ಫಿಫಾ ವಿಶ್ವಕಪ್​: ವಿಭಿನ್ನ ರೀತಿಯಲ್ಲಿ ಅಭಿಮಾನ ಮೆರೆದ ಕೇರಳದ ಕುಟುಂಬ

ಅರ್ಜೆಂಟೀನಾ ಫುಟ್ಬಾಲ್​​ ​ ತಂಡದ ಮೇಲಿನ ಅಭಿಮಾನವನ್ನು ಕೇರಳದ ಕುಟುಂಬವೊಂದು ವಿಭಿನ್ನ ರೀತಿಯಲ್ಲಿ ವ್ಯಕ್ತಪಡಿಸಿದೆ.

ಕಾಸರಗೋಡು (ಕೇರಳ):ಇಡೀ ವಿಶ್ವವೇ ಫಿಫಾ ವಿಶ್ವಕಪ್​ ಜಪ ಮಾಡುತ್ತಿದ್ದರೆ, ಇಲ್ಲೊಂದು ಕೇರಳದ ಕುಟುಂಬ ಕತಾರ್​ನಲ್ಲಿ ನಡೆಯುತ್ತಿರುವ ವಿಶ್ವಕಪ್​ ಫುಟ್ಬಾಲ್​ ​ ಮೇಲಿನ ತಮ್ಮ ಪ್ರೀತಿಯನ್ನು ವಿಭಿನ್ನ ರೀತಿಯಲ್ಲಿ ವ್ಯಕ್ತಪಡಿಸಿದ್ದಾರೆ.

ಕೇರಳದ ಸಜಿಲಾಲ್ ಕುಟುಂಬಕ್ಕೆ ಅರ್ಜೆಂಟೀನಾ ಫುಟ್ಬಾಲ್​ ​ ತಂಡದ ಮೇಲೆ ಅತೀವ ಅಭಿಮಾನ. ಫುಟ್​ಬಾಲ್​ ವಿಶ್ವಕಪ್​ನಲ್ಲಿ ಅರ್ಜೆಂಟೀನಾ ತಂಡಕ್ಕೆ ತಮ್ಮ ಬೆಂಬಲ ಸೂಚಿಸಲು ಸುಜಿಲಾಲ್​ ಅವರ ಪತ್ನಿ ಮತ್ತು ಇಬ್ಬರು ಪುತ್ರರು ನೀಲಿ ಪಟ್ಟಿಯ ಬಿಳಿ ಟಿ - ಶರ್ಟ್‌ಗಳನ್ನು ಧರಿಸಿದ್ದು ಮಾತ್ರವಲ್ಲದೇ, ಅರ್ಜೆಂಟೀನಾ ಮೇಲಿನ ಕ್ರೇಜ್​ನಿಂದ ತಮ್ಮ ಕಾರಿಗೂ ನೀಲಿ ಮತ್ತು ಬಿಳಿ ಬಣ್ಣವನ್ನು ಬಳಿದಿದ್ದಾರೆ.

ಇದಷ್ಟೇ ಅಲ್ಲದೆ ತಮ್ಮ ಮನೆಯ ಆವರಣದ ಸುತ್ತಲೂ ಅರ್ಜೆಂಟೀನಾದ ಧ್ವಜಗಳನ್ನು ಹಾರಿಸಿದ್ದಾರೆ. ಸಜಿಲಾಲ್​ ಅವರಿಗೆ ಅರ್ಜೆಂಟೀನಾ ಎಂಬುದು ಒಂದು ದೇಶದ ಹೆಸರು ಮಾತ್ರವಲ್ಲ, ಅವರ ಮಗನಿಗೂ ಅರ್ಜೆಂಟೀನಾ ಎಂದು ಹೆಸರಿಟ್ಟಿದ್ದಾರೆ. ಅರ್ಜೆಂಟೀನಾ ಫುಟ್ಬಾಲ್ ತಂಡದ ಮಹಾಭಿಮಾನಿಯಾಗಿರುವ ಸುಜಿಲಾಲ್​ ತಮ್ಮ ಮೊದಲ ಮಗನಿಗೆ ಮಾರ್ಟಿನ್ ಅರ್ಜೆಂಟೀನಾ ಪಾಲ್ ಎಂದು ಹೆಸರಿಟ್ಟಿದ್ದಾರೆ. ಫಿಫಾ ವಿಶ್ವಕಪ್​ ಆರಂಭ ಆಗುತ್ತಿದ್ದಂತೆ ತಮ್ಮ ಮನೆಗೂ ಬಿಳಿ ಹಾಗೂ ನೀಲಿ ಬಣ್ಣವನ್ನು ಬಳಿಯುವ ಮೂಲಕ ತಮ್ಮ ಅಭಿಮಾನ ಮೆರೆದಿದ್ದಾರೆ.

ಇದನ್ನೂ ಓದಿ:ಅನುಚಿತ ವರ್ತನೆ: ಕ್ರಿಸ್ಟಿಯಾನೊ ರೊನಾಲ್ಡೊಗೆ 50 ಲಕ್ಷ ದಂಡ, 2 ಪಂದ್ಯ ನಿಷೇಧ