Odisha Open: ಜೂನಿಯರ್​ ನಂ.1 ತಸ್ನಿಮ್​ ಮಣಿಸಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ ಮಾಳವಿಕ

ಗುರುವಾರ ನಡೆದ ಪಂದ್ಯದಲ್ಲಿ ಬನ್ಸೂಡ್​ ಅರ್ಧ ಗಂಟೆ ನಡೆದ ಕಾಳಗದಲ್ಲಿ ತಸ್ನಿಮ್ ವಿರುದ್ಧ 21-13, 21-15ರಿಂದ ಮಣಿಸಿ ಬಿಡಬ್ಲ್ಯೂಎಫ್​ ಸೂಪರ್​ 100 ಮಹಿಳೆಯರ ಸಿಂಗಲ್ಸ್ ವಿಭಾಗದಲ್ಲಿ 8ರ ಘಟ್ಟಕ್ಕೆ ತೇರ್ಗಡೆಯಾದರು. ಯುವ ಆಟಗಾರ್ತಿ ತಮ್ಮ ಮುಂದಿನ ಸುತ್ತಿನಲ್ಲಿ ತಾನಿಯಾ ಹೇಮಂತ್​ ಮತ್ತು ವಿಜೇತ ಹರೀಶ್​​ ನಡುವೆ ಗೆದ್ದವರನ್ನು ಎದುರಿಸಲಿಸಿದ್ದಾರೆ.

ಕಟಕ್​: 2022ರಲ್ಲಿ ತಮ್ಮ ಅದ್ಭುತ ಫಾರ್ಮ್​ ಮುಂದುವರಿಸಿರುವ ಯುವ ಶಟ್ಲರ್​ ಮಾಳವಿಕ ಬನ್ಸೂಡ್​ ಭಾರತದವರೇ ಆದ ಜೂನಿಯರ್​ ವಿಭಾಗದ ನಂಬರ್ 1 ಶಟ್ಲರ್​ ತಸ್ನಿಮ್​ ಮಿರ್​ ವಿರುದ್ಧ ನೇರ ಗೇಮ್​ಗಳಿಂದ ಮಣಿಸಿ ಒಡಿಶಾ ಓಪನ್​ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ್ದಾರೆ.

ಗುರುವಾರ ನಡೆದ ಪಂದ್ಯದಲ್ಲಿ ಬನ್ಸೂಡ್​ ಅರ್ಧ ಗಂಟೆ ನಡೆದ ಕಾಳಗದಲ್ಲಿ ತಸ್ನಿಮ್ ವಿರುದ್ಧ 21-13, 21-15ರಿಂದ ಮಣಿಸಿ ಬಿಡಬ್ಲ್ಯೂಎಫ್​ ಸೂಪರ್​ 100 ಮಹಿಳೆಯರ ಸಿಂಗಲ್ಸ್ ವಿಭಾಗದಲ್ಲಿ 8ರ ಘಟ್ಟಕ್ಕೆ ತೇರ್ಗಡೆಯಾದರು.

20 ವರ್ಷದ ಮಾಳವಿಕ ಕಳೆದ ವಾರ ಎರಡು ಬಾರಿಯ ಒಲಿಂಪಿಕ್ ಪದಕ ವಿಜೇತೆ ಪಿವಿ ಸಿಂಧು ವಿರುದ್ಧ ಸೈಯದ್ ಮೋದಿ ಇಂಟರ್​ ನ್ಯಾಷನಲ್​ ಫೈನಲ್​ನಲ್ಲಿ ಸೋಲು ಕಂಡಿದ್ದರು. ಆದರೆ ಲೀಗ್​ ಹಂತದಲ್ಲಿ ತಮ್ಮ ಐಡಲ್​ ಸೈನಾ ನೆಹ್ವಾಲ್​ಗೆ ಸೋಲುಣಿಸುವಲ್ಲಿ ಯಶಸ್ವಿಯಾಗಿದ್ದರು. ಯುವ ಆಟಗಾರ್ತಿ ತಮ್ಮ ಮುಂದಿನ ಸುತ್ತಿನಲ್ಲಿ ತಾನಿಯಾ ಹೇಮಂತ್​ ಮತ್ತು ವಿಜೇತ ಹರೀಶ್​​ ನಡುವೆ ಗೆದ್ದವರನ್ನು ಎದುರಿಸಲಿಸಿದ್ದಾರೆ.

ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ

5ನೇ ಶ್ರೇಯಾಂಕದ ಆಶ್ಮಿತ ಚಲಿಹಾ ಕೂಡ 16 ವರ್ಷದ ಅನುಪಮಾ ಉಪಾಧ್ಯಯ ವಿರುದ್ಧ 21-17, 21-16ರ ಅಂತರದಲ್ಲಿ ಮಣಿಸಿ ಕ್ವಾರ್ಟರ್​ ಫೈನಲ್​ ಸ್ಥಾನ ಖಚಿತಪಡಿಸಿಕೊಂಡರು. 8ರ ಘಟ್ಟದ ಪಂದ್ಯದಲ್ಲಿ ರುಚಾ ಸವಾಂತ್​ರನ್ನು ಎದುರಿಸಲಿದ್ದಾರೆ.

​​ಪುರುಷರ ವಿಭಾಗದಲ್ಲಿ ಕಿರಣ್ ಜಾರ್ಜ್​ 21-12, 21-13ರಲ್ಲಿ ಚಿರಾಗ್ ಸೇನ್​ರನ್ನು ಸುಲಭವಾಗಿ ಮಣಿಸಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದರು.

ಇದನ್ನೂ ಓದಿ:Australian open:​​ ಫೈನಲ್​ ಪ್ರವೇಶಿಸಿದ ಬಾರ್ಟಿ, 44 ವರ್ಷಗಳ ಪ್ರಶಸ್ತಿ ಬರ ನೀಗಿಸಲು ಬೇಕು ಒಂದು ಜಯ