ನವದೆಹಲಿ: ಫಿಲಿಫೈನ್ಸ್ ಬಾಕ್ಸಿಂಗ್ ದಂತಕಥೆ ಮ್ಯಾನಿ ಪಕ್ಯಾವ್ ಬಾಕ್ಸಿಂಗ್ ವೃತ್ತಿಜೀವನಕ್ಕೆ ಬುಧವಾರ ನಿವೃತ್ತಿ ಘೋಷಿಸಿದ್ದಾರೆ. ಮಾಧ್ಯಮಗಳ ವರದಿಯ ಪ್ರಕಾರ, ಅವರು 2022ರ ಫಿಲಿಪೈನ್ಸ್ ಅಧ್ಯಕ್ಷೀಯ ಚುನಾವಣೆಗೆ ಸ್ಪರ್ಧಿಸಲಿದ್ದಾರೆ ಎಂದು ತಿಳಿದುಬಂದಿದೆ.
8 ವಿವಿಧ ವಿಭಾಗಗಳಲ್ಲಿ ವಿಶ್ವ ಪ್ರಶಸ್ತಿ ಜಯಿಸಿದ್ದ ಏಕೈಕ ಬಾಕ್ಸರ್ ಪಕ್ಯಾವ್ ತಮ್ಮ ಫೇಸ್ಬುಕ್ ಖಾತೆಯಲ್ಲಿ 14 ನಿಮಿಷಗಳ ಭಾವನಾತ್ಮಕ ವಿಡಿಯೋ ಹಂಚಿಕೊಂಡಿದ್ದು ವಿದಾಯದ ಸುದ್ದಿ ತಿಳಿಸಿದ್ದಾರೆ. 42 ವರ್ಷದ ಪಕ್ಯಾವ್ ತಮಗೆ ಬೆಂಬಲ ನೀಡಿದ ಅಭಿಮಾನಿಗಳಿಗೆ ಧನ್ಯವಾದ ತಿಳಿಸುವುದರ ಜೊತೆಗೆ ವೃತ್ತಿ ಜೀವನದ ಹಲವು ನೆನಪುಗಳನ್ನು ಸ್ಮರಿಸಿಕೊಂಡಿದ್ದಾರೆ.
ಕಳೆದ ಭಾನುವಾರ, ಪ್ಯಾಕಿಯಾವೊ ಮೇ 2022 ರ ಚುನಾವಣೆಯಲ್ಲಿ ಅಧ್ಯಕ್ಷ ಸ್ಥಾನಕ್ಕೆ ಸ್ಪರ್ಧಿಸುವ ಯೋಜನೆ ಘೋಷಿಸಿದ್ದರು. 2016ರಿಂದ ಸೆನೆಟರ್ ಆಗಿರುವ ವಿಶ್ವ ಬಾಕ್ಸಿಂಗ್ ಚಾಂಪಿಯನ್, ಈ ಹಿಂದೆ ಎರಡು ಬಾರಿ ಪ್ರತಿನಿಧಿಗಳ ಸದನದಲ್ಲಿ ಸೇವೆ ಸಲ್ಲಿಸಿದ್ದಾರೆ.
ಪಕ್ಯಾವ್ ಕ್ಯೂಬಾದ ಯಾರ್ಡೆನಿಸ್ ಉಗಾಸ್ ವಿರುದ್ಧ ತಮ್ಮ ಕೊನೆಯ ವೃತ್ತಿಪರ ಪೈಪೋಟಿ ನಡೆಸಿದ್ದರು. ಆ ಪಂದ್ಯದಲ್ಲಿ ಉಗಾಸ್ ಸರ್ವಾನುಮತದಿಂದ ಫಿಲಿಫೈನ್ಸ್ ಬಾಕ್ಸರ್ ಮಣಿಸಿ ಡಬ್ಲೂಬಿಎ (WBA) ವೆಲ್ಟರ್ವೇಟ್ ಪ್ರಶಸ್ತಿಯನ್ನು ತಮ್ಮಲ್ಲೇ ಉಳಿಸಿಕೊಂಡಿದ್ದರು.
ಇದನ್ನೂ ಓದಿ: ಪಾಕಿಸ್ತಾನಕ್ಕೆ ಕ್ಷಮೆ ಕೋರಿದ ಇಂಗ್ಲೆಂಡ್ ಕ್ರಿಕೆಟ್ ಮಂಡಳಿ : 2022ಕ್ಕೆ ಪ್ರವಾಸ ಕೈಗೊಳ್ಳುವ ಭರವಸೆ
