ರೂರ್ಕೆಲಾ(ಒಡಿಶಾ): ಹಾಕಿ ವಿಶ್ವಕಪ್ನ ಎರಡನೇ ದಿನವಾದ ಇಂದು ಸಿ ಮತ್ತು ಬಿ ಪೋಲ್ನ ನಾಲ್ಕು ಪಂದ್ಯಗಳು ನಡೆದವು. ಸಿ ಪೋಲ್ನ ಎರಡು ಪಂದ್ಯಗಳು ರೂರ್ಕೆಲಾ ಬಿರ್ಸಾ ಮುಂಡಾ ಕ್ರೀಡಾಂಗಣದಲ್ಲಿ ನಡೆಯಿತು. ಸಿ ಗುಂಪಿನ ನ್ಯೂಜಿಲ್ಯಾಂಡ್ ಮತ್ತು ಚಿಲಿ ನಡುವೆ ಹಾಗೂ ನೆದರ್‌ಲ್ಯಾಂಡ್ ಮತ್ತು ಮಲೇಷ್ಯಾ ನಡುವೆ ನಡೆಯಿತು. ಇದರಲ್ಲಿ ನ್ಯೂಜಿಲ್ಯಾಂಡ್ 3 ಗೋಲ್ ಗಳಿಸಿ ಗೆದ್ದರೆ, ನೆದರ್‌ಲ್ಯಾಂಡ್ 4 ಗೋಲ್ ಗಳಿಸಿ ವಿಜಯ ಸಾಧಿಸಿತು.
ಬಿ ಗುಂಪಿನ ಪಂದ್ಯಗಳು ಭುವನೇಶ್ವರದಲ್ಲಿ ನಡೆಯಿತು. ಬಿ ಗುಂಪಿನ ಬೆಲ್ಜಿಯಂ ಮತ್ತು ಕೊರಿಯಾ ನಡುವೆ ಹಾಗೇ ಜಪಾನ್ ಮತ್ತು ಜರ್ಮನಿ ನಡುವೆ ಪಂದ್ಯಗಳು ನಡೆದವು. ಇದರಲ್ಲಿ ಬೆಲ್ಜಿಯಂ ಪ್ರತಿರೋಧ ಇಲ್ಲದೇ 5-0 ಗೋಲ್ನಿಂದ ಗೆಲುವು ದಾಖಲಿಸಿದರೆ, ಇತ್ತ ಜರ್ಮನಿಯೂ ಸಹ ಜಪಾನ್ನ್ನು ನೀರಸವಾಗಿ ಸೋಲಿಸಿತು. ಜಪಾನ್ ನೀಡಿದ ಪೆನಾಲ್ಟಿ ಅವಕಾಶವನ್ನು ಜರ್ಮನಿ ಬಳಸಿಕೊಂಡು ಗೆಲುವು ಸಾಧಿಸಿತು.
ಭುವನೇಶ್ವರದ ಸ್ಟೇಡಿಯಂನಲ್ಲಿ ವಿಶ್ವಕಪ್ನ ಎಂಟನೇ ಪಂದ್ಯದಲ್ಲಿ ಜರ್ಮನಿ ಮತ್ತು ಜಪಾನ್ ಎದುರಾದವು. ಜಪಾನ್ ನೀಡಿದ 5 ಪೆನಾಲ್ಟಿಯಲ್ಲಿ ಮೂರನ್ನು ಗೋಲ್ ಮಾಡಿತು. ಗ್ರಾಮ್ಬಷ್ ಮ್ಯಾಟ್ಸ್, ರೂಹ್ರ್ ಕ್ರಿಸ್ಟೋಫರ್ ಮತ್ತು ಪ್ರಿಂಜ್ ಥೀಸ್ ತಲಾ ಒಂದೊಂದು ಗೋಲ್ ಗಳಿಸಿದರು. ಆದರೆ, ಜಪಾನ್ಗೆ ಜರ್ಮನಿ ಯಾವುದೇ ಪೆನಾಲ್ಟಿ ಅವಕಾಶ ನೀಡಲಿಲ್ಲ.
ಭುವನೇಶ್ವರದ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಬೆಲ್ಜಿಯಂ 5-0 ಗೋಲುಗಳಿಂದ ಕೊರಿಯಾವನ್ನು ಸೋಲಿಸಿತು. ಕೊರಿಯಾ 6 ಬಾರಿ ಪೆನಾಲ್ಟಿ ಗೋಲು ಗಳಿಸಲು ಅವಕಾಶವನ್ನು ಹೊಂದಿತ್ತು, ಆದರೆ ಅದರ ಆಟಗಾರರು ಅದನ್ನು ಸದ್ಭಳಕೆ ಮಾಡಿಕೊಳ್ಳಲಿಲ್ಲ. ಭುವನೇಶ್ವರದ ಕಿಂಗ್ಸ್ ಸ್ಟೇಡಿಯಂನಲ್ಲಿ ನಡೆದ ಈ ಪಂದ್ಯದಲ್ಲಿ ಕೊರಿಯಾ ವಿರುದ್ಧ ಬೆಲ್ಜಿಯಂ ಏಕಪಕ್ಷೀಯ ಗೆಲುವು ಸಾಧಿಸಿದೆ.