 34 ಅಂಕ ಗಳಿಕೆ ಮಾಡಿ ಗೆಲುವು ಕಂಡಿದೆ.