ಜಾವೆಲಿನ್​ ಥ್ರೋದಲ್ಲಿ ಅನು ಹೊಸ ದಾಖಲೆ: ಆದ್ರೂ ಸಿಗಲಿಲ್ಲ ಒಲಿಂಪಿಕ್ಸ್​ಗೆ ಅರ್ಹತೆ!

ಜಾವೆಲಿನ್​ ಥ್ರೋದಲ್ಲಿ ಅನು ರಾಣಿ ಹೊಸ ದಾಖಲೆ ನಿರ್ಮಾಣ ಮಾಡಿದ್ರೂ ಕೂಡ ಒಲಿಂಪಿಕ್ಸ್​ಗಾಗಿ ಅರ್ಹತೆ ಪಡೆದುಕೊಳ್ಳುವಲ್ಲಿ ವಿಫಲರಾಗಿದ್ದಾರೆ.

ಪಟಿಯಾಲ:ಜಾವೆಲಿನ್​ ಥ್ರೋ ಮೂಲಕ ಹೊಸ ದಾಖಲೆ ನಿರ್ಮಾಣ ಮಾಡಿರುವ ಅನು ರಾಣಿ ಒಲಿಂಪಿಕ್ಸ್​ಗೆ ಅರ್ಹತೆ ಪಡೆದುಕೊಳ್ಳುವಲ್ಲಿ ವಿಫಲರಾಗಿದ್ದಾರೆ. 27 ವರ್ಷದ ವಿಶ್ವದ 12ನೇ ಶ್ರೇಯಾಂಕಿತೆ ಅನು ರಾಣಿ 63 ಮೀಟರ್​ ದೂರ ಎಸೆದು ರಾಷ್ಟ್ರೀಯ ದಾಖಲೆ ನಿರ್ಮಿಸಿದ್ದಾರೆ.

24ನೇ ಫೆಡರೇಶನ್​ ಕಪ್​ ಸೀನಿಯರ್​ ಅಥ್ಲೆಟಿಕ್ಸ್​ ಚಾಂಪಿಯನ್​ಶಿಪ್​ನಲ್ಲಿ 63.24 ಮೀಟರ್​ ಉದ್ದ ಜಾವೆಲಿನ್​ ಎಸೆದು ಹೊಸ ದಾಖಲೆ ನಿರ್ಮಿಸಿದ್ದಾರೆ. ಆದರೆ ಒಲಿಂಪಿಕ್ಸ್ ಅರ್ಹತೆಗಾಗಿ 64 ಮೀಟರ್ ಉದ್ದ​ ಜಾವೆಲಿನ್​ ಎಸೆಯಬೇಕಾಗಿರುವ ಕಾರಣ ಇವರು ಅರ್ಹತೆ ಕಳೆದುಕೊಂಡಿದ್ದಾರೆ.

ಇದನ್ನೂ ಓದಿ: 90 ಮೀ. ದೂರ ಜಾವೆಲಿನ್​ ಎಸೆಯುವ ಗುರಿ ಹೊಂದಿದ್ದೇನೆ: ನೀರಜ್ ಚೋಪ್ರಾ

2014ರ ಏಷ್ಯನ್ ಗೇಮ್ಸ್​ನಲ್ಲಿ ಅನು ಕಂಚು, 2019ರ ಏಷನ್​ ಚಾಂಪಿಯನ್​ಶಿಪ್​ನಲ್ಲಿ ಬೆಳ್ಳಿ ಪದಕಕ್ಕೆ ಮುತ್ತಿಕ್ಕಿದ್ದರು. ಆದರೆ ಟೊಕಿಯೋ ಒಲಿಂಪಿಕ್ಸ್​ಗಾಗಿ ಅರ್ಹತೆ ಪಡೆದುಕೊಳ್ಳಬೇಕಾದರೆ 64 ಮೀಟರ್​​ ಎಸೆಯಬೇಕಾಗಿರುವ ಕಾರಣ ಇವರು ಅರ್ಹತೆ ಕಳೆದುಕೊಂಡಿದ್ದಾರೆ.