ಅಥ್ಲೆಟಿಕ್ಸ್​ನಲ್ಲಿ 2 ಬಾರಿ ಕೈತಪ್ಪಿದ್ದ ಪದಕ... 3ನೇ ಬಾರಿ 100 ವರ್ಷಗಳ ಭಾರತೀಯರ ಕನಸು ನನಸು ಮಾಡಿದ ನೀರಜ್​ ಚೋಪ್ರಾ

ಶನಿವಾರ ನಡೆದ ಜಾವಲಿನ್ ಥ್ರೋ ಫೈನಲ್​ನಲ್ಲಿ ಮೊದಲ ಪ್ರಯತ್ನದಲ್ಲೇ 87.03 ಮೀಟರ್​ ಎಸೆದು ಅಗ್ರಸ್ಥಾನ ಪಡೆದುಕೊಂಡ ನೀರಜ್, 2ನೇ ಪ್ರಯತ್ನದಲ್ಲಿ 87.58 ಮೀಟರ್​ ಎಸೆದು ಕೊನೆಯವರೆಗೂ ಟಾಪರ್​ ಆಗಿಯೇ ಉಳಿದುಕೊಂಡರು. ಈ ಮೂಲಕ ಅಥ್ಲೆಟಿಕ್ಸ್​ನಲ್ಲಿ 100 ವರ್ಷಗಳ ನಂತರ ಮೊದಲ ಪದಕವನ್ನು ಚಿನ್ನದ ರೂಪದಲ್ಲಿ ತಂದುಕೊಡುವ ಮೂಲಕ ಭಾರತೀಯರ ಕನಸನ್ನು ನನಸು ಮಾಡಿದ್ದಾರೆ.

ಟೋಕಿಯೋ: ಜಾವಲಿನ್ ಥ್ರೋವರ್​ ಟೋಕಿಯೋ ಒಲಿಂಪಿಕ್ಸ್​ನಲ್ಲಿ ಚಿನ್ನದ ಪದಕ ಗೆಲ್ಲುವ ಮೂಲಕ ಭಾರತಕ್ಕೆ ಪದಕ ತಂದುಕೊಟ್ಟ ಮೊದಲ ಭಾರತೀಯ ಕ್ರೀಡಾಪಟು ಎಂಬ ಶ್ರೇಯಕ್ಕೆ ಪಾತ್ರರಾಗಿದ್ದಾರೆ.

ಶನಿವಾರ ನಡೆದ ಜಾವಲಿನ್ ಥ್ರೋ ಫೈನಲ್​ನಲ್ಲಿ ಮೊದಲ ಪ್ರಯತ್ನದಲ್ಲೇ 87.03 ಮೀಟರ್​ ಎಸೆದು ಅಗ್ರಸ್ಥಾನ ಪಡೆದುಕೊಂಡ ನೀರಜ್, 2ನೇ ಪ್ರಯತ್ನದಲ್ಲಿ 87.58 ಮೀಟರ್​ ಎಸೆದು ಕೊನೆಯವರೆಗೂ ಟಾಪರ್​ ಆಗಿಯೇ ಉಳಿದುಕೊಂಡರು. ಈ ಮೂಲಕ ಅಥ್ಲೆಟಿಕ್ಸ್​ನಲ್ಲಿ 100 ವರ್ಷಗಳ ನಂತರ ಮೊದಲ ಪದಕವನ್ನು ಚಿನ್ನದ ರೂಪದಲ್ಲಿ ತಂದುಕೊಡುವ ಮೂಲಕ ಭಾರತೀಯರ ಕನಸನ್ನು ನನಸು ಮಾಡಿದ್ದಾರೆ.

ಲೀಗ್​ನಲ್ಲೂ ಮೊದಲ ಪ್ರಯತ್ನದಲ್ಲಿ 86.65 ಮೀಟರ್ ಎಸೆದು ಅರ್ಹತೆ ಪಡೆಯುವ ಮೂಲಕ ಫೈನಲ್ ಪ್ರವೇಶಿಸಿದ್ದರು. ಇದೀಗ ಮತ್ತೆ ಫೈನಲ್​ನಲ್ಲೂ ಮೊದಲ ಪ್ರಯತ್ನವೇ ಚಿನ್ನದ ಪದಕವನ್ನು ತಂದುಕೊಟ್ಟಿದೆ.

1900ರಲ್ಲಿ ಭಾರತ ಮೊದಲ ಬಾರಿಗೆ ಒಲಿಂಪಿಕ್ಸ್​ನಲ್ಲಿ ಭಾಗವಹಿಸಿತ್ತು. ಅಂದು ಬ್ರಿಟೀಷ್​ ಇಂಡಿಯನ್​ ನಾರ್ಮನ್​ ಪ್ರಿಚರ್ಡ್​ 200 ಮೀಟರ್​ ಹರ್ಡಲ್ಸ್​ನಲ್ಲಿ ಬೆಳ್ಳಿ ಪದಕ ಗೆದ್ದಿದ್ದರು. ಆದರೆ ಭಾರತೀಯ ಕ್ರೀಡಾಪಟುವೊಬ್ಬ ಪದಕ ಗೆದ್ದಿರಲಿಲ್ಲ.

ಮಿಲ್ಖಾ ಸಿಂಗ್​, ಪಿಟಿ ಉಷಾಗೆ ತಪ್ಪಿದ್ದ ಪದಕ

1964ರಲ್ಲಿ ಫ್ಲೈಯಿಂಗ್​ ಸಿಖ್​ ಖ್ಯಾತಿಯ ಮಿಲ್ಖಾ ಸಿಂಗ್ ಮತ್ತು ರನ್ನಿಂಗ್ ಕ್ವೀನ್​ ಪಿಟಿ ಉಷಾ ಫೈನಲ್​ ತಲುಪಿದ್ದರಾದರೂ 4ನೇ ಸ್ಥಾನ ಪಡೆದು ಒಂದೆರಡು ಸೆಕೆಂಡ್​​ಗಳ ಅಂತರದಲ್ಲಿ ಪದಕವನ್ನು ತಪ್ಪಿಸಿಕೊಂಡಿದ್ದರು.

ಇವರಿಬ್ಬರನ್ನು ಹೊರೆತು ಪಡಿಸಿದರೆ ಭಾರತದ ಯಾವೊಬ್ಬ ಅಥ್ಲೀಟ್ಸ್​ ಟಾಪ್​ 5ರಲ್ಲೂ ಅವಕಾಶ ಪಡೆದಿರಲಿಲ್ಲ ಎನ್ನುವುದು ಮತ್ತೊಂದು ವಿಶೇಷ. ಇದಲ್ಲದೆ ಹಾಕಿಯಲ್ಲಿ ಭಾರತ ತಂಡ, ಮತ್ತು ಶೂಟರ್​ ಅಭಿನವ್ ಬಿಂದ್ರಾ ನಂತರ ಚಿನ್ನ ಗೆದ್ದ ಕ್ರೀಡಾಪಟು ಎಂಬ ಶ್ರೇಯಕ್ಕೆ ನೀರಜ್ ಚೋಪ್ರಾ ಪಾತ್ರರಾಗಿದ್ದಾರೆ.

ಇದನ್ನು ಓದಿ:ಪಾಣಿಪತ್​​ to ಟೋಕಿಯೋ.. ಚಿನ್ನದ ಪದಕ ಗೆದ್ದ ರೈತನ ಮಗನ ಸಾಧನೆಯ ಹಾದಿ ಹೀಗಿತ್ತು!