ಸರಜೆವೊ:ಭಾರತದ ಜೂಡೋ ಪಟು ಲಿಂಥೋಯ್ ಚನಂಬಮ್ ಅವರು ಸರಜೆವೊದಲ್ಲಿ ನಡೆಯುತ್ತಿರುವ ವಿಶ್ವ ಚಾಂಪಿಯನ್ಶಿಪ್ನಲ್ಲಿ ಇತಿಹಾಸ ನಿರ್ಮಿಸಿದರು. ಜುಡೋದಲ್ಲಿ ಚಿನ್ನ ಬಾಚಿಕೊಳ್ಳುವ ಮೂಲಕ ಪದಕ ಪಡೆದ ಮೊದಲ ಭಾರತೀಯೆ ಎಂಬ ಹೆಗ್ಗಳಿಕೆ ಪಡೆದರು. ವಿಶೇಷ ಅಂದರೆ ಕೆಡೆಟ್, ಸೀನಿಯರ್, ಜೂನಿಯರ್ ಯಾವುದೇ ವಿಭಾಗದಲ್ಲಿ ಜುಡೋದಲ್ಲಿ ಭಾರತಕ್ಕೆ ಬಂದ ಮೊದಲ ಪದಕ ಇದಾಗಿದೆ.
ಕೆಡೆಟ್ ವಿಶ್ವ ಚಾಂಪಿಯನ್‌ಶಿಪ್‌ನ ಮಹಿಳೆಯರ 57 ಕೆಜಿ ವಿಭಾಗದಲ್ಲಿ ಬ್ರೆಜಿಲ್‌ನ ಬಿಯಾಂಕಾ ರೀಸ್ ಅವರನ್ನು ಸದೆಬಡಿಯುವ ಮೂಲಕ ಲಿಂಥೋಯ್ ಚನಂಬಮ್ ಭಾರತಕ್ಕೆ ಮೊದಲ ಚಿನ್ನ ತಂದುಕೊಟ್ಟರು.
ಜುಡೋ ಫೈನಲ್ ಪಂದ್ಯದಲ್ಲಿ ಬ್ರೆಜಿಲಿಯನ್ ಎದುರಾಳಿ ವಿರುದ್ಧ 1-0 ಅಂತರದಿಂದ ಜಯಿಸಿದರು. ಇದು ಭಾರತದ ಜುಡೋ ಇತಿಹಾಸದಲ್ಲಿಯೇ ಯಾವುದೇ ವಯೋಮಾನದಲ್ಲಿ ಬಂದ ಮೊದಲ ಚಿನ್ನದ ಪದಕವಾಗಿದೆ. ಈ ಮೂಲಕ ಏಷ್ಯನ್ ಚಾಂಪಿಯನ್ ಆಗಿರುವ ಲಿಂಥೋಯ್ ಐತಿಹಾಸಿಕ ಸಾಧನೆ ಮಾಡಿದರು.