ಬಾಕ್ಸಮ್ ಇಂಟರ್​ ನ್ಯಾಷನಲ್ ಬಾಕ್ಸಿಂಗ್ ಟೂರ್ನಿ: ಮೇರಿಕೋಮ್​​ಗೆ ಕಂಚು

ಅಮೆರಿಕದ ಬಾಕ್ಸರ್​ ವರ್ಜೀನಿಯಾ ಪುಚ್​ ಅವರ ವಿರುದ್ಧ ಸೆಣೆಸಿದ್ದ 37 ವರ್ಷದ ಮೇರಿಕೋಮ್ ಸೋಲನ್ನಪ್ಪಿದ್ದು, ಇದರಿಂದ ಕಂಚಿನ ಪದಕಕ್ಕೆ ತೃಪ್ತಿಗೊಳ್ಳಬೇಕಾಯಿತು.

ಹೈದರಾಬಾದ್:ಭಾರತೀಯ ಬಾಕ್ಸಿಂಗ್ ಪಟು ಮೇರಿಕೋಮ್ ಸ್ಪೇನ್​​ನ ಕ್ಯಾಸ್ಟೆಲ್ಲೋನ್​​ನಲ್ಲಿ ನಡೆದ 35ನೇ ಬಾಕ್ಸಮ್​​ ಇಂಟರ್​ನ್ಯಾಷನಲ್ ಬಾಕ್ಸಿಂಗ್ ಟೂರ್ನಮೆಂಟ್​ನ 51 ಕೆಜಿ ವಿಭಾಗದ ಬಾಕ್ಸಿಂಗ್​ನಲ್ಲಿ ಕಂಚಿನ ಪದಕ ಗೆದ್ದಿದ್ದಾರೆ.

ಅಮೆರಿಕದ ಬಾಕ್ಸರ್​ ವರ್ಜೀನಿಯಾ ಪುಚ್​ ಅವರ ವಿರುದ್ಧ ಸೆಣೆಸಿದ್ದ 37 ವರ್ಷದ ಮೇರಿಕೋಮ್ ಸೋಲನ್ನಪ್ಪಿದ್ದು, ಇದರಿಂದ ಕಂಚಿನ ಪದಕಕ್ಕೆ ತೃಪ್ತಿಗೊಳ್ಳಬೇಕಾಯಿತು. ಮೊದಲ ಮೂರು ನಿಮಿಷಗಳ ಕಾಲ ಇಬ್ಬರು ರಕ್ಷಣಾತ್ಮಕ ಆಟವಾಡಿದ್ದರು. ಎರಡನೇ ಸುತ್ತಿನಲ್ಲಿ ಮೇರಿಕೋಮ್ ಆಕ್ರಮಣಕಾರಿ ಆಟಕ್ಕೆ ಮುಂದಾಗಿದ್ದರು.

ಇದನ್ನೂ ಓದಿ:ಗಂಡು ಮಕ್ಕಳಿಲ್ಲವೆಂದು ಮನೆ ಬಿಟ್ಟು ಹೋದ ಅಪ್ಪ: ಅಮ್ಮನ ಆಸರೆಯಲ್ಲಿ ಬೆಳೆದ ಮಗಳ ಮೇರು ಸಾಧನೆ

ಮೂರನೇ ಸುತ್ತಿನಲ್ಲಿ ನಡೆದ ರೋಚಕ ಹಣಾಹಣಿಯಲ್ಲಿ ಮೇರಿಕೋಮ್ ಸಾಕಷ್ಟು ವಿಫಲರಾದರು. ಇದರಿಂದಾಗಿ ಸೋಲನ್ನು ಅನುಭವಿಸಿ, ಕಂಚಿನ ಪದಕಕ್ಕೆ ತೃಪ್ತಿಪಡಬೇಕಾಯಿತು.

ಇದಕ್ಕೂ ಮೊದಲು 91 ಕೆಜಿ ವಿಭಾಗದಲ್ಲಿ ಸತೀಶ್​ ಕುಮಾರ್, 75 ಕೆಜಿ ವಿಭಾಗದಲ್ಲಿ ಅಶಿಶ್ ಕುಮಾರ್, 81 ಕೆಜಿ ವಿಭಾಗದಲ್ಲಿ ಸುಮಿತ್ ಸಂಗ್ವಾನ್ ಸೆಮಿಫೈನಲ್​ಗೆ ಪ್ರವೇಶ ಪಡೆದಿದ್ದರು.

ಡೆನ್ಮಾರ್ಕ್​ನ ಗಿವ್ಸ್ಕೋವ್ ನೈಲ್ಸೆನ್ ಅವರನ್ನು ಸೋಲಿಸುವ ಮೂಲಕ ಒಲಿಂಪಿಕ್​ಗೆ ಆಯ್ಕೆಯಾದ ಮೊದಲ ಸೂಪರ್ ಹೆವಿವೈಟ್​ ಬಾಕ್ಸರ್ ಆಗಿ ಸತೀಶ್ ಒಲಿಂಪಿಕ್​ನಲ್ಲಿ ಪದಕದ ಭರವಸೆ ಮೂಡಿಸಿದ್ದಾರೆ.