ಬರ್ಮಿಂಗ್‌ಹ್ಯಾಮ್‌: ಮನಿಕಾ ಬಾತ್ರಾ ನೇತೃತ್ವದ ಭಾರತ ಮಹಿಳಾ ಟೇಬಲ್ ಟೆನಿಸ್ ತಂಡ ಇಂದು ನಡೆದ ತನ್ನ ಆರಂಭಿಕ ಗ್ರೂಪ್‌ 2 ಟೈನಲ್ಲಿ ದಕ್ಷಿಣ ಆಫ್ರಿಕಾವನ್ನು 3-0 ಗೋಲುಗಳಿಂದ ಸೋಲಿಸಿ, ಕಾಮನ್ವೆಲ್ತ್ ಗೇಮ್ಸ್ನ ಪದಕಕ್ಕೆ ಮುತ್ತಿಕ್ಕಲು ಮುನ್ನುಗ್ಗುತ್ತಿದೆ.
ಮೊದಲು ಅಂಕಣದಲ್ಲಿ ಮಹಿಳೆಯರ ಡಬಲ್ಸ್ ಜೋಡಿ ಶ್ರೀಜಾ ಅಕುಲಾ ಮತ್ತು ರೀತ್ ಟೆನ್ನಿಸನ್ ಅವರು ದಕ್ಷಿಣ ಆಫ್ರಿಕಾದ ಲೈಲಾ ಎಡ್ವರ್ಡ್ಸ್ ಮತ್ತು ದನಿಶಾ ಪಟೇಲ್ ಜೋಡಿಯನ್ನು 11-7 11-7 11-5 ರಿಂದ ಸೋಲಿಸಿ ಭಾರತಕ್ಕೆ ಮುನ್ನಡೆ ತಂದುಕೊಟ್ಟರು.
ಕಳೆದ ಆವೃತ್ತಿಯಲ್ಲಿ ಮಹಿಳೆಯರ ಸಿಂಗಲ್ಸ್‌ನಲ್ಲಿ ಚಿನ್ನ ಗೆದ್ದ ಮೊದಲ ಭಾರತೀಯ ಟೇಬಲ್ ಟೆನಿಸ್ ಆಟಗಾರ್ತಿ ಎಂಬ ಹೆಗ್ಗಳಿಕೆಗೆ ಪಾತ್ರರಾದ ಕಾಮನ್ವೆಲ್ತ್ ಗೇಮ್ಸ್ ಚಾಂಪಿಯನ್ ಬಾತ್ರಾ, ಸಿಂಗಲ್ಸ್ ಪಂದ್ಯದಲ್ಲಿ ಮುಸ್ಫಿಕ್ ಕಲಾಮ್ ಅವರನ್ನು 11-5 11-3 11-2ರಿಂದ ಸೋಲಿಸಿದರು. ನಂತರ ಅಕುಲಾ ಅವರು ಎರಡನೇ ಸಿಂಗಲ್ಸ್‌ನಲ್ಲಿ ಪಟೇಲ್ ವಿರುದ್ಧ 11-5 11-3 11-6 ಮೇಲುಗೈ ಸಾಧಿಸಿ ಭಾರತಕ್ಕೆ ಶಕ್ತಿ ಹೆಚ್ಚಿಸಿದರು.
ಮನಿಕಾ ಅವರು ಎರಡನೇ ಸುತ್ತಿನ ಪಂದ್ಯವನ್ನು ಫಿಜಿ ವಿರುದ್ಧ ಆಡಲಿದ್ದಾರೆ. ಪಂದ್ಯ ರಾತ್ರಿ 8:30 IST ಕ್ಕೆ ಆರಂಭವಾಗಲಿದೆ.
ಇದನ್ನೂ ಓದಿ :WI vs IND T20I: ರಾಹುಲ್ ಔಟ್; ಅವಕಾಶ ಗಿಟ್ಟಿಸಿಕೊಂಡ ಸಂಜು ಸ್ಯಾಮ್ಸನ್
