ಸ್ಟಾವೆಂಜರ್(ನಾರ್ವೆ):ಗ್ರಾಂಡ್ ಮಾಸ್ಟರ್ ವಿಶ್ವನಾಥನ್ ಆನಂದ್ ನಾರ್ವೆ ಚೆಸ್ ಟೂರ್ನಿಯಲ್ಲಿ ಒಂಬತ್ತನೇ ಸುತ್ತಿನಲ್ಲಿ ಅಜರ್‌ಬೈಜಾನ್‌ನ ಶಖ್ರಿಯಾರ್ ಮಮೆಡಿಯಾರೊವ್ ವಿರುದ್ಧ ಸೋಲನ್ನನುಭವಿಸಿ ಹಿನ್ನಡೆ ಅನುಭವಿಸಿದ್ದಾರೆ. ನಾರ್ವೆಯ ಸ್ಟಾರ್ ಮ್ಯಾಗ್ನಸ್ ಕಾರ್ಲ್‌ಸನ್, ಫ್ರೆಂಚ್ ಆಟಗಾರ ಮ್ಯಾಕ್ಸಿಮ್ ವಾಚಿಯರ್-ಲಾಗ್ರೇವ್ ವಿರುದ್ಧ ಜಯಗಳಿಸುವ ಮೂಲಕ ಮುನ್ನಡೆ ಸಾಧಿಸಿದರು.
ಐದನೇ ಸುತ್ತಿನ ನಂತರ ಮುನ್ನಡೆ ಸಾಧಿಸಲು ಮ್ಯಾಗ್ನಸ್ ಕಾರ್ಲ್‌ಸನ್ ವಿರುದ್ಧ ಜಯಗಳಿಸುವ ಮೂಲಕ ವಿಶ್ವನಾಥನ್ ಆನಂದ್ ತಮ್ಮ ಆಟವನ್ನು ತೀಕ್ಷ್ಣಗೊಳಿಸಿದ್ದರು. ಗುರುವಾರ ತಡರಾತ್ರಿ ನಡೆದ ಕ್ಲಾಸಿಕಲ್ ಮ್ಯಾಚ್ ಪೆಟ್ರೋಫ್ ಮಿಲೇನಿಯಮ್ ಅಟ್ಯಾಕ್ ಗೇಮ್‌ನಲ್ಲಿ 22 ನಡೆಗಳಲ್ಲಿ ಮಮೆಡಿಯಾರೊವ್ ಅವರನ್ನು ಸೋಲಿಸಿದರು. ನಂತರದ ಪಂದ್ಯಾವಳಿಯಲ್ಲಿ ಮಮೆಡಿಯಾರೊವ್ ಮೂರು ಪೂರ್ಣ ಅಂಕಗಳ ಮೂಲಕ ಮುನ್ನಡೆ ಸಾಧಿಸಿದರು.