ನವದೆಹಲಿ: ಕಾಲ್ಚೆಂಡಿನ ಆಟದಲ್ಲಿ ಸೂಪರ್ ಸ್ಟಾರ್ ಆಗಿರುವ ಲಿಯೋನೆಲ್ ಮೆಸ್ಸಿ ನಿನ್ನೆ ನಡೆದ ಪಂದ್ಯದಲ್ಲಿ ತಮ್ಮ ಕಾಲ್ಚೆಳಕವನ್ನು ತೋರಿದ್ದಾರೆ. ಇಂಟರ್ ಮಿಯಾಮಿಗಾಗಿ ಅಡುತ್ತಿರುವ ಅವರು ಎಫ್ಸಿ ಡಲ್ಲಾಸ್ ವಿರುದ್ಧದ ಪಂದ್ಯದಲ್ಲಿ ನೀಡಿದ ಅದ್ಭುತ ಪ್ರದರ್ಶನ ಫುಟ್ಬಾಲ್ ಪ್ರಿಯರಿಗೆ ಅಷ್ಟೇ ಅಲ್ಲದೇ ಆಟವನ್ನು ನೋಡಿದ ಇತರರಿಗೂ ಒಮ್ಮೆಗೆ ರೋಮಾಂಚನವನ್ನು ಉಂಟುಮಾಡಿದೆ.
ಲೀಗ್ ಕಪ್ನಲ್ಲಿ ಇಂಟರ್ ಮಿಯಾಮಿ ಪರ ಆಡುತ್ತಿರುವ ಮೆಸ್ಸಿ ಪೆನಾಲ್ಟಿ ಕಿಕ್‌ನಲ್ಲಿ ಎಫ್ಸಿ ಡಲ್ಲಾಸ್ ವಿರುದ್ಧ ನಾಲ್ಕನೇ ಗೋಲು ಗಳಿಸಿದ್ದು ಈಗ ವೈರಲ್ ಆಗುತ್ತಿದೆ. ಮೆಸ್ಸಿ ಗೋಲ್ ಗಳಿಸಿದ್ದರಿಂದಾಗ 4-4 ಸಮಬಲವನ್ನು ಇಂಟರ್ ಮಿಯಾಮಿ ಸಾಧಿಸಿತು. ಇದರಿಂದ ಅಂತಿಮವಾಗಿ ಪಂದ್ಯದಲ್ಲಿ 5-4ರಿಂದ ಗೆಲುವು ಸಹ ದಾಖಲಿಸಿತು.
85ನೇ ನಿಮಿಷದಲ್ಲಿ ಸಿಕ್ಕ ಫ್ರೀ ಕಿಕ್ ಮೆಸ್ಸಿ ಕರಾರುವಕ್ಕಾಗಿ ಬಳಸಿಕೊಂಡಿದ್ದಾರೆ. ಎಫ್ಸಿ ಡಲ್ಲಾಸ್ನ ಗೋಲ್ ಕೀಪರನ್ನು ವಂಚಿಸಿ ಗಳಿಸಿದ ಗೋಲ್ ನೆರೆದಿದ್ದ ಅಭಿಮಾನಿಗಳ ಹರ್ಷೋದ್ಘಾರಕ್ಕೆ ಕಾರಣವಾಯಿತು. ನೆಟ್ನ ಕಾರ್ನರ್ಗೆ ಗುರಿಯಾಗಿಸಿ ಮೆಸ್ಸಿ ಒದ್ದಿದ್ದ ಚೆಂಡು ನೇರವಾಗಿ ನೆಟ್ನ್ನು ಸೇರಿತ್ತು. ಗೋಲ್ ಕೀಪರ್ಗೆ ಅದನ್ನು ತಡೆಯಲೂ ಸಾಧ್ಯವಾಗಲಿಲ್ಲ. ಮೊದಲಾರ್ಧದಲ್ಲಿ ಹಿನ್ನಡೆ ಅನುಭವಿಸಿದ್ದ ಮಿಯಾಮಿ ನಂತರ ಕಮ್ಬ್ಯಾಕ್ ಮಾಡಿ ಗೆಲುವು ದಾಖಲಿಸಿತು.