ಥಾಯ್ಲೆಂಡ್ ಓಪನ್ ಬಾಕ್ಸಿಂಗ್ : 3 ಚಿನ್ನ ಸಹಿತ 10 ಪದಕ ಗೆದ್ದ ಭಾರತೀಯ ಬಾಕ್ಸರ್​ಗಳು

ಶನಿವಾರದ ಬೌಟ್ಸ್​ನಲ್ಲಿ ಸಹನಿ ಮತ್ತು ಸುಮಿತ್​ ತಮ್ಮ ಪ್ರತಿಸ್ಪರ್ದಿಗಳ ವಿರುದ್ಧ ಆರಂಭ ಮತ್ತು ಅಂತ್ಯ ಎರಡಲ್ಲೂ ಪ್ರಾಬಲ್ಯಯುತ ಪ್ರದರ್ಶನ ತೋರಿ 5-0 ಅಂಕಗಳ ಅಂತರದಲ್ಲಿ ಗೆಲುವು ಸಾಧಿಸಿದರು. ಇವರಿಬ್ಬರು ಸ್ಥಳೀಯ ಬಾಕ್ಸರ್​ಗಳಾದ ನಟ್ಟಫಾನ್ ಥುಮ್ಚರೋಯೆನ್ ಮತ್ತು ಪೀಟ್​ಪತ್ ಯೆಸುಂಗ್ನೋ ವಿರುದ್ಧ ಗೆಲುವು ಸಾಧಿಸಿದರು..

ನವದೆಹಲಿ :ಭಾರತೀಯ ಬಾಕ್ಸರ್​ಗಳಾದ ಗೋವಿಂದ್ ಸಹನಿ(48 ಕೆಜಿ), ಅನಂತ್ ಪ್ರಹ್ಲಾದ್​ ಚೋಪ್ಡೆ(54 ಕೆಜಿ) ಮತ್ತು ಸುಮಿತ್(75ಕೆಜಿ) ಥಾಯ್ಲೆಂಡ್​ ಓಪನ್​​ನಲ್ಲಿ ಭರ್ಜರಿ ಪ್ರದರ್ಶನ ತೋರಿ ಭಾರತಕ್ಕೆ ಚಿನ್ನದ ಪದಕಗಳನ್ನು ತಂದುಕೊಟ್ಟಿದ್ದಾರೆ. ಶನಿವಾರ ನಡೆದ ಬೌಟ್ಸ್​ನಲ್ಲಿ ಸಹನಿ ಮತ್ತು ಸುಮಿತ್​ ತಮ್ಮ ಪ್ರತಿಸ್ಪರ್ದಿಗಳ ವಿರುದ್ಧ ಆರಂಭ ಮತ್ತು ಅಂತ್ಯ ಎರಡಲ್ಲೂ ಪ್ರಾಬಲ್ಯಯುತ ಪ್ರದರ್ಶನ ತೋರಿ 5-0 ಅಂಕಗಳ ಅಂತರದಲ್ಲಿ ಗೆಲುವು ಸಾಧಿಸಿದರು.

ಇವರಿಬ್ಬರು ಸ್ಥಳೀಯ ಬಾಕ್ಸರ್​ಗಳಾದ ನಟ್ಟಫಾನ್ ಥುಮ್ಚರೋಯೆನ್ ಮತ್ತು ಪೀಟ್​ಪತ್ ಯೆಸುಂಗ್ನೋ ವಿರುದ್ಧ ಗೆಲುವು ಸಾಧಿಸಿದರು. 54 ಕೆಜಿ ವಿಭಾಗದಲ್ಲಿ ಅನಂತ ಥಾಯ್ಲಂಡ್​ ಅಗ್ರ ಬಾಕ್ಸರ್​ ವ ರಿತ್ತಿಯಾಮನ್ ಸೇಂಗ್ಸಾವಾಂಗ್ ವಿರುದ್ಧ ಡಿಫೆನ್ಸ್​ ಮತ್ತು ಆಕ್ರಮಣಕಾರಿ ಮಿಶ್ರಿತ ಪ್ರದರ್ಶನ ತೋರಿ ಅವಿರೋಧ ಜಯ ಸಾಧಿಸಿ ಚಿನ್ನದ ಪದಕಕ್ಕೆ ಮುತ್ತಿಕ್ಕಿದರು.

ಆದರೆ, ಅಮಿತ್ ಪಂಘಲ್(52ಕೆಜಿ),ಮೋನಿಕಾ(48 ಕೆಜಿ),ವರೀಂದರ್ ಸಿಂಗ್(60ಕೆಜಿ) ಕೆ ಜಿ ಆಶಿಷ್ ಕುಮಾರ್​(81ಕೆಜಿ) ಫೈನಲ್​ನಲ್ಲಿ ಸೋಲು ಕಂಡು ಬೆಳ್ಳಿ ಪದಕಕ್ಕೆ ತೃಪ್ತಿಪಟ್ಟರು. ಮನೀಶಾ(57ಕೆಜಿ), ಪೂಜಾ(69ಕೆಜಿ) ಮತ್ತು ಭಾಗ್ಯವತಿ ಕಚಾರಿ(75 ಕೆಜಿ) ಕಂಚಿನ ಪದಕ ಗೆದ್ದರು. ಈ ಟೂರ್ನಿಯಲ್ಲಿ ಚಿನ್ನದ ಪದಕ ಗೆದ್ದವರಿಗೆ 2000 ಅಮೆರಿಕನ್ ಡಾಲರ್ ಮತ್ತು ಬೆಳ್ಳಿ ಹಾಗೂ ಕಂಚು ಗೆದ್ದವರಿಗೆ ಕ್ರಮವಾಗಿ 1000 ಮತ್ತು 500 ಡಾಲರ್​ ಬಹುಮಾನ ನೀಡಲಾಗುತ್ತದೆ.

ಇದನ್ನೂ ಓದಿ:ಧೋನಿ ಸಾಧನೆಯನ್ನು ಸರಿಗಟ್ಟಿದ ತೆವಾಟಿಯಾ.. ಯಾವ ದಾಖಲೆ ಅದು?