ಹಿರೋಶಿಮಾ: ಭಾರತೀಯ ಮಹಿಳೆಯರು ಎಫ್ಐಎಚ್ ಸೀರಿಸ್ ಹಾಕಿ ಟೂರ್ನಿಯ ಫೈನಲ್ನಲ್ಲಿ ಜಪಾನ್ ವಿರುದ್ಧ 3-1 ಗೋಲುಗಳಲ್ಲಿ ಗೆಲ್ಲುವ ಮೂಲಕ ಚಾಂಪಿಯನ್ ಆಗಿ ಹೊರಹೊಮ್ಮಿದ್ದಾರೆ.
ಚಿಲಿಗೆ ಸೋಲುಣಿಸಿ ಫೈನಲ್ ಪ್ರವೇಶಿಸಿದ್ದ ಭಾರತದ ವನಿತೆಯರು ತಂಡ ಬಲಿಷ್ಠ ಜಪಾನ್ಗೆ ಸೋಲುಣಿಸುವ ಮೂಲಕ ಚಾಂಪಿಯನ್ ಪಟ್ಟ ಪಡೆದಿದೆ.
ಭಾರತದ ಪರ ನಾಯಕಿ ರಾಣಿ ಪಂದ್ಯ ಆರಂಭವಾದ 3ನೇ ನಿಮಿಷದಲ್ಲೇ ಗೋಲುಗಳಿಸಿ ಮುನ್ನಡೆ ಒದಗಿಸಿದರು. ಆದರೆ ಎದುರಾಳಿ ತಂಡದ ಕನೋನ್ ಮೊರಿ 11 ನೇ ನಿಮಿಷದಲ್ಲಿ ಗೋಲುಗಳಿಸಿ ಸಮಬಲಕ್ಕೆ ತಂದರು.
ಆದರೆ 45 ಮತ್ತು 60 ನೇ ನಿಮಿಷದಲ್ಲಿ ಗುರ್ಜಿತ್ ಕೌರ್ ಗೋಲುಗಳಿಸಿ ಭಾರತ ತಂಡಕ್ಕೆ ಜಯ ದೊರಕಿಸಿಕೊಟ್ಟರು. ನಾಯಕಿ ರಾಣಿ ಅತ್ಯುತ್ತಮ ಆಟಗಾರ್ತಿ ಹಾಗೂ ಗುರ್ಜಿತ್ ಕೌರ್ ಹೆಚ್ಚು ಗೋಲುಗಳಿಸಿದ ಆಟಗಾರ್ತಿ ಎಂಬ ಗೌರವಕ್ಕೆ ಪಾತ್ರರಾದರು. ಇದೇ ಟೂರ್ನಿಯಲ್ಲಿ ಫೈನಲ್ ಪ್ರವೇಶಿಸಿ ಒಲಿಂಪಿಕ್ಗೂ ಸಹಾ ಅರ್ಹತೆಗಿಟ್ಟಿಸಿಕೊಂಡಿದ್ದರು.
