ನವದೆಹಲಿ:ಭಾರತದ ಮಾಜಿ ಬ್ಯಾಟ್ಸ್‌ಮನ್‌ ಮತ್ತು ಭಾರತೀಯ ಜನತಾ ಪಾರ್ಟಿ (ಬಿಜೆಪಿ) ಸಂಸದ ಗೌತಮ್ ಗಂಭೀರ್ (Gautam Gambir) ನವೆಂಬರ್ 18 ರಂದು ರಾಜಧಾನಿಯಲ್ಲಿ ಮೊದಲ ಪೂರ್ವ ದೆಹಲಿ ಪ್ರೀಮಿಯರ್ ಲೀಗ್ ಅನ್ನು (East Delhi Premier League) ಉದ್ಘಾಟಿಸಿದರು.
ನವದೆಹಲಿಯ ಯಮುನಾ ಕ್ರೀಡಾ ಸಂಕೀರ್ಣದಲ್ಲಿ (Yamuna sports complex) ನಡೆಸಲಾಗುತ್ತಿರುವ ಈ ಪಂದ್ಯಾವಳಿಯಲ್ಲಿ ಸುಮಾರು 14ಕ್ಕೂ ಹೆಚ್ಚು ತಂಡಗಳು ಭಾಗವಹಿಸಿವೆ. ಹೊಸದಾಗಿ ತಯಾರಿಸಿದ ಯಮುನಾ ಕ್ರೀಡಾ ಸಂಕೀರ್ಣದಲ್ಲಿ ನಡೆಯಲಿರುವ ಇಡಿಪಿಎಲ್ (EDPL) ಮೂಲಕ ನಾವು ಹೊಸ ಪ್ರತಿಭೆ ಹುಡುಕುತ್ತಿದ್ದೇವೆ. ಉತ್ತಮ ಆಟಗಾರರಿಗೆ ಇಲ್ಲಿ ಅವಕಾಶ ಕಲ್ಪಿಸಲಾಗಿದೆ ಎಂದು ಗೌತಮ್ ಗಂಭೀರ್ ಹೇಳಿದ್ದಾರೆ.
ಈ ಪಂದ್ಯಾವಳಿಯಲ್ಲಿ ವಿಜೇತರಿಗೆ 30 ಲಕ್ಷ ರೂಪಾಯಿ ಮತ್ತು ರನ್ನರ್ಸ್‌ ಅಪ್‌ಗೆ 20 ಲಕ್ಷ ರೂಪಾಯಿ ಬಹುಮಾನ ನೀಡಲಾಗುವುದು ಎಂದು ಗೌತಮ್ ಗಂಭೀರ್ (Gautam Gambir) ಹೇಳಿದ್ದಾರೆ.