ಪವನ್​ ಶೆರಾವತ್ ಭರ್ಜರಿ ಆಟ... ಭಾರಿ ವಿಜಯದೊಂದಿಗೆ 3ನೇ ಸ್ಥಾನಕ್ಕೇರಿದ ಬೆಂಗಳೂರು ಬುಲ್ಸ್

ಬೆಂಗಳೂರು ಬುಲ್ಸ್​ ತಂಡದ ಸ್ಟಾರ್​ ರೈಡರ್​ ಪವನ್​ ಕುಮಾರ್​ ಶೆರಾವತ್ ಅವರ 17 ಪಾಯಿಂಟ್​ ನೆರವಿನಿಂದ ಬೆಂಗಳೂರು ಬುಲ್ಸ್​ 47-26 ಅಂಕಗಳ ಅಂತರದಿಂದ ಜಯ ಸಾಧಿಸಿದೆ.

ಪಾಟ್ನಾ: ಬೆಂಗಳೂರು ಬುಲ್ಸ್​ ತಂಡದ ಸ್ಟಾರ್​ ರೈಡರ್​ ಪವನ್​ ಕುಮಾರ್​ ಶೆರಾವತ್ ​ಅವರ ಭರ್ಜರಿ ರೈಡಿಂಗ್​ ನೆರವಿನಿಂದ ಬೆಂಗಳೂರು ಬುಲ್ಸ್​ ಗೆಲುವಿನ ಓಟ ಮುಂದುವರಿಸಿದೆ.

ತೆಲುಗು ಟೈಟನ್ಸ್​ ವಿರುದ್ಧ ನಡೆದ ಪಂದ್ಯದಲ್ಲಿ ಬೆಂಗಳೂರು 47-26 ಅಂಕಗಳ ಅಂತರದಿಂದ ಜಯಸಾಧಿಸಿತು. ಎಂದಿನಂತೆ ಭರ್ಜರಿ ರೈಡಿಂಗ್​ ನಡೆಸಿದ ಪವನ್​ 8 ರೈಡಿಂಗ್​ , 3 ಟ್ಯಾಕಲ್​ ಹಾಗೂ 6 ಬೋನಸ್​ ಸೇರಿದಂತೆ 17 ಅಂಕ ಪಡೆದರು. ರೋಹಿತ್​ ಕುಮಾರ್​ 8 ಅಂಕ ಪಡೆದು ಉತ್ತಮ ಸಾಥ್​ ನೀಡಿದರು. ಡಿಫೆಂಡರ್​ ಮಣಿಂದರ್​ ಸಿಂಗ್​ 7 ಅಂಕ ಪಡೆದರೆ, ವಿಜಯ್​ ಕುಮಾರ್​​ 3 ಅಂಕ ಗಳಿಸಿದರು.

ತೆಲುಗು ಟೈಟನ್ಸ್​ ಪರ ಸಿದ್ದಾರ್ಥ್​ ದೇಸಾಯಿ 11, ವಿಶಾಲ್​ ಭಾರಧ್ವಾಜ್​​ 6 ಅರ್ಮಾನ್​ 4 ಅಮಿತ್​ ಕುಮಾರ್​ 2 ಅಂಕ ಪಡೆದರು.

ಈ ಗೆಲುವಿನೊಂದಿಗೆ 5 ಪಂದ್ಯಗಳಲ್ಲಿ 4 ಗೆಲುವು ಪಡೆದ ಬುಲ್ಸ್​ 20 ಅಂಕಗಳೊಂದಿಗೆ ಅಂಕಪಟ್ಟಿಯಲ್ಲಿ 3ನೇ ಸ್ಥಾನಕ್ಕೇರಿದೆ.