ಒಲಿಂಪಿಕ್​​​ಗೆ ಕೊನೆಯ ಸ್ಪರ್ಧೆ: ಕ್ವಾರ್ಟರ್​ ಫೈನಲ್ ಪ್ರವೇಶಿಸಿದ ಕಡಿಯನ್, ಸುಮಿತ್

74 ಕೆಜಿ ವಿಭಾಗದಲ್ಲಿ ಅಮಿತ್ ಧನ್ಕರ್ 6-9 ರ ಅಂತರದಲ್ಲಿ ಮೊಲ್ಡೊವಾದ ಮಿಹೈಲ್ ಸಾವಾ ವಿರುದ್ಧ ಸೋಲು ಕಂಡರು. ಈ ಮೂಲಕ ಟೋಕಿಯೋ ಒಲಿಂಪಿಕ್ಸ್​ನಲ್ಲಿ ಈ ವಿಭಾಗದಿಂದ ಭಾರತದ ಯಾವೊಬ್ಬ ಕ್ರೀಡಾಪಟು ಕೂಡಾ ಸ್ಪರ್ಧಿಸುವ ಅವಕಾಶವನ್ನು ಕಳೆದುಕೊಂಡಂತಾಗಿದೆ.

ಸೋಫಿಯಾ(ಬಲ್ಗೇರಿಯಾ): ಭಾರತದ ಸತ್ಯವರ್ತ್​ ಕಡಿಯನ್ ಮತ್ತು ಸುಮಿತ್ ಮಲಿಕ್​ ಬಲ್ಗೇರಿಯಾದ ಸೋಫಿಯಾದಲ್ಲಿ ನಡೆಯುತ್ತಿರುವ ಕುಸ್ತಿ ಚಾಂಪಿಯನ್​ಶಿಪ್​ನಲ್ಲಿ ಕ್ವಾರ್ಟರ್ ಫೈನಲ್ ಪ್ರವೇಶಿಸುವುದರೊಂದಿಗೆ ಟೋಕಿಯೋ ಒಲಿಂಪಿಕ್ಸ್ ಆಸೆ ಜೀವಂತವಾಗಿರಿಸಿ ಕೊಂಡಿದ್ದಾರೆ.

ಗುರುವಾರ ನಡೆದ 97 ಕೆಜಿ ವಿಭಾಗದಲ್ಲಿ ಸತ್ಯವರ್ತ್​ ಕಡಿಯನ್ ಪ್ರೀ ಕ್ವಾರ್ಟರ್​ ಫೈನಲ್ ಪಂದ್ಯದಲ್ಲಿ ಪೋರ್ಟೊ ರಿಕೊದ ಇವಾನ್ ಅಮಡೋರ್ ರಾಮೋಸ್ ವಿರುದ್ಧ 5-2ರಲ್ಲಿ ಮಣಿಸಿ ಕ್ವಾರ್ಟರ್​ ಫೈನಲ್ ಪ್ರವೇಶಿಸಿದರು.

125 ಕೆಜಿ ವಿಭಾಗದಲ್ಲಿ ಸುಮಿತ್ ಕಿರ್ಗಿಜಿಸ್ತಾನದ ಐಯಾಲ್ ಲಾಜರೆವ್ ವಿರುದ್ಧ 3-2ರಲ್ಲಿ ಮಣಿಸಿ 8ರ ಘಟ್ಟಕ್ಕೆ ಎಂಟ್ರಿ ಪಡೆದಿದ್ದಾರೆ.

ಆದರೆ 74 ಕೆಜಿ ವಿಭಾಗದಲ್ಲಿ ಅಮಿತ್ ಧನ್ಕರ್ 6-9 ರ ಅಂತರದಲ್ಲಿ ಮೊಲ್ಡೊವಾದ ಮಿಹೈಲ್ ಸಾವಾ ವಿರುದ್ಧ ಸೋಲು ಕಂಡರು. ಈ ಮೂಲಕ ಟೋಕಿಯೋ ಒಲಿಂಪಿಕ್ಸ್​ನಲ್ಲಿ ಈ ವಿಭಾಗದಿಂದ ಭಾರತದ ಯಾವೊಬ್ಬ ಕ್ರೀಡಾಪಟು ಕೂಡ ಸ್ಪರ್ಧಿಸುವ ಅವಕಾಶವನ್ನು ಕಳೆದು ಕೊಂಡಂತಾಗಿದೆ.