ಬೆಂಗಳೂರು: ಮೂರು ಬಾರಿಯ ಚಾಂಪಿಯನ್ ಪಾಟ್ನಾ ಪೈರೇಟ್ಸ್ 38-26 ಅಂಕಗಳ ಅಂತರದಿಂದ ಪುಣೆ ತಂಡವನ್ನು ಬಗ್ಗುಬಡಿದಿದೆ. ಮತ್ತೊಂದು ಪಂದ್ಯದಲ್ಲಿ ಹರಿಯಾಣ ಸ್ಟೀಲರ್ಸ್ 39-37 ಅಂಕಗಳಿಂದ ತೆಲುಗು ಟೈಟನ್ಸ್ ವಿರುದ್ಧ ರೋಚಕ ಜಯ ಸಾಧಿಸಿತು.
ರೈಡರ್ಗಳಾದ ಸಚಿನ್ ಸೂಪರ್ 10(10), ಪ್ರಶಾಂತ್ ರೈ 5 ಅಂಕ ಮತ್ತು ಡಿಫೆಂಡರ್ ತ್ರಿಮೂರ್ತಿಗಳಾದ ಸುನೀಲ್(4 ಅಂಕ), ಮೊಹಮ್ಮದ್ರೇಝಾ ಚಿಯಾನೆ(3 ಅಂಕ) ಮತ್ತು ಸಜಿನ್ ಸಿ(3 ಅಂಕ) ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು.
ಯುವ ಆಟಗಾರರ ಉತ್ತಮ ಪ್ರದರ್ಶನದ ಹೊರತಾಗಿಯೂ ಉತ್ತಮ ಗುಣಮಟ್ಟದ ರೈಡರ್ಗಳ ಕೊರತೆಯಿಂದ ಪುಣೆ ಸತತ 2ನೇ ಸೋಲು ಕಂಡಿತು. ಯುವ ರೈಡರ್ ಮೋಹಿತ್ ಗೋಯಟ್ 7, ಅಸ್ಲಮ್ ಇನಾಮ್ದಾರ್ 6 ಮತ್ತು ಡಿಫೆಂಡರ್ ಸೋಮ್ಬಿರ್ 5 ಅಂಕ ಪಡೆದು ಪಾಟ್ನಾಗೆ ಪ್ರತಿರೋಧವೊಡ್ಡಿದ್ದರು.