ಆಡೆನ್ಸ್‌(ಡೆನ್ಮಾರ್ಕ್): ಭಾರತದ ಅಗ್ರಮಾನ್ಯ ಬ್ಯಾಡ್ಮಿಂಟನ್ ಆಟಗಾರ ಡೆನ್ಮಾರ್ಕ್ ಓಪನ್ನಲ್ಲಿ ಅಚ್ಚರಿಯ ಸೋಲು ಕಂಡು ಮೊದಲ ಸುತ್ತಿನಲ್ಲೇ ಹೊರಬಿದ್ದಿದ್ದಾರೆ.
ಕಿಡಂಬಿ ಶ್ರೀಕಾಂತ್ ಡೆನ್ಮಾರ್ಕ್ನ ಆ್ಯಂಡರ್ಸ್ ಆಂಟೋನ್ಸೆನ್ ವಿರುದ್ಧ 14-21,18-21 ರಿಂದ ಸೋಲನುಭವಿಸಿದರು. 42 ನಿಮಿಷ ನಡೆದ ಪಂದ್ಯದಲ್ಲಿ ಶ್ರೀಕಾಂಕ್ ಎದುರಾಳಿ ವಿರುದ್ಧ ಸಂಪೂರ್ಣ ವೈಫಲ್ಯ ಅನುಭವಿಸಿ ಎರಡೂ ಸೆಟ್ ಕಳೆದುಕೊಂಡರು.
ಮಹಿಳೆಯರ ಪಂದ್ಯದಲ್ಲಿ ಸೈನಾ ನೆಹ್ವಾಲ್ ಮೊದಲ ಸುತ್ತಿನಲ್ಲೇ 15-21, 21-23 ರಲ್ಲಿ ಜಪಾನ್ನ ಸಯಾಕ ತಕಾಹಶಿ ವಿರುದ್ಧ ವಿರುದ್ಧ ಸೋಲನುಭವಿಸಿದರು.
ಇನ್ನು ಪುರುಷರ ಸಿಂಗಲ್ಸ್ನಲ್ಲಿ ಸಮೀರ್ ವರ್ಮಾ 21-11 21-11ರಲ್ಲಿ ಜಪಾನ್ನ ಕಂಟಾ ಸುನೆಯಮ ವಿರುದ್ಧ ಗೆಲುವು ಸಾಧಿಸಿ ಎರಡನೇ ಸುತ್ತು ಪ್ರವೇಶಿಸಿದ್ದಾರೆ.
ಒಟ್ಟಾರೆ 7 ಸಿಂಗಲ್ಸ್ ಆಟಗಾರರಲ್ಲಿ ಸಿಂಧು, ಸಾಯಿ ಪ್ರಣೀತ್ ಹಾಗೂ ಸಮೀರ್ ವರ್ಮಾ ಎರಡನೇ ಸುತ್ತು ಪ್ರವೇಶಿಸಿದರೆ, ಶ್ರೀಕಾಂತ್, ಸೈನಾ ನೆಹ್ವಾಲ್ ಸೌರಭ್ ವರ್ಮಾ ಹಾಗೂ ಕಶ್ಯಪ್ ನಿರಾಶೆಯನುಭವಿಸಿದ್ದಾರೆ.
