ದೋಹಾ(ಕತಾರ್):ಕತಾರ್ನಲ್ಲಿ ನಡೆಯುತ್ತಿರುವ ಫಿಫಾ ವಿಶ್ವಕಪ್ ಮತ್ತೊಂದು ಅಚ್ಚರಿಯ ಫಲಿತಾಂಶ ನೀಡಿದೆ. ಯುರೋಪ್ ಖಂಡದ ಬಲಿಷ್ಠ ತಂಡ ಬೆಲ್ಜಿಯಂ, ಅಂಡರ್ಡಾಗ್ ಮೊರಾಕ್ಕೊ ವಿರುದ್ಧ 2-0 ಗೋಲುಗಳಿಂದ ಪರಾಜಿತವಾಗಿದೆ.
ಇಲ್ಲಿಯ ಅಲ್ ಥುಮಾಮಾ ಕ್ರೀಡಾಂಗಣದಲ್ಲಿ ನಡೆದ ಎಫ್ ಗುಂಪಿನ ಪಂದ್ಯದಲ್ಲಿ ಮೊರಾಕ್ಕೊದ ಅಬ್ದೆಲ್‌ಹಮಿದ್ ಸಬೀರಿ ಮತ್ತು ಜಕಾರಿಯಾ ಅಬೌಖ್ಲಾಲ್ ಕೊನೆ ಕ್ಷಣದಲ್ಲಿ ಬಾರಿಸಿದ ಗೋಲುಗಳಿಂದ ಮೊರಾಕ್ಕೊ ವಿಶ್ವಕಪ್ನಲ್ಲಿ ಮೊದಲ ಜಯ ದಾಖಲಿಸಿತು.
ಕ್ರೊಯೇಷಿಯಾ ವಿರುದ್ಧದ ಮೊದಲ ಪಂದ್ಯವನ್ನು ಡ್ರಾ ಮಾಡಿಕೊಂಡಿದ್ದ ಮೊರಾಕ್ಕೊ ಬಲಿಷ್ಠ ಬೆಲ್ಜಿಯಂ ಎದುರಾದಾಗ ಸೋಲುವ ಭೀತಿಯಲ್ಲಿತ್ತು. ಪಂದ್ಯದ ಆರಂಭದಿಂದಲೂ ಉತ್ತಮ ಆಟವಾಡಿದ ಬೆಲ್ಜಿಯಂ ಆಟಗಾರರು ಚೆಂಡಿನ ಮೇಲೆ ಶೇಕಡಾ 67 ರಷ್ಟು ಹಿಡಿತ ಸಾಧಿಸಿದ್ದರು. 3 ಬಾರಿ ಗೋಲು ಬಾರಿಸಲು ನಡೆಸಿದ ಯತ್ನ ಫಲ ನೀಡಲಿಲ್ಲ.