ಖೇಲೋ ಇಂಡಿಯಾ ಗೇಮ್ಸ್​ನಲ್ಲಿ ಚಿನ್ನ ಗೆದ್ದರೂ ಒಲಿಂಪಿಕ್ಸ್​​ಗೆ​ ಅರ್ಹತೆ ಪಡೆಯದ ದ್ಯುತಿ ಚಾಂದ್​​

ಖೇಲೋ ಇಂಡಿಯಾದಲ್ಲಿ ಚಿನ್ನದ ಪದಕ ಗೆದ್ದರೂ ಒಲಿಂಪಿಕ್ಸ್​​ಗೆ​ ಅರ್ಹತೆ ನಿಗದಿಪಡಿಸಿದ್ದ ಕಾಲಮಿತಿಯೊಳಗೆ ತಲುಪುವಲ್ಲಿ ಚಾಂದ್​ ವಿಫಲರಾದರು. ಒಲಿಂಪಿಕ್ಸ್​ ಅರ್ಹತೆಗೆ 11.15 ಸೆಕೆಂಡ್​ನಲ್ಲಿ ಗುರಿ ತಲುಪಬೇಕಿತ್ತು. ದ್ಯುತಿ 11.49 ಸೆಕೆಂಡ್​ಗಳಲ್ಲಿ ಗುರಿ ತಲುಪಿದ್ದರು.

ಭುವನೇಶ್ವರ್​:ಭಾರತದ ಸ್ಟಾರ್ ಓಟಗಾರ್ತಿ ದ್ಯುತಿ ಚಾಂದ್​ ಖೇಲೋ ಇಂಡಿಯಾ ಗೇಮ್ಸ್​ನ 100 ಮೀಟರ್​ ಓಟದಲ್ಲಿ ಚಿನ್ನದ ಪದಕ ಗೆದ್ದರೂ 2020ರ ಟೋಕಿಯೋ ಒಲಿಂಪಿಕ್ಸ್​ಗೆ ಅರ್ಹತೆ ಗಿಟ್ಟಿಸಿಕೊಳ್ಳುವಲ್ಲಿ ವಿಫಲರಾಗಿದ್ದಾರೆ.

ಒಡಿಸ್ಸಾದಲ್ಲಿ ನಡೆಯುತ್ತಿರುವ ವಿಶ್ವವಿದ್ಯಾಲಯ ಮಟ್ಟದ ಖೇಲೋ ಇಂಡಿಯಾ ಗೇಮ್ಸ್​ನಲ್ಲಿ ದ್ಯುತಿ ಚಾಂದ್​ 100 ಮೀಟರ್​ ಓಟವನ್ನು 11.49 ಸೆಕೆಂಡ್​ಗಳಲ್ಲಿ ತಲುಪುವ ಮೂಲಕ ಚಿನ್ನದ ಪದಕಕ್ಕೆ ಮುತ್ತಿಕ್ಕಿದ್ದಾರೆ. ಕಳೆದ ವರ್ಷ 11.22 ಸೆಕೆಂಡ್​ಗಳಲ್ಲಿ 100 ಮೀಟರ್​ ತಲುಪುವ ಮೂಲಕ ರಾಷ್ಟ್ರೀಯ ದಾಖಲೆಯನ್ನು ತಮ್ಮ ಹೆಸರಿನಲ್ಲಿ ಬರೆದುಕೊಂಡಿರುವ ಚಾಂದ್,​ 2020ರ ಟೋಕಿಯೋ ಒಲಿಂಪಿಕ್ಸ್​ಗೆ ಅರ್ಹತೆ ಗಿಟ್ಟಿಸಿಕೊಳ್ಳುವಲ್ಲಿ ಎಡವಿದ್ದಾರೆ.

ಖೇಲೋ ಇಂಡಿಯಾದಲ್ಲಿ ಚಿನ್ನದ ಪದಕ ಗೆದ್ದರೂ ಒಲಿಂಪಿಕ್ಸ್​ ಅರ್ಹತೆಗೆ ನಿಗದಿಪಡಿಸಿದ್ದ ಕಾಲಮಿತಿಯೊಳಗೆ ತಲುಪುವಲ್ಲಿ ಚಾಂದ್​ ವಿಫಲರಾದರು. ಒಲಿಂಪಿಕ್ಸ್​ ಅರ್ಹತೆಗೆ 11.15 ಸೆಕೆಂಡ್​ನಲ್ಲಿ ಗುರಿ ತಲುಪಬೇಕಿತ್ತು. ದ್ಯುತಿ 11.49 ಸೆಕೆಂಡ್​ಗಳಲ್ಲಿ ಗುರಿ ತಲುಪಿದ್ದರು.

ದ್ಯುತಿ ಕೆಐಐಟಿ(KIIT- Kalinga Institute of Industrial Technology) ವಿಶ್ವ ವಿದ್ಯಾಲಯವನ್ನು ಪ್ರತಿನಿಧಿಸಿದ್ದರು.