ನವದೆಹಲಿ: ಉಕ್ರೇನ್ನ ರಾಜಧಾನಿ ಕೀವ್ನಲ್ಲಿ ಸಿಲುಕಿದ್ದ ಭಾರತದ ಮಾಜಿ ರಾಷ್ಟ್ರೀಯ ರ‍್ಯಾಪಿಡ್ ಚೆಸ್ ಚಾಂಪಿಯನ್ ಅನ್ವೇಶ್ ಉಪಾಧ್ಯಾಯ ಅವರು ಕೀವ್ ರಾಜಧಾನಿಯಿಂದ ಪೋಲೆಂಡ್ ಗಡಿ ಮೂಲಕ ಲುವೀವ್ ನಗರ ತಲುಪುವಲ್ಲಿ ಯಶಸ್ವಿಯಾಗಿದ್ದಾರೆ.
ಅನ್ವೇಶ್ ತಮ್ಮ ಇತರೆ ಪ್ರತಿಸ್ಪರ್ಧಿಗಳಂತೆ ರಷ್ಯಾ ಆಕ್ರಮಣದ ವೇಳೆ ಉಕ್ರೇನ್ನಲ್ಲಿ ಸಿಲುಕಿದ್ದರು. ಅವರು ಸುದೀರ್ಘ 10 ಗಂಟೆಗಳ ರೈಲು ಪ್ರಯಾಣ ಮಾಡಿ ಕೀವ್ ರಾಜಧಾನಿಯನ್ನು ಬಿಟ್ಟು ಪೋಲೆಂಡ್ ಗಡಿಗೆ ಹೊಂದಿಕೊಂಡಿರುವ ಪಶ್ಚಿಮ ಉಕ್ರೇನ್ನ ಲುವೀವ್ ನಗರ ಸೇರಿದ್ದಾರೆ.
30 ವರ್ಷ ವಯಸ್ಸಿನ ಅನ್ವೇಶ್ ಪಿಟಿಐ ಜೊತೆಗೆ ಮಾತನಾಡಿದ್ದು, ಒಂದು ದಿನ ಲುವೀವ್ನಲ್ಲಿ ವಿಶ್ರಾಂತಿ ಪಡೆದು ನಂತರ ಭಾರತದತ್ತ ಪ್ರಯಾಣ ಬೆಳೆಸುವುದಾಗಿ ಹೇಳಿದ್ದಾರೆ.
"ನಾನು ನನ್ನ ಪೋಷಕರ ಜೊತೆಗೆ ನಿರಂತರ ಕೊನೆಗೂ ಸಂಪರ್ಕದಲ್ಲಿದ್ದೇನೆ. ಇದರಿಂದ ಅವರಿಗೆ ಧೈರ್ಯದಿಂದಿರಲು ಸಾಧ್ಯವಾಗುತ್ತದೆ. ಭಾರತೀಯ ರಾಯಭಾರ ಕಚೇರಿ ನೀಡುವ ಪ್ರತಿಯೊಂದು ಸಲಹೆಯನ್ನು ನಾನು ಅನುಸರಿಸುತ್ತಿದ್ದೇನೆ" ಎಂದು ಅನ್ವೇಶ್ ಹೇಳಿದ್ದಾರೆ.
ಅನ್ವೇಶ್ 2012ರಲ್ಲಿ ವೈದ್ಯಕೀಯ ಶಿಕ್ಷಣ ಪಡೆಯುವುದಕ್ಕಾಗಿ ಉಕ್ರೇನ್ಗೆ ತೆರಳಿದ್ದರು. ಅವರು ಕೈವ್ ಆಸ್ಪತ್ರೆಯಲ್ಲಿ ಗ್ಯಾಸ್ಟ್ರೋಎಂಟರಾಲಜಿಯಲ್ಲಿ ಅಪ್ರೆಂಟಿಸ್‌ಶಿಪ್ ಮಾಡುತ್ತಿದ್ದರು. ಮಾರ್ಚ್ನಲ್ಲಿ ಭಾರತಕ್ಕೆ ಬರುವ ಯೋಜನೆಯಲ್ಲಿದ್ದರು. ಆದರೆ ರಷ್ಯಾ ಫೆಬ್ರವರಿ 24ರಂದು ಉಕ್ರೇನ್ ಮೇಲೆ ಸೈನಿಕ ಕಾರ್ಯಾಚರಣೆ ಆರಂಭಿಸಿದ್ದರಿಂದ ವಿದೇಶಿ ನಾಗರೀಕರ ಅನಿಶ್ಚಿತತೆಯ ಪರಿಣಾಮವಾಗಿ ವಿಮಾನಯಾನವನ್ನು ಸ್ಥಗಿತಗೊಳಿಸಲಾಗಿತ್ತು. ಅನ್ವೇಶ್ ಈ ಹಿಂದೆಯೇ ಉಕ್ರೇನ್ ತೊರೆಯಲು ಪ್ರಯತ್ನಿಸಿದ್ದರಾದರೂ, ವಿಮಾನ ಟಿಕೆಟ್ ಸಿಕ್ಕಿರಲಿಲ್ಲ ಎಂದು ಅವರು ತಿಳಿಸಿದ್ದಾರೆ.
ಇದನ್ನೂ ಓದಿ:ಭಾರತೀಯ ಧ್ವಜ ಹಿಡಿದು ಉಕ್ರೇನ್ನಿಂದ ಸುರಕ್ಷಿತವಾಗಿ ಹೊರಬಂದ ಪಾಕ್‌, ಟರ್ಕಿ ವಿದ್ಯಾರ್ಥಿಗಳು!
