10000ಮೀ. ಓಟದಲ್ಲಿ ಉಗಾಂಡದ ಚೆಪ್ಟೆಗಿ, 5ಸಾವಿರ ಮೀ. ಓಟದಲ್ಲಿ ಇಥಿಯೋಪಿಯಾದ ಗಿಡೇ ವಿಶ್ವದಾಖಲೆ

ಬುಧವಾರ ಸಂಜೆ ನಡೆದ 5000 ಮೀಟರ್​ ಓಟದ ಸ್ಪರ್ಧೆಯಲ್ಲಿ ಗಿಡೇ 14:06:62 ಸಮಯದಲ್ಲಿ ಗುರಿ ತಲುಪಿದರು. ಈ ಮೂಲಕ ಇವರು 2008ರಲ್ಲಿ 14::11.15 ಸೆಕೆಂಡ್​ನಲ್ಲಿ 5 ಸಾವಿರ ಮೀಟರ್ ಓಡುವ ಮೂಲಕ ವಿಶ್ವದಾಖಲೆ ನಿರ್ಮಿಸಿದ್ದ ಇಥಿಯೋಪಿಯಾದವರೇ ಆದ ಆದ ತಿರುನೇಶ್ ಡಿಬಾಬ ಅವರಿಗಿಂತ 4 ಸೆಕೆಂಡ್​ ಬೇಗ ಓಡುವ ಮೂಲಕ ವಿಶ್ವದಾಖಲೆಗೆ ಪಾತ್ರರಾಗಿದ್ದಾರೆ.

ವೇಲೆನ್ಸಿಯಾ(ಸ್ಪೇನ್​): ಉಗಾಂಡದ ಜೋಶುವಾ ಚೆಪ್ಟೆಗಿ ಹಾಗೂ ಇಥಿಯೋಪಿಯಾದ ಮಹಿಳಾ ಓಟಗಾರ್ತಿ ಲೆಟೆಸೆನ್ಬೆಟ್ ಗಿಡೇ ವೇಲೆನ್ಸಿಯಾದಲ್ಲಿ ನಡೆದ 10,000 ಮತ್ತು 5,000 ಓಟದ ಸ್ಪರ್ಧೆಯಲ್ಲಿ ವಿಶ್ವದಾಖಲೆ ನಿರ್ಮಿಸಿದ್ದಾರೆ. ಈ ದಿನವನ್ನು ಆಯೋಜಕರು ವಿಶ್ವದಾಖಲೆಯ ದಿನ ಎಂದು ಕರೆದಿದ್ದಾರೆ.

ಬುಧವಾರ ಸಂಜೆ ನಡೆದ 5000 ಮೀಟರ್​ ಓಟದ ಸ್ಪರ್ಧೆಯಲ್ಲಿ ಗಿಡೇ ಅವರು ಕೇವಲ 14:06:62 ಸಮಯದಲ್ಲಿ ಗುರಿ ತಲುಪಿದರು. ಇವರು 2008ರಲ್ಲಿ 14::11.15 ಸೆಕೆಂಡ್​ನಲ್ಲಿ 5 ಸಾವಿರ ಮೀಟರ್ ಓಡುವ ಮೂಲಕ ವಿಶ್ವದಾಖಲೆ ತಲುಪಿದ್ದ ಇಥಿಯೋಪಿಯಾದವರೇ ಆದ ತಿರುನೇಶ್ ಡಿಬಾಬ ಅವರಿಗಿಂತ 4 ಸೆಕೆಂಡ್​ ಬೇಗ ಓಡುವ ಮೂಲಕ ವಿಶ್ವದಾಖಲೆಗೆ ಪಾತ್ರರಾಗಿದ್ದಾರೆ.

ಇನ್ನು ಪುರುಷರ 10,000 ಮೀಟರ್​ ಸ್ಪರ್ಧೆಯಲ್ಲಿ ಹಾಲಿ ಚಾಂಪಿಯನ್ ಆಗಿರುವ ಉಗಾಂಡಾದ ಚೆಪ್ಟೆಗಿ 26 ನಿಮಿಷ 11.10 ಸೆಕೆಂಡ್​ಗಳಲ್ಲಿ ಗುರಿ ತಲುಪುವ ಮೂಲಕ 2005ರಲ್ಲಿ 26 ನಿಮಿಷ 17.53 ಸೆಕೆಂಡ್​ಗಳಲ್ಲಿ 10,000 ಮೀಟರ್ ಓಡಿ ವಿಶ್ವದಾಖಲೆ ಬರೆದಿದ್ದ ಇಥಿಯೋಪಿಯಾದ ಕೆನೆನಿಸ್​ ಬೆಕೆಲೆ ಅವರ ವಿಶ್ವದಾಖಲೆಯನ್ನು ಪುಡಿಗಟ್ಟಿದ್ದಾರೆ.

ಚೆಪ್ಟೆಗಿ ಒಂದೇ ಸಮಯದಲ್ಲಿ 5000 ಮತ್ತು 10000 ಮೀಟರ್​ ಓಟದ ವಿಶ್ವದಾಖಲೆಯನ್ನು ಹೊಂದಿದ ವಿಶ್ವ10ನೇ ಓಟಗಾರ ಎನಿಸಿಕೊಂಡಿದ್ದಾರೆ.