ನವದೆಹಲಿ: ಟೋಕಿಯೊ ಒಲಿಂಪಿಕ್ಸ್‌ನಲ್ಲಿ ಉತ್ತಮ ಪ್ರದರ್ಶನ ನೀಡಿದ್ದ ಭಾರತದ ಅಗ್ರ ಡಿಸ್ಕಸ್ ಥ್ರೋವರ್ ಕಮಲ್ ಪ್ರೀತ್ಕೌರ್ ಅವರು ನಿಷೇಧಿತ ವಸ್ತು ಸ್ಟಾನೊಜೋಲೋಲ್ ಬಳಸಿದ ಕಾರಣಕ್ಕಾಗಿ ಮೂರು ವರ್ಷಗಳ ನಿಷೇಧಕ್ಕೆ ಒಳಗಾಗಿದ್ದಾರೆ. ಈ ಬಗ್ಗೆ ಅಥ್ಲೆಟಿಕ್ಸ್ ಇಂಟೆಗ್ರಿಟಿ ಯೂನಿಟ್ (ಎಐಯು) ಇದನ್ನು ಪ್ರಕಟಿಸಿದೆ. ಕಮಲ್ ಪ್ರೀತ್ ಮೇಲೆ ಹೇರಲಾಗಿರುವ ನಿಷೇಧವು ಮಾರ್ಚ್ 29, 2022 ರಿಂದ ಜಾರಿಗೆ ಬರಲಿದೆ.
ಮಾರ್ಚ್ 7 ರಂದು ಪಟಿಯಾಲಾದಲ್ಲಿ ಕಮಲ್ ಪ್ರೀತ್ ಅವರ ಮಾದರಿಯನ್ನು ಪರೀಕ್ಷೆಗೆ ತೆಗೆದುಕೊಂಡಿತ್ತು. ಎಐಯು(AIU) ಅವರಿಗೆ ಸ್ಟೀರಾಯ್ಡ್‌ ಬಳಕೆಯ ಪರೀಕ್ಷೆ ಮಾಡಿದ ನಂತರ ಮೇ ತಿಂಗಳಲ್ಲಿ ಅವರನ್ನು ತಾತ್ಕಾಲಿಕವಾಗಿ ಅಮಾನತುಗೊಳಿಸಗಿತ್ತು. 'ನಿಷೇಧಿತ ವಸ್ತುವಿನ (Stanozolol) ಉಪಸ್ಥಿತಿ/ಬಳಕೆಗಾಗಿ ಮಾಡಿದ ಕಾರಣ 2022 ರ ಮಾರ್ಚ್ 29 ರಿಂದ ಮೂರು ವರ್ಷಗಳ ಕಾಲ ಕಮಲ್ ಪ್ರೀತ್ಕೌರ್ ಅವರನ್ನು ಎಐಯು ನಿಷೇಧಿಸಿದೆ'.