ದೋಹಾ:ಫಿಫಾ ವಿಶ್ವಕಪ್ನ ಇಂದಿನ ಮೂರು ಪಂದ್ಯಗಳಲ್ಲಿ ಇರಾನ್ - ವೇಲ್ಸ್ ನಡುವಣ ಪಂದ್ಯ ರೋಚಕತೆಯಲ್ಲಿ ಅಂತ್ಯವಾಗಿದೆ. ಗಾಯದ ಸಮಯದಲ್ಲಿ ಗೆಲ್ಲಿಸಿದ ಗೋಲ್ನಿಂದ ಇರಾನ್ 2-0 ಯಿಂದ ವೇಲ್ಸ್ ತಂಡವನ್ನು ಸೋಲಿಸಿತು. ಈ ಗೆಲುವಿನೊಂದಿಗೆ ಇರಾನ್ ಮೂರು ಅಂಕ ಗಳಿಸಿದೆ. ಬಿ ಗುಂಪಿನಲ್ಲಿ ಇರಾನ್ ತನ್ನ ಕೊನೆಯ ಪಂದ್ಯದಲ್ಲಿ ಇಂಗ್ಲೆಂಡ್ ವಿರುದ್ಧ 6-2 ಅಂತರದಿಂದ ಸೋಲನುಭವಿಸಿತ್ತು. ವೇಲ್ಸ್ ಹಿಂದಿನ ಪಂದ್ಯದಲ್ಲಿ ಯುಎಸ್‌ಎ ವಿರುದ್ಧ 1-1 ಡ್ರಾ ಮಾಡಿಕೊಂಡಿತ್ತು.
ನಿಗದಿತ ಸಮಯದ ನಂತರ ಗಾಯದ ಸಮಯದಲ್ಲಿ ರುಬೇಜ್ ಚೆಶ್ಮಿ ಮತ್ತು ರಝಿಯಾನ್ ಒಂದೊಂದು ಗೋಲ್ ಗಳಿಸಿದರು. ಇರಾನ್ ಪರ ರುಬೇಜ್ ಚೆಶ್ಮಿ ಮೊದಲ ಗೋಲು ದಾಖಲಿಸಿದರು. ಅವರು ಇಂಜುರಿ ಟೈಮ್‌ನಲ್ಲಿ (90+8ನೇ) ಗೋಲು ಗಳಿಸುವ ಮೂಲಕ ವೇಲ್ಸ್‌ಗೆ ಮುಳುವಾದರು. ಈ ಗೋಲು ಈ ಬಾರಿಯ ವಿಶ್ವಕಪ್‌ನಲ್ಲಿ ಪೆನಾಲ್ಟಿ ಪ್ರದೇಶದ ಹೊರಗೆ ಗಳಿಸಿದ ಮೊದಲ ಗೋಲು ಎಂಬುದು ವಿಶೇಷವಾಗಿದೆ. ರಮಿನ್ ರಜಿಯಾನ್ ಎರಡನೇ ಗೋಲ್ ಇರಾನ್ಗೆ ಗಳಿಸಿದರು. ಇಂಜುರಿ ಟೈಮ್‌ 90+11 ಆಗಿದ್ದಾಗ ಎರಡನೇ ಗೋಲು ಬಂತು.
ವೇಲ್ಸ್ ಗೋಲ್‌ಕೀಪರ್ ಈ ವಿಶ್ವಕಪ್ನ ಮೊದಲ ರೆಡ್ ಕಾರ್ಡ್:86ನೇ ನಿಮಿಷದಲ್ಲಿ ವೇಲ್ಸ್ ಗೋಲ್‌ಕೀಪರ್ ವೇಯ್ನ್ ಹೆನ್ನೆಸ್ಸಿಗೆ ರೆಡ್ ಕಾರ್ಡ್ ನೀಡಲಾಯಿತು. ಇರಾನ್ ಸ್ಟ್ರೈಕರ್ ತರೆಮಿಯನ್ನು ಬಾಕ್ಸ್‌ನ ಹೊರಗೆ ನಿಲ್ಲಿಸಲು ಅವರು ತಮ್ಮ ಕಾಲನ್ನು ಅಪಾಯಕಾರಿಯಾಗಿ ಹಲ್ಲೆ ಮಾಡಿದರು. ಹೆನ್ನೆಸ್ಸಿ ಬದಲಿಗೆ ಗೋಲ್‌ಕೀಪರ್ ಡೆನ್ನಿ ವಾರ್ಡ್ ಮೈದಾನಕ್ಕಿಳಿದರು.
ಅರ್ಧ ಪಂದ್ಯದ ವರೆಗೆ ವೇಲ್ಸ್ ಪ್ರಾಬಲ್ಯ:ಪಂದ್ಯದ ಅರ್ಧ ಸಮಯದವರೆಗೆ ಇರಾನ್ ಮತ್ತು ವೇಲ್ಸ್ ತಂಡಗಳು ಯಾವುದೇ ಗೋಲು ಗಳಿಸಲು ಸಾಧ್ಯವಾಗಿರಲಿಲ್ಲ. ಮೊದಲಾರ್ಧದಲ್ಲಿ ವೇಲ್ಸ್ 64 ಪ್ರತಿಶತ ಚೆಂಡನ್ನು ತನ್ನ ಸ್ವಾಧೀನದಲ್ಲಿ ಇಟ್ಟುಕೊಂಡಿತ್ತು ಮತ್ತು ವೇಲ್ಸ್ 4 ಬಾರಿ ಗೋಲ್ ವರೆಗೆ ತಲುಪಿ ವಿಫಲವಾಯಿತು.